ພາບປະກອບ
(vovworld) – ວັນທີ 28/4, ຢູ່ ຈາກາຕາ, ປະເທດ ອິນໂດເນເຊຍ, ກຳມາທິການ ເສດຖະກິດ - ສັງຄົມ ອາຊີ ປາຊີຟິກ (ESCAP) ຂອງສະຫະປະຊາຊາດໄດ້ປະກາດບົດລາຍງານສຳຫຼວດເສດຖະກິດ - ສັງຄົມພາກພື້ນ ອາຊີ - ປາຊີຟິກ ປີ 2016. ບົດລາຍງານໄດ້ຢັ້ງຢືນວ່າ: ບັນດາປະເທດເລີ່ມປະຕິບັດໂຄງການດຳເນີນງານປີ 2030, ໄລຍະຕໍ່ໄປຂອງການເຕີບໂຕເສດຖະກິດ ອາຊີ - ປາຊີຟິກ, ຕ້ອງໄດ້ຮັບການຊຸກຍູ້ດ້ວຍເລື່ອງເພີ່ມສະມັດຕະພາບໃນຂອບຂະໜາດກ້ວາງຂວາງ. ບົດລາຍງານຮຽກຮ້ອງສືບຕໍ່ມຸ່ງໄປເຖິງການສ້າງຄວາມດຸນດ່ຽງກ່ຽວກັບຄວາມຕ້ອງການພາຍໃນປະເທດ ແລະ ພາກພື້ນ, ຄືດັ່ງມາດຕະການແກ້ໄຂໃຫ້ແກ່ການເຕີບໂຕໂດຍອີງໃສ່ການສົ່ງອອກ. ເຖິງຢ່າງໃດກໍ່ຕາມ, ຕາມ ESCAP ແລ້ວ, ເຖິງວ່າມີສິ່ງທ້າທາຍຫຼາຍຢ່າງພວມປະກົດອອກແຕ່ເສດຖະກິດຂອງພາກພື້ນນີ້ຍັງຄົງມີແງ່ຫວັງຫຼາຍຢ່າງ ແລະ ຄາດຄະເນວ່າ ການເຕີບໂຕດ້ານເສດຖະກິດຢູ່ ອາຊີ - ປາຊີຟິກ ຈະບັນລຸໄດ້ 4,8% ໃນປີ 2016 ແລະ 5% ໃນປີ 2017.