ພາບປະກອບ
|
(vovworld) – ຕາມບໍລິສັດປະກັນໄພດ້ານການເງິນ Coface (ປະເທດ ຝຣັ່ງ), ຫວຽດນາມ ຖືກຈັດເຂົ້າໃນກຸ່ມມີແງ່ຫວັງຕັ້ງໜ້າ ຍ້ອນລະດັບເຕີບໂຕສູງໃນ 10 ປີມານີ້ ແລະ ຫລຸດຜ່ອນຄວາມສ່ຽງຍ້ອນໜີ້ສາທາລະນະ. ຫວຽດນາມ ພ້ອມກັບ ສີລັງກາ ແມ່ນ 2 ປະເທດໄດ້ຮັບການຕີລາຄາວ່າແມ່ນປະເທດພັດທະນາໃຫມ່ຢູ່ ອາຊີ.
ຫວຽດນາມ ພວມຄ່ອຍໆຫລຸດພົ້ນອອກຈາກສະພາບໄພເງິນເຟີ້ສູງ. ແຕ່ 3 ປີມານີ້, ບໍ່ມີສະພາບເງິນຕາພາຍໃນປະເທດຖືກຕົກລາຄາ. ການລົງທຶນໂດຍກົງຈາກຕ່າງປະເທດເພີ່ມຂຶ້ນຢ່າງບໍ່ຢຸດຢັ້ງ. ຫວຽດນາມ ກໍ່ກາຍເປັນບ່ອນຜະລິດໃຫ້ແກ່ຂະແໜງເອກເລັກໂຕນິກ ສ. ເກົາຫຼີ. ແງ່ຫວັງການເຕີບໂຕຂອງ ຫວຽດນາມ ໄດ້ຮັບການຕີລາຄາເປັນຢ່າງດີ.
ເຖິງຢ່າງໃດກໍ່ຕາມ, ຕາມ Coface ແລ້ວ, ຫວຽດນາມ ຍັງຕ້ອງແກ້ໄຂບັນດາສິ່ງຍັງຄົງຄ້າງໃນຂົງເຂດທະນາຄານ, ຫັນບັນດາລັດວິສາຫະກິດເປັນທັນສະໄໝ ແລະ ຄວາມສ່ຽງຍ້ອນໜີ້ສາທາລະນະ.