(vovworld) - ວັນທີ 27/02, ບັນດາເຈົ້າໜ້າທີ່ຂັ້ນສູງທີ່ມາຈາກບັນດາປະເທດເຂົ້າຮ່ວມການເຈລະຈາສັນຍາຄູ່ຮ່ວມມືເສດຖະກິດຮອບດ້ານຢູ່ພາກພື້ນ (RCEP) ໄດ້ຈັດການເຈລະຈາຮອບໃໝ່ຢູ່ນະຄອນ Kobe, ປະເທດຍີ່ປຸ່ນ, ໃນນັ້ນໄດ້ປຶກສາຫາລືກ່ຽວກັບບັນດາບັນຫາເພື່ອແນໃສ່ສ້າງເຂດເສດຖະກິດເສລີທີ່ກວ້າງໃຫຍ່ໃນພາກພື້ນ. ນີ້ກໍ່ແມ່ນຮອບເຈລະຈາເປັນຄັ້ງທຳອິດ ນັບແຕ່ພາຍຫຼັງອຳນາດການປົກຄອງຂອງປະທານາທິບໍດີອາເມລິກາ Donald Trump ປະກາດຖອນອອກຈາກການເຈລະຈາສັນຍາຄູ່ຮ່ວມມືຂ້າມປາຊີຟິກ (TPP). ດ້ວຍເລື່ອງ ອາເມລິກາ ໃຫ້ບຸລິມະສິດຊຸກຍູ້ບັນດາຂໍ້ຕົກລົງດ້ານການຄ້າ 2 ຝ່າຍ ແທນທີ່ບັນດາຂໍ້ຕົກລົງຫຼາຍຝ່າຍ ຫຼື ການຄ້າເສລີ, ບັນດາເຈົ້າໜ້າທີ່ຂັ້ນສູງ RCEP ຫວັງວ່າ ຈະບັນລຸໄດ້ຄວາມເຫັນດີເຫັນພ້ອມລວມໃນບັນດາບັນຫາກ່ຽວກັບພາສີໃນຂົງເຂດເສດຖະກິດໃໝ່, ກໍ່ຄືວິທີເຊິ່ງບັນດາພື້ນຖານເສດຖະກິດໃຫຍ່ສາມາດໜູນຊ່ວຍບັນດາພື້ນຖານເສດຖະກິດພວມພັດທະນາ.