ເສນາທິການໃຫຍ່ກອງທັບປະຊາຊົນຫວຽດນາມໃຫ້ການຕ້ອນຮັບປະທານສະພາບໍລິຫານກຸ່ມບໍລິສັດCNIM
ທ່ານ ພົນຕີ ຟານວັນຢາງ ຕ້ອນຮັບທ່ານ Nicolas Dmitrieff
(ພາບ: ຈູງກຽນ)
(vovworld)- ຕອນບ່າຍ ວັນທີ 23/8, ຢູ່ຮ່າໂນ້ຍ, ທ່ານ ພົນຕີ ຟານວັນຢາງ, ເສນາທິການໃຫຍ່ ກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ໄດ້ຕ້ອນຮັບຄະນະຜູ້ແທນ ພະນັກງານກຸ່ມບໍລິສັດ CNIM (ສາທາລະນະລັດຝຣັ່ງ) ໂດຍທ່ານ Nicolas Dmitrieff, ປະທານສະພາບໍລິຫານກຸ່ມບໍລິສັດ CNIM ເປັນຫົວໜ້າຄະນະ, ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານ ພົນຕີ ຟານວັນຢາງ ເນັ້ນໜັກວ່າ: ໃນຊຸມປີຜ່ານມາ, ການພົວພັນຮ່ວມມື ລະຫວ່າງ ສອງປະເທດ ໃນທຸກຂົງເຂດສືບຕໍ່ພັດທະນາຢ່າງດີງາມ, ໃນນັ້ນ ມີການພົວພັນຮ່ວມມື ດ້ານປ້ອງກັນຊາດສອງຝ່າຍ, ຄືການແລກປ່ຽນຄະນະຜູ້ແທນ, ບຳລຸງສ້າງ, ເສນາຮັກ, ແລກປ່ຽນບົດຮຽນ ເຂົ້າຮ່ວມການຮັກສາສັນຕິພາບ ຂອງສະຫະປະຊາຊາດ… ທ່ານ ເສນາທິການໃຫຍ່ ຟານວັນຢາງ ຖືວ່າ: ໃນໄລຍະຈະມາເຖິງ ສອງຝ່າຍຕ້ອງຕັ້ງໜ້າເປັນເຈົ້າການຊອກຮູ້ຄວາມຕ້ອງການ ໃນການຮ່ວມມື ກ່ຽວກັບຂົງເຂດອຸດສາຫະກຳ ປ້ອງກັນຊາດ; ໃນນັ້ນເອົາໃຈໃສ່ເປັນພິເສດ ເຖິງບັນດາຜະລິດຕະພັນ ໜ້າທີ່ ປ້ອງກັນຊາດຮັບໃຊ້ການພັດທະນາດ້ານເສດຖະກິດ ແລະ ຊີວິດການເປັນຢູ່ ຂອງປະຊາຊົນ