ທ່ານເລຂາທິການໃຫຍ່ ຫງວຽນຟູຈ້ອງ ໄດ້
ຕ້ອນຮັບທ່ານນາຍົກລັດຖະມົນຕີ ລາວ ທອງລຸນ ສີສຸລິດ
(ພາບ: TTXVN)
(vovworld) - ຕອນເຊົ້າວັນທີ 16/05 ຢູ່ຮ່າໂນ້ຍ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູຈ້ອງ ໄດ້ໃຫ້ການຕ້ອນຮັບທ່ານນາຍົກລັດຖະມົນຕີ ລາວ ທອງລຸນ ສີສຸລິດ ທີ່ພວມຢູ່ຢ້ຽມຢາມ ຫວຽດນາມ ຢ່າງເປັນທາງການ.
ທ່ານເລຂາທິການໃຫຍ່ ຫງວຽນຟູຈ້ອງ ແລະ ທ່ານນາຍົກລັດຖະມົນຕີ ລາວ ທອງລຸນ ສີສຸລິດ ສະແດງຄວາມພາກພູມໃຈຕໍ່ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ, ລາວ - ຫວຽດນາມ ນັບມື້ນັບໄດ້ຮັບການປັບປຸງ ແລະ ພັດທະນາເຂົ້າສູ່ລວງເລິກ, ແທດຈິງ ແລະ ມີປະສິດທິຜົນໃນທຸກຂົງເຂດ, ນຳເອົາຜົນປະໂຫຍດມາໃຫ້ປະຊາຊົນແຕ່ລະປະເທດ. ການນຳ 2 ທ່ານສືບຕໍ່ຢືນຢັນວ່າ: ສາຍພົວພັນມິດຕະພາບທີ່ເປັນມູນເຊື້ອ ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ, ລາວ - ຫວຽດນາມ ແມ່ນຊັບສົບບັດລວມອັນລ້ຳຄ່າຂອງ 2 ພັກ, 2 ຊາດ, ແມ່ນກົດເກນແຫ່ງການຄົງຕົວ ແລະ ພັດທະນາ, ແມ່ນການພົວພັນເປັນຕາຍ ແລະ ແມ່ນແຫຼ່ງກຳລັງສຳຄັນສຳລັບພາລະກິດປົກປັກຮັກສາ ແລະ ພັດທະນາຂອງແຕ່ລະປະເທດ, ປະກອບສ່ວນຢ່າງຕັ້ງໜ້າເພື່ອສັນຕິພາບ, ສະຖຽນລະພາບ, ການຮ່ວມມື, ພັດທະນາຢູ່ພາກພື້ນ ແລະ ໃນໂລກ, ຄວນຮັກສາ, ເພີ່ມພູນຄູນສ້າງ, ເສີມຂະຫຍາຍ ແລະ ສືບທອດໃຫ້ແກ່ລຸ້ນຕໍ່ໆໄປ.
ສ່ວນທ່ານນາຍົກລັດຖະມົນຕີ ທອງລຸນ ສີສຸລິດ ແຈ້ງກັບທ່ານເລຂາທິການໃຫຍ່ ຫງວຽນຟູຈ້ອງ ຊາບກ່ຽວກັບໝາກຜົນການເຈລະຈາກັບທ່ານນາຍົກລັດຖະມົນຕີ ຫງວຽນຊວນຟຸກ ແລະ ບັນດາການພົບປະກັບການນຳຂັ້ນສູງຂອງ ຫວຽດນາມ. ທ່ານເລຂາທິການໃຫຍ່ ຫງວຽນຟູຈ້ອງ ຢືນຢັນວ່າ: ຫວຽດນາມ ສະໜັບສະໜູນພາລະກິດປ່ຽນໃໝ່ຢ່າງແຮງ ແລະ ຮອບດ້ານ, ພ້ອມທັງເຊື່ອໝັ້ນວ່າ: ປະຊາຊົນ ລາວ ສືບຕໍ່ຍາດໄດ້ບັນດາຜົນງານໃໝ່ໃຫຍ່ຫລວງກ່ວາອີກໃນພາລະກິດປ່ຽນແປງໃໝ່.