ເສີມຂະຫຍາຍມູນເຊື້ອ ກອງທັບ ປຊຊ ຫວຽດນາມ ວິລະຊົນ
(ພາບ: vov)
(vovworld)- “ເສີມຂະຫຍາຍມູນເຊື້ອກອງທັບ ປຊຊ ຫວຽດນາມ ວິລະຊົນຄົບຮອບ 70 ປີ” ແມ່ນຫົວເລື່ອງຂອງງານພົບປະແລກປ່ຽນເນື່ອງໃນໂອກາດສະເຫຼີມ ສະຫຼອງ 70 ປີແຫ່ງວັນສ້າງຕັ້ງກອງທັບ ປຊຊ ຫວຽດນາມ ແລະ 25 ປີແຫ່ງວັນບຸນທົ່ວປວງຊົນປ້ອງກັນຊາດ ຈັດຂຶ້ນໃນຕອນເຊົ້າວັນທີ 9/12 ຢູ່ຮ່າໂນ້ຍ. ນະທີ່ນີ້, ບັນດາຜູ້ແທນຊື່ງແມ່ນນັກປະຕິວັດຜູ້ອາວຸໂສ, ນັກວິລະຊົນປະກອບອາວຸດ ປຊຊ, ນັກຮົບເກົ່າດີເດັ່ນໄດ້ພ້ອມກັນຫວນຄືນປະຫວັດສາດແຫ່ງການສ້າງຕັ້ງ, ມູນເຊື້ອອັນສະຫງ່າງລາສີ, ບັນດາວິລະກຳສູ້ຮົບອັນສະງຫ່າງອົງອາດຂອງກອງທັບ ປຊຊ ຫວຽດນາມ. ພິເສດກ່ຽວກັບການຊີ້ນຳອັນສະຫຼາດສ່ອງໃສຂອງພັກແມ່ນປັດໄຈຕັດສິນທຸກໄຊຊະນະ ແລະ ຈິດໃຈພິລາດອາດຫານຂອງທະຫານລຸງໂຮ່ລຸ້ນຕ່າງໆ ໄດ້ສ້າງເປັນບັນດາວິລະກຳສູ້ຮົບດັ່ງກ້ອງກັງວານ.
ທີ່ງານພົບປະ, ພະນັກງານນັກຮົບລຸ້ນຕ່າງໆ ໄດ້ສະແດງຄວາມເອກອ້າງທະນົງໃຈທີ່ໄດ້ສືບທອດມູນເຊື້ອອັນສະຫງ່າງອົງອາດຂອງລຸ້ນກ່ອນ ແລະ ຕັດສິນໃຈສາມັກຄີກັນ, ແຂ່ງຂັນກັນປະຕິບັດທຸກໜ້າທີ່ສຳເລັດ, ປະກອບສ່ວນສ້າງກອງທັບ ໝັ້ນຄົງເຂັ້ມແຂງຮອບດ້ານ, ປົກປັກຮັກສາປະເທດຊາດໃນສະພາບການໃໝ່.
(ສ້າງກອງທັບປະຊາຊົນຫວຽດນາມ ໃນໄລຍະເຊື່ອມໂຍງເຂົ້າກັບສາກົນ)
ສ້າງກອງທັບປະຊາຊົນ ຫວຽດນາມ ໃນໄລຍະ ເຊື່ອມໂຍງເຂົ້າກັບສາກົນ
ສ້າງກອງທັບໃຫ້ໝັ້ນຄົງເຂັ້ມແຂງທາງດ້ານການເມືອງ, ເປັນທະຫານຫຼວງ, ຊຳນານຮົບ ແລະ ທັນສະໄໝເທື່ອລະກ້າວ; ພັດທະນາວິທະຍາສາດ ແລະ ສິລະປະການທະຫານ; ເພີ່ມທະວີການຮ່ວມມືດ້ານປ້ອງກັນຊາດກັບສາກົນ ນັ້ນແມ່ນເນື້ອໃນຕົ້ນຕໍ່ຂອງບົດຂຽນ “ສ້າງກອງທັບປະຊາຊົນຫວຽດນາມ ໃນໄລຍະເຊື່ອມໂຍງເຂົ້າກັບສາກົນ” ຂອງພັນເອກ ວູແຄງ, ສະຖາບັນຍຸດທະສາດປ້ອງກັນຊາດ, ກະຊວງປ້ອງກັນປະເທດ ທີ່ເວັບໄຊຂອງສຳນັກຂ່າວສານຫວຽດນາມ ໃນວັນທີ 09/12. ບົດຂຽນຢືນຢັນວ່າ: ພາລະກິດສ້າງສາ, ພັດທະນາປະເທດຊາດ, ປົກປັກຮັກສາປະເທດຊາດ ພວມດຳເນີນໄປໃນສະພາບການໃໝ່, ກອງທັບຕ້ອງມານະພະຍາຍາມກວ່າອີກໃນວຽກງານທຸກດ້ານ ໃນການເຄື່ອນໄຫວທຸກຂົງເຂດ; ຍູ້ແຮງການສ້າງກອງທັບປະຊາຊົນ, ສົມເປັນກຳລັງການເມືອງທີ່ຈົງຮັກພັກດີ, ໄວ້ເນື້ອເຊື່ອໃຈຂອງພັກ, ລັດ ແລະ ປະຊາຊົນ, ປະຕິບັດສຳເລັດທຸກວຽກງານທີ່ໄດ້ຮັບມອບໝາຍ. ພັນເອກ ວູແຄງ ຢືນຢັນວ່າ: ກອງທັບປະຊາຊົນຫວຽດນາມ ຈະເພີ່ມທະວີການຮ່ວມມືດ້ານປ້ອງກັນປະເທດກັບສາກົນຢ່າງບໍ່ຢຸດຢັ້ງ, ໂດຍສະເພາະແມ່ນບັນດາການພົວພັນຈຸດສຸມ ໃຫ້ເຂົ້າສູ່ລວງເລິກ. ພ້ອມກັນນັ້ນ ຕ້ອງຍູ້ແຮງການຮ່ວມມືດ້ານກອງທັບເຮືອ ບົນນ້ຳໃຈມິດຕະພາບ ແລະ ຮ່ວມມືປົກປັກຮັກສາຄວາມສະຫງົບບົນທະເລ. ໃນນັ້ນ, ເອົາໃຈໃສ່ເປີດກວ້າງການເຄື່ອນໄຫວພົບປະແລກປ່ຽນກັບທະຫານເຮືອປະເທດຕ່າງໆ ແນໃສ່ຍົກສູງຄວາມເຂົ້າອົກເຂົ້າໃຈ, ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນລະຫວ່າງບັນດາຫົວໜ່ວຍກອງທັບເຮືອ, ສ້າງການພົວພັນຮ່ວມມືເພື່ອແກ້ໄຂບັນດາບັນຫາເກີດຂຶ້ນບົນທະເລ ເພື່ອສະກັດກັ້ນການປະທະກັນ, ປະກອບສ່ວນເພີ່ມທະວີນ້ຳໃຈມິດຕະພາບລະຫວ່າງກອງທັບບັນດາປະເທດ, ປະຕິບັດການຮັກສາສັນຕິພາບ, ສະຖຽນລະພາບຢູ່ເຂດມີການຂັດແຍ້ງກັນໃນທະເລຕາເວັນອອກ.
ພັນເອກ ວູແຄງ ກໍ່ຢືນຢັນວ່າ: ກອງທັບປະຊາຊົນຫວຽດນາມ ຈະປະຕິບັດແຜນນະໂຍບາຍເຂົ້າຮ່ວມບັນດາການເຄື່ອນໄຫວຮັກສາສັນຕິພາບຂອງສະຫະປະຊາຊາດໂດຍກົງ, ຖືນີ້ແມ່ນໜ້າທີ່ສຳຄັນ, ເປັນປະຈຳໃນວຽກງານເຊື່ອມໂຍງເຂົ້າກັບສາກົນ ແລະ ການຕ່າງປະເທດກ່ຽວກັບການປ້ອງກັນຊາດ.