ໄທສືບຕໍ່ຊຸກຍູ້ການຮ່ວມມືກັບຄະນະເລຂາອາຊຽນ
ພາບປະກອບ
(vovworld) - ແຈ້ງຂ່າວຂອງຄະນະເລຂາອາຊຽນໃນວັນທີ 12/2 ໃຫ້ຮູ້ວ່າ, ລັດຖະມົນຕີວ່າການກະຊວງການຕ່າງປະເທດໄທ ດອນ ປຣານັດວິໄນ ຫາກໍ່ມີການຢ້ຽມຢາມຄະນະເລຂາອາຊຽນ ແລະ ພົບປະກັບທ່ານເລຂາທິການໃຫຍ່ອາຊຽນ ເລເລືອງມິງ. ນີ້ແມ່ນການຢ້ຽມຢາມຄັ້ງທຳອິດຂອງທ່ານລັດຖະມົນຕີວ່າການກະຊວງການຕ່າງປະເທດໄທ ເຖິງຄະນະເລຂາອາຊຽນ, ນັບແຕ່ທ່ານໄດ້ຮັບດຳລົງຕຳແໜ່ງນີ້ໃນປີ 2015. ທີ່ການພົບປະ, ທ່ານລັດຖະມົນຕີວ່າການກະຊວງການຕ່າງປະເທດໄທ ແລະ ທ່ານເລຂາທິການໃຫຍ່ອາຊຽນ ໄດ້ປຶກສາຫາລືກ່ຽວກັບບັນດາບາດກ້າວຕໍ່ໄປ, ພາຍຫຼັງປະຊາຄົມອາຊຽນໄດ້ຮັບການສ້າງຕັ້ງເມື່ອທ້າຍປີ 2015; ສອງຝ່າຍເນັ້ນໜັກເຖິງຄວາມຈຳເປັນຕ້ອງຍົກລະດັບຄວາມຮັບຮູ້ກ່ຽວກັບອາຊຽນໃຫ້ປະຊາຊົນໃນພາກພື້ນ, ທັງຈຳເປັນຕ້ອງເພີ່ມທະວີການສົມທົບກັນລະຫວ່າງບັນດາປະເທດໃນພາກພື້ນໃນບາງບັນຫາເຊັ່ນ: ການໜູນຊ່ວຍມະນຸດສະທຳ, ການຄວບຄຸມໄພທຳມະຊາດ, ການຕ້ານກໍ່ການຮ້າຍ… ທ່ານເລຂາທິການໃຫຍ່ ເລເລືອງມິງ ຢືນຢັນວ່າ, ຄະນະເລຂາອາຊຽນ ຈະສືບຕໍ່ເຮັດຈົນສຸດຄວາມສາມາດຂອງຕົນ ເພື່ອໜູນຊ່ວຍບັນດາປະເທດສະມາຊິກໃນການເຊື່ອມໂຍງ ແລະ ກໍ່ສ້າງປະຊາຄົມ.