ມິ້ບິ່ງ,ແກງແທ່ງ, ນັກຂ່າວ VOV ປະຈຳລາວ -
(ທ່ານ ເຟືອງຮິວຫວຽດ, ປະທານສະມາຄົມພັດທະນາການຮ່ວມມືດ້ານ
ເສດຖະກິດຫວຽດນາມ - ລາວ - ກຳປູເຈຍ)
(vovworld) – “ຍູ້ແຮງການຮ່ວມມືດ້ານການຄ້າ, ການລົງທຶນ ແລະ ອະນຸພາກພື້ນແມ່ນ້ຳຂອງ ໃນປະຊາຄົມເສດຖະກິດອາຊຽນ” ນີ້ແມ່ນຫົວຂໍ້ຂອງເວທີປາໄສແມ່ຂອງ 2015, ເຊິ່ງດຳເນີນໄປໃນຕອນເຊົ້າວັນທີ 15/10, ຢູ່ນະຄອນຫຼວງວຽງຈັນ, ປະເທດລາວ. ເວທີປາໄສໂດຍກະຊວງແຜນການ ແລະ ການລົງທຶນຫວຽດນາມ ແລະ ສະມາຄົມພັດທະນາການຮ່ວມມືດ້ານເສດຖະກິດຫວຽດນາມ - ລາວ - ກຳປູເຈຍ ສົມທົບກັບສະຖາບັນວິທະຍາສາດ, ສັງຄົມແຫ່ງຊາດລາວ ຈັດຕັ້ງ. ທີ່ເວທີປາໄສ, ບັນດາຜູ້ແທນເຊິ່ງແມ່ນນັກຊ່ຽວຊານດ້ານເສດຖະກິດ ໄດ້ໄຈ້ແຍກບັນດາບັນຫາລວມຂອງປະຊາຄົມເສດຖະກິດອາຊຽນ (AEC), ເປັນເອກະພາບນຳກັນວ່າ, ນີ້ແມ່ນກຸ່ມພື້ນຖານເສດຖະກິດລວມທັງ 10 ປະເທດອາຊຽນ, ແມ່ນບາດກ້າວພື້ນຖານ ແລະ ສຳຄັນຂອງວິວັດທະນາການຮ່ວມມືດ້ານເສດຖະກິດຂອງອາຊຽນ. ກ່າວຄຳເຫັນໄຂກອງປະຊຸມ, ທ່ານ ເຟືອງຮິວຫວຽດ, ປະທານສະມາຄົມພັດທະນາການຮ່ວມມືດ້ານເສດຖະກິດຫວຽດນາມ - ລາວ - ກຳປູເຈຍ ໃຫ້ຮູ້ວ່າ.
“ເປົ້າໝາຍຂອງເວທີປາໄສແມ່ນເພື່ອແນໃສ່ຊຸກຍູ້ການຮ່ວມມືດ້ານການຄ້າ, ການລົງທຶນຂອງບັນດາປະເທດໃນອະນຸພາກພື້ນແມ່ນ້ຳຂອງ ໃນປະຊາຄົມເສດຖະກິດອາຊຽນ; ສ້າງເງື່ອນໄຂເພື່ອຊ່ວຍໃຫ້ບັນດາວິສາຫະກິດ, ນັກທຸລະກິດຫວຽດນາມ ແລະ ລາວ ມີກາລະໂອກາດແລກປ່ຽນກ່ຽວກັບຜົນກະທົບຂອງການເຊື່ອມໂຍງ, ປະຊາຄົມເສດຖະກິດອາຊຽນ, ການເຊື່ອມຕໍ່ອາຊຽນ ກັບອະນຸພາກພື້ນແມ່ນ້ຳຂອງເປີກກວ້າງ… ຈາກນັ້ນໄດ້ມີບັນດາມາດຕະການປັບປຸງໃຫ້ເໝາະສົມ, ນຳມາເຊິ່ງຜົນປະໂຫຍດດີທີ່ສຸດ ເພື່ອເປັນເຈົ້າການ, ເພີ່ມທະວີຄວາມສາມາດພັດທະນາການຮ່ວມມືດ້ານການຄ້າ, ການລົງທຶນ, ຕອບສະໜອງຄວາມຕ້ອງການຂອງປະຊາຄົມເສດຖະກິດອາຊຽນ”.
ກ່ຽວກັບການຮ່ວມມືຂອງຫວຽດນາມ ໃນອາຊຽນ, ບັນດາຜູ້ແທນໄດ້ຖືວ່າ, ໃນໄລຍະຜ່ານມາ, ຫວຽດນາມ ໄດ້ເຂົ້າຮ່ວມຢ່າງຄົບຖ້ວນ, ປະຕິບັດສຳເລັດບັນດາຄຳໝັ້ນສັນຍາຢ່າງເຂັ້ມງວດ ແລະ ໄດ້ປະກອບສ່ວນຢ່າງປະສິດທິຜົນໃນທຸກຂົງເຂດຮ່ວມມືຂອງອາຊຽນ…
ມິ້ບິ່ງ,ແກງແທ່ງ, ນັກຂ່າວ VOV ປະຈຳລາວ