ການແລກປ່ຽນບົດຮຽນຜັນຂະຫຍາຍກອງທະຫານຊ່າງແສງເຂົ້າຮ່ວມການຮັກສາສັນຕິພາບ ສປຊ
(ພາບ: ສຳນັກຂ່າວສານ ຫວຽດນາມ)
|
(vovworld) – ຕອນເຊົ້າວັນທີ 7/12, ຢູ່ຮ່າໂນ້ຍ, ສູນຮັກສາສັນຕິພາບ ຫວຽດນາມ, ກະຊວງປ້ອງກັນປະເທດໄດ້ສົມທົບກັບຫ້ອງການທູດທະຫານ, ສະຖານທູດ ຝຣັ່ງ ປະຈຳ ຮ່າໂນ້ຍ, ຈັດຕັ້ງການແລກປ່ຽນບົດຮຽນຜັນຂະຫຍາຍກອງທະຫານຊ່າງແສງເຂົ້າຮ່ວມການຮັກສາສັນຕິພາບ ສປຊ ລະຫວ່າງ ຫວຽດນາມ ແລະ ຝຣັ່ງ. ທີ່ກອງປະຊຸມ, ທ່ານພັນເອກ ຮ່ວາງກິມຟູ້ງ, ຜູ້ອຳນວຍການສູນຮັກສາສັນຕິພາບ ຫວຽດນາມ ໃຫ້ຮູ້ວ່າ:
“ທີ່ກອງປະຊຸມຄັ້ງນີ້, ພວກຂ້າພະເຈົ້າຫວັງວ່າ ຝຣັ່ງ ຈະຖ່າຍທອດບັນດາບົດຮຽນລ້ຳຄ່າກ່ຽວກັບຂອດຈັດຕັ້ງ, ສົມທົບວຽກງານ ສປຊ, ຂອດສົມທົບລະຫວ່າງບັນດາກຳລັງອື່ນໆໃນສະພາບແວດລ້ອມຫຼາຍປະເທດຢູ່ຄະນະປະຕິບັດງານລະອຽດ, ກໍ່ຄືທັກສະເພື່ອແກ້ໄຂບາງບັນຫາຢູ່ປະເທດໃດໜຶ່ງ ໃນຂະນະທີ່ພວກເຮົາສົ່ງກຳລັງກາງສະໜາມ ແລະ ທະຫານຊ່າງແສງຂອງພວກເຮົາເຂົ້າຮ່ວມ.”
ທີ່ກອງປະຊຸມ, ທ່ານ Re mi Lambert, ທີ່ປຶກສາການເມືອງຜູ້ທີໜຶ່ງ, ສະຖານທູດ ຝຣັ່ງ ປະຈຳ ຫວຽດນາມ ໄດ້ຢັ້ງຢືນວ່າ:
“ຝຮັ່ງ ພ້ອມແລ້ວທີ່ໜູນຊ່ວຍ ຫວຽດນາມ ເພື່ອໃຫ້ ຫວຽດນາມ ອາດສາມາດເຂົ້າຮ່ວມການເຄື່ອນໄຫວຮັກສາ ສັນຕິພາບໃນຫຼາຍຂົງເຂດຄື ບຳລຸງສ້າງພາສາ ຝຣັ່ງ ໃຫ້ຖັນແຖວພະນັກງານ, ນາຍທະຫານ, ເຊື້ອເຊີນບັນດານັກຊ່ຽວຊານຂອງ ຝຣັ່ງ ມາ ຫວຽດນາມ, ຫຼື ຈັດຕັ້ງບັນດາຊຸດຝຶກອົບຮົມໃຫ້ບັນດານາຍທະຫານ ຫວຽດນາມ ຢູ່ ຝຣັ່ງ.”