ແຂວງກວາງຈີ້ ຈັດຕັ້ງພິທີຊັກທຸງ “ທ້ອນໂຮມປະເທດຊາດເປັນເອກະພາບ” ຢ່າງສົມກຽດ
ພິທີຊັກທຸງຢູ່ ກວາງຈີ້
|
(vovworld) – ວັນທີ 30/4, ຢູ່ເຂດປູຊະນີຍະສະຖານພິເສດ 2 ຝາກແມ່ນ້ຳ ຮ່ຽນເລືອງ - ເບັ່ນຫາຍ, ແຂວງ ກວາງຈີ້ ໄດ້ຈັດຕັ້ງພິທີຊັກທຸງ “ທ້ອນໂຮມປະເທດຊາດເປັນເອກະພາບ” ຢ່າງສົມກຽດ ເນື່ອງໃນໂອກາດສະເຫຼີມສະຫຼອງ 42 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ແລະ 45 ປີແຫ່ງວັນປົດປ່ອຍແຂວງ ກວາງຈີ້ (01/05/1972 – 01/05/2017). ກ່າວຄຳເຫັນນະທີ່ນີ້, ທ່ານ ຫງວຽນວັນຮູ່ງ, ເລຂາຄະນະພັກແຂວງ ກວາງຈີ້, ເນັ້ນໜັກວ່າ:
“ໃນຈຸດເວລາທີ່ມີຄວາມໝາຍນີ້, ພາຍໃຕ້ເສົາທຸງຊາດປະຫວັດສາດ, ຢູ່ຂ້າງແມ່ນ້ຳເບັ່ນຫາຍ ແລະ ຂ້າງຂົວຮ່ຽນເລືອງ ພວກເຮົາຄືໄດ້ດຳລົງຊີວິດໃນບັນຍາກາດປະຫວັດສາດ, ທົບທວນຄືນໄລຍະທາງທີ່ສະຫງ່າອົງອາດ, ພິລະອາດຫານ ແຕ່ກໍ່ເຕັມໄປດ້ວຍເລືອດເນື້ອ ແລະ ນ້ຳຕາ. ພວກເຮົາໄດ້ເຕົ້ມໂຮມຢູ່ທີ່ນີ້ເພື່ອເຊີດຊູບັນດາຜົນງານ, ອະມະຕະໃນການສູ້ຮົບເພື່ອຕອບບຸນຄຸນຕໍ່ບັນດາການເສຍສະຫຼະອັນໃຫຍ່ຫຼວງຂອງລຸ້ນພໍ່ລຸ້ນອ້າຍ ທີ່ໄດ້ປົກປ້ອງພື້ນຖານເອກະລາດ, ເສລີພາບຂອງປະເທດຊາດ.”