ທ່ານ Wolfgang Ischinge ປະທານ
ກອງປະຊຸມປ້ອງກັນຄວາມສະຫງົບ Munich
(ພາບ: AFP/TTXVN)
(vovworld) – ປະທານກອງປະຊຸມປ້ອງກັນຄວາມສະຫງົບ Munich ທ່ານ Wolfgang Ischinger ໄດ້ກ່າວເຕືອນບັນດາປະເທດ ເອີລົບ ໃກ້ຈະຈັດຕັ້ງການເລືອກຕັ້ງ ຄວນລະມັດລະວັງ, ຫຼີກລ້ຽງບໍ່ໃຫ້ມີບັນດານະໂຍບາຍສະແດງຫຼັກໝັ້ນສະໜັບສະໜູນ ຫຼື ຄັດຄ້ານອຳນາດການປົກຄອງໃໝ່ຢູ່ ອາເມລິກາ. ວັນທີ 19/02 ກ່າວຄຳເຫັນອັດກອງປະຊຸມ, ທ່ານ Wolfgang Ischinger ເນັ້ນໜັກວ່າ ບັນດາປະເທດ ເອີລົບ ຄວນຫລຸດຜ່ອນໄພຈະເກີດຄວາມແບ່ງແຍກກັນໃນການອອກສະໝັກເລືອກຕັ້ງ, ທີ່ກ່ຽວຂ້ອງເຖິງທັດສະນະສະໜັບສະໜູນ ຫຼື ຄັດຄ້ານຄວາມຮຽກຮ້ອງບັນດາປະເທດນີ້ ເພີ່ມທະວີລາຍຈ່າຍດ້ານປ້ອງກັນຊາດຂອງ ອາເມລິກາ.
ປະຈຸບັນ ກອງປະຊຸມປ້ອງກັນສະພາຄວາມສະຫງົບ Munich ແມ່ນໜຶ່ງໃນບັນດາເວທີປາໄສກ່ຽວກັບນະໂຍບາຍພົວພັນຕ່າງປະເທດ ແລະ ປ້ອງກັນຄວາມສະຫງົບ ສຳຄັນທີ່ສຸດໃນໂລກ. ໃນໄລຍະເວລາດຳເນີນກອງປະຊຸມນັບແຕ່ວັນທີ 17 – 19/02, ບັນດາຜູ້ແທນເຂົ້າຮ່ວມກອງປະຊຸມ ໄດ້ສຸມໃສ່ປຶກສາຫາລືກ່ຽວກັບອະນາຄົດແຫ່ງການພົວພັນຂ້າມມະຫາສະໝຸດອັດລັງຕິກ, NATO ແລະ ສະຫະພາບ ເອີລົບ (ອີລົບ), ວິກິດການຢູ່ ຢູແກຼນ, ການພົວພັນກັບ ລັດເຊຍ ກໍ່ຄືການປະທະກັນຢູ່ ຊີຣີ.