ກອງປະຊຸມສາກົນ ໂຄສະນາວັນນະຄະດີຫວຽດນາມ
ພາບ:vnexpress.net
|
(vovworld)-ຕອນເຊົ້າວັນທີ 2/3 ຢູ່ ຮ່າໂນ້ຍ, ສະມາຄົມນັກປະພັນຫວຽດນາມ ໄດ້ໄຂກອງປະຊຸມສາກົນ ໂຄສະນາວັນນະຄະດີຫວຽດນາມ ຄັ້ງທີ 3. ເຂົ້າຮ່ວມກອງປະຊຸມ ມີ ນັກກະວີ, ນັກປະພັນ 151 ຄົນມາຈາກ 41 ປະເທດໃນໂລກ. ທ່ານ ຫວູງອກຮ່ວາງ, ຮອງຫົວຫນ້າຄະນະໂຄສະນາສຶກສາສູນກາງ ຢືນຢັນວ່າ:
“ຜ່ານວັນນະຄະດີ ພວກເຮົາເຂົ້າໃຈໄດ້ພື້ນຖານວັດທະນະນຳຂອງພວກເພື່ອນ, ຮັກສາ ແລະ ເຮັດໃຫ້ພື້ນຖານວັດທະນະທຳ ແລະ ວັນນະຄະດີຂອງປະເທດຊາດຂອງພວກຂ້າພະເຈົ້າອຸດົມສົມບູນກວ່າ. ພວກຂ້າພະເຈົ້າຄິດວ່າ ພື້ນຖານວັດທະນະທຳຂອງປະເທດຊາດ ພຽງແຕ່ສົມບູນແບບ ໃນວິວັດທະນາການສຳພັດກັບພື້ນຖານວັດທະນະທຳອື່ນ.”
ກອງປະຊຸມສາກົນໂຄສະນາວັນນະຄະດີ ຫວຽດນາມ ຄັ້ງທີ 3 ແມ່ນຫນຶ່ງໃນ 3 ເຫດການໃຫຍ່ດຳເນີນໄປແຕ່ວັນທີ 1-7/3 ຢູ່ ຫວຽດນາມ, ປະກອບສ່ນແນະນຳຢ່າງກວ້າງຂວາງ, ສັງລວມກ່ຽວກັບໝາກຜົນ, ຄຸນຄ່າ, ສີສັນເອກະລັກສະເພາະຂອງວັນນະຄະດີ ຫວຽດນາມ ກັບເພື່ອນມິດສາກົນ, ຊ່ວຍປະຊາຊົນໂລກ ເຂົ້າໃຈກ່ຽວກັບປະເທດຊາດ, ຊາວຫວຽດນາມ ແລະ ວັດທະນະທຳຫວຽດນາມ. ນີ້ກໍແມ່ນໂອກາດເພື່ອໃຫ້ບັນດານັກປະພັນຫວຽດນາມ ເພີ່ມທະວີການພົບປະແລກປ່ຽນ, ຮ່ຳຮຽນເອົາບົດຮຽນຮັບໃຊ້ພາລະກິດສ້າງສາ, ພັດທະນາວັນນະຄະດີສິລະປະຫວຽດນາມໃນສະພາບການໃຫມ່.