(vovworld) – ເວທີປາໄສດ້ວຍຫົວເລື່ອງ “ເພີ່ມທະວີກາລະໂອກາດດຳເນີນທຸລະກິດໃນ ອາຊຽນ” ໂດຍອົງການພັດທະນາການຄ້າຕ່າງປະເທດ ມາໄລເຊຍ (MATREDE) ຈັດຕັ້ງໃນວັນທີ 12/03 ຢູ່ນະຄອນຫລວງ Kuala Lumpur, ມາເລເຊຍ. ທ່ານເອກອັກຄະລັດຖະທູດ ຫວຽດນາມ ປະຈຳມາເລເຊຍ ຟ້າມກາວຟອງ ແລະ ທ່ານທີ່ປຶກສາທູດການຄ້າ ຫວຽດນາມ ຫງວຽນເຊີນຮ່າ ໄດ້ເຂົ້າຮ່ວມເຫດການ.
ເວທີປາໄສແມ່ນຂໍ້ລິເລີ່ມສ່ວນໜຶ່ງຂອງລັດຖະບານ ມາເລເຊຍ ເພື່ອແນໃສ່ເພີ່ມທະວີຄວາມຮັບຮູ້ກ່ຽວກັບກາລະໂອກາດໃນ ASEAN ກວ່າອີກ, ພ້ອມທັງ ເປັນພື້ນຖານໃຫ້ປະຊາຄົມວິສາຫະກິດແລກປ່ຽນທັດສະນະກ່ຽວກັບມາດຕະການໃໝ່ເຮັດໃຫ້ການເຊື່ອມຕໍ່ດ້ານການຄ້າພາຍໃນພາກພື້ນເລິກເຊີ່ງຂຶ້ນຕື່ມ. ບັນດາວາລະປຶກສາຫາລືຢູ່ເວທີປາໄສຈະສ້າງເງື່ອນໄຂໃຫ້ແກ່ບັນດາຜູ້ແທນເຂົ້າໃຈແຈ້ງກວ່າກ່ຽວກັບຄວາມຕ້ອງການ ແລະ ແງ່ຫວັງຂອງຕະຫລາດ ອາຊຽນ.
ໃນຂອບເຂດເວທີປາໄສ, ບັນດາຜູ້ແທນເຂົ້າຮ່ວມບັນດາວາລະປຶກສາຫາລືທີ່ກ່ຽວຂ້ອງກັບເຖິງກາລະໂອກາດດຳເນີນທຸລະກິດຢູ່ ອາຊຽນ ຄື: ການດຳເນີນທຸລະກິດຢູ່ໄທ, ການເຊື່ອມຕໍ່ເພື່ອການເຕີບໂຕຢູ່ ມຽນມາ, ການສຳພັດກັບຕະຫລາດ ຫວຽດນາມ, ການເປີດກ້ວາງຕະຫລາດຢູ່ ຟີລິບປິນ, ເພີ່ມທະວີການດຳເນີນທຸລະກິດຢູ່ ອີນໂດເນເຊຍ. ບັນດາຜູ້ແທນກໍ່ໄດ້ອັບເດັດຂໍ້ມູນຂ່າວສານກ່ຽວກັບວິວັດການສ້າງປະຊາຄົມເສດຖະກິດອາຊຽນ, ແງ່ຫວັງດຳເນີນທຸລະກິດອາຊຽນ, ການເຊື່ອມໂຍງເສດຖະກິດພາກພື້ນ.