ບັນດາຜູ້ແທນເຂົ້າຮ່ວມກອງປະຊຸມ
(vovworld) – ໃນຂອບເຂດກອງປະຊຸມລັດຖະມົນຕີການຕ່າງປະເທດ ອາຊຽນ ແລະ ບັນດາກອງປະຊຸມກ່ຽວຂ້ອງ, ຕອນເຊົ້າວັນທີ 23/7 ຢູ່ນະຄອນຫຼວງ ວຽງຈັນ, ປະເທດ ລາວ ໄດ້ດຳເນີນກອງປະຊຸມ SOM ASEAN + 3 (ກັບຈີນ, ສ. ເກົາຫຼີ ແລະ ຍີ່ປຸ່ນ) ແລະ SOM ບັນດາປະເທດເຂົ້າຮ່ວມກອງປະຊຸມສຸດຍອດ ອາຊີຕາເວັນອອກ (ກັບ 8 ປະເທດຄູ່ຮ່ວມມື: ຈີນ, ສ. ເກົາຫຼີ, ຍີ່ປຸ່ນ, ອາເມລິກາ, ລັດເຊຍ, ອິນເດຍ, ອົດສະຕີລີ ແລະ ນີວຊີແລນ) ເພື່ອກະກຽມໃຫ້ແກ່ກອງປະຊຸມເຈົ້າໜ້າທີ່ອາວຸໂສ ອາຊຽນ +3 ແລະ ອາຊີຕາເວັນອອກ ຊຶ່ງຈະຈັດຂຶ້ນໃນວັນທີ 26/7 ແລະ ແລກປ່ຽນກ່ຽວກັບບາງບຸລິມະສິດໃນຂອບເຂດການຮ່ວມມືນີ້. ທີ່ກອງປະຊຸມ SOM ASEAN +3, ບັນດາຜູ້ແທນໄດ້ປຶກສາຫາລືບົດບາດຂອງວິວັດທະນາການຮ່ວມມື ອາຊຽນ +3 - ຂອບເຂດຕົ້ນຕໍຊຸກຍູ້ການຮ່ວມສຳພັນເຂດ, ມຸ່ງໄປເຖິງຈຸດໝາຍຍາວນານແມ່ນປະຊາຄົມ ອາຊີ ຕາເວັນອອກ, ເຫັນດີເປັນເອກະສັນຍົກສູງປະສິດທິຜົນ ແລະ ຊຸກຍູ້ຄວາມຄືບໜ້າຜັນຂະຫຍາຍແຜນການປະຕິບັດງານ ອາຊຽນ+3 ໄລຍະ 2013 – 2017, ພິຈາລະນາສ້າງແຜນການປະຕິບັດງານ ອາຊຽນ+3 ໄລຍະໃໝ່. ທີ່ກອງປະຊຸມ SOM EAS, ບັນດາຜູ້ແທນໄດ້ພິຈາລະນາກ່ຽວກັບໂຄງປະກອບພາກພື້ນພວມໄດ້ຮັບການສ້າງເປັນຮູບປະທຳແລະ ບົດບາດຂອງ EAS, ຜັນຂະຫຍາຍຖະແຫຼງການສະເຫຼີມສະຫຼອງ 10 ປີແຫ່ງວັນສ້າງຕັ້ງ EAS ໂດຍບັນດາການນຳຮັບຮອງເອົາເມື່ອເດືອນ 11/2015, ປຶກສາຫາລືເພີ່ມທະວີການຮ່ວມມືໃນຂົງເຂດບຸລິມະສິດຂອງ EAS ຄືພະລັງງານ, ການສຶກສາ, ສາທາລະນະສຸກ, ສິ່ງແວດລ້ອມ, ການເງິນ.