ພິທີຊຸມນຸມມິດຕິງຕອບສະໜອງວັນໂລກບໍ່ສູບຢາ |
(vovworld)- ຕອນເຊົ້າວັນທີ 30/5, ຢູ່ນະຄອນໂຮ່ຈິມິນ, ກະຊວງສາທາລະນະສຸກຫວຽດນາມ ໄດ້ຈັດພິທີຊຸມນຸມມິດຕິງຕອບສະໜອງວັນໂລກບໍ່ສູບຢາ ແລະ ສັບປະດາແຫ່ງຊາດປອດຢາສູບ. ປະຈຸບັນ, ຫວຽດນາມແມ່ນໜຶ່ງໃນຈຳນວນ 15 ປະເທດທີ່ມີຈຳນວນຜູ້ສູບຢາຫຼາຍກວ່າໝູ່ໃນໂລກ. ຄິດສະເລ່ຍເພດຊາຍ 2 ຄົນໄວ 15 ປີ ຂຶ້ນໄປ ກໍມີຜູ້ໜຶ່ງຕິດຢາສູບ. ທ່ານ ຮອງສາດສະດາຈານ, ດຣ ຫງວຽນຫງອກເຄວ ຫົວໜ້າກົມຄຸ້ມຄອງການກວດປິ່ນປົວພະຍາດ, ຫົວໜ້າຫ້ອງການໂຄງການປ້ອງກັນ ແລະ ຕ້ານຜົນຮ້າຍຈາກຢາສູບໃຫ້ຮູ້ວ່າ :
“ ດ້ວຍບັນດາມາດຕະການສັງລວມ, ພວກເຮົາຈະຫຼຸດຜ່ອນອັດຕາການສະໜອງ ແລະ ຄວາມຕ້ອງການຢາສູບ. ເປົ້າໝາຍແມ່ນຜູ້ສູບຢາເຖິງກະສຽນອາຍຸຢູ່ຫວຽດນາມຈະຫຼຸດຜ່ອນຈາກ 47,4% ລົງເຫຼືອພຽງ 39%. ພວກເຮົາຕ້ອງສູ້ຊົນພະຍາຍາມສ້າງສະພາບແວດລ້ອມທີ່ສົດໃສ, ປອດຢາສູບຢູ່ໂຮງຮຽນ, ໂຮງໝໍ, ອົງການສຳນັກງານ ແລະ ສະຖານທີ່ສາທາລະນະທຸກໆແຫ່ງ ”