(vovworld) - ງານບຸນຍີ່ປຸ່ນ ຢູ່ນະຄອນໂຮ່ຈິມິນ ຖືກໄຂຂຶ້ນໃນຕອນເຊົ້າວັນທີ 16/11, ຢູ່ສວນສາທາລະນະ 23/9, ນະຄອນໂຮ່ຈິມິນ. ນີ້ແມ່ນໜຶ່ງໃນບັນດາການເຄື່ອນໄຫວເພື່ອຮັດແໜ້ນການພົວພັນທາງການທູດລະຫວ່າງຍີ່ປຸ່ນ ແລະ ຫວຽດນາມ ກ່ວາອີກເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງ 2 ປະເທດ ຊ່ວຍໃຫ້ປະຊາຊົນ 2 ປະເທດມີໂອກາດເຂົ້າໃຈກ່ຽວກັບວັດທະນະທຳຂອງກັນ. ງານບຸນດຳເນີນໄປໃນລະຫວ່າງວັນທີ 16 – 17/11, ດ້ວຍຮ້ານວາງສະແດງ 50 ຮ້ານທີ່ແນະນຳກ່ຽວກັບບັນດາສະຖານທີ່ທ້ອງທ່ຽວດຶງດູດໃຈທີ່ສຸດຂອງຍີ່ປຸ່ນ, ບັນດາຜະລິດຕະພັນສິນຄ້າດ້ວຍເຕັກໂນໂລຊີທີ່ກ້າວໜ້າຂອງວິສາຫະກິດຍີ່ປຸ່ນ. ນອກຈາກນັ້ນ, ຜູ້ມາຊົມຍັງໄດ້ຮັບປະທານອາຫານທີ່ເປັນມູນເຊື້ອຂອງຍີ່ປຸ່ນ, ເຂົ້າໜົມຫຼາຍປະເພດ ແລະ ການລະຫຼີ້ນພື້ນເມືອງອີກດ້ວຍ. ວັດທະນະທຳຍີ່ປຸ່ນ ກໍ່ໄດ້ສະແດງອອກຜ່ານບັນດາລາຍການເພງ, ສາຍຮູບເງົາກະຕຸນ ແລະ ບັນດາລາຍການສະແດງສິລະປະພິເສດໂດຍນັກສິລະປິນຫວຽດນາມ ແລະ ຍີ່ປຸ່ນ ສະແດງ.