(vovworld) – “ປັບປຸງ, ເພີ່ມເຕີມປະມວນກົດໝາຍອາຍາໃນສະພາບການຜັນຂະຫຍາຍປະຕິບັດລັດຖະທຳມະນູນປີ 2013”, ນັ້ນແມ່ນຫົວຂໍ້ຂອງເວທີປາໄສໂອ້ລົມສົນທະນານະໂຍບາຍກົດໝາຍຄັ້ງທີ 2 ປີ 2014, ຊຶ່ງຖືກຈັດຕັ້ງໃນຕອນເຊົ້າວັນທີ 22/10 ຢູ່ຮ່າໂນ້ຍ. ກ່າວຄຳເຫັນທີ່ເວທີປາໄສ, ທ່ານຮອງລັດຖະມົນຕີກະຊວງຍຸຕິທຳ ຫວຽດນາມ ດິງຈູງຕຸງ ຊີ້ແຈ້ງວ່າ: ເລື່ອງປັບປຸງກົດໝາຍອາຍາຄວນໄດ້ຮັບການຜັນຂະຫຍາຍບົນພື້ນຖານປ່ຽນໃໝ່ຈີນຕະນາການກ່ຽວກັບນະໂຍບາຍອາຍາ, ຍົກສູງປະສິດທິຜົນແຫ່ງການປ້ອງກັນ, ສະກັດກັ້ນ ແລະ ເພີ່ມທະວີລັກສະນະມຸ່ງໄປເຖິງຄວາມສຸດຈະລິດໃນການປັບໄໝລົງໂທດຜູ້ລະເມີດກົດໝາຍ, ເຄົາລົບ ແລະ ຮັບປະກັນປະຕິບັດສິດທິມະນຸດ, ສິດ ແລະ ໜ້າທີ່ພື້ນຖານຂອງພົນລະເມືອງທີໄດ້ລະບຸໄວ້ໃນລັດຖະທຳມະນູນປີ 2013 ກໍ່ຄືຮັບປະກັນປະຕິບັດບັນດາສົນທິສັນຍາສາກົນເຊິ່ງຫວຽດນາມ ແມ່ນສະມາຊິກຢ່າງຄົບຖ້ວນ. ທີ່ເວທີປາໄສ, ບັນດາຜູ້ແທນກໍ່ສະເໜີບັນດານະໂຍບາຍໃໝ່ ແລະ ບັນດາມາດຕະການປັບປຸງກົດໝາຍອາຍາ, ກ່ຽວກັບຄວາມຮັບຜິດຊອບທາງອາຍາຂອງນິຕິບຸກຄົນ. ບັນດານັກຊ່ຽວຊານສາກົນຂອງອົງການສປຊ ເພື່ອການພັດທະນາ (UNDP) ປະຈຳ ຫວຽດນາມ ນຳສະເໜີບັນດາຂໍ້ສະເໜີທີ່ໄດ້ຍົກອອກມາໃນບົດລາຍງານຂອງສະພາສິດທິມະນຸດ ສປຊ ກ່ຽວຂ້ອງເຖິງປະມວນກົດໝາຍອາຍາ, ເພີ່ມເຕີມຄຳເຫັນກ່ຽວກັບການປັບປຸງ, ເພີ່ມເຕີມປະມວນກົດໝາຍອາຍາໃນສາຍກ່ຽວພັນກັບສົນທິສັນຍາສາກົນເຊິ່ງ ຫວຽດນາມ ແມ່ນສະມາຊິກ.