ເມື່ອສາຍນ້ຳຈາກຍອດແມ່ນ້ຳຂອງໄຫຼລົງຍານລຸ່ມຂອງແມ່ນ້ຳກໍແມ່ນຍາມນ້ຳເລີ່ມຂຶ້ນສູງ. ຍາມນ້ຳຂຶ້ນຢູ່ດົງທາບເມື່ອຍກໍແມ່ນໄລຍະທີ່ຟົດຟື້ນທີ່ສຸດໃນປີ, ທັງແມ່ນຍາມຂະຫຍາຍພັນປາ ແລະ ນົກພ້ອມກັບການເຄື່ອນໄຫວທີ່ຟົດຟື້ນຂອງປະຊາຊົນຢູ່ເຂດແມ່ນ້ຳລຳເຊ. ລົງຢ້ຽມຢາມດົງທາບເມື່ອຍໃນຍາມນ້ຳຂຶ້ນ ກໍແມ່ນໂອກາດເພື່ອໃຫ້ແຂກທ່ອງທ່ຽວຮູ້ສຶກໄດ້ເຖິງຄວາມງາມດັ່ງໃນຝັນໂດຍທຳມະຊາດໄດ້ດົນບັນດານໃຫ້ແກ່ເຂດດອກບົວດົງທາບເມື່ອຍ.
ດົງທາບເມື່ອຍ, ຍິ່ງມີຄວາມປະທັບໃຈດ້ວຍບຶງດອກບົວທີ່ກ້ວາງໃຫຍ່ໄພສານ |
ໂດຍຫ່າງຈາກນະຄອນໂຮ່ຈິມິນປະມານເກືອບ 200 ກມ, ດົງທາບເມື່ອຍຖືກຖືວ່າ ແມ່ນແຂວງມີເຂດທ່ອງທ່ຽວຊີວະພາບທີ່ລືຊື່ຫຼາຍແຫ່ງຄື: ເຂດທ່ອງທ່ຽວແຊ່ວກິດ, ກໍທາບ, ຈາມຈິມ…ຊຶ່ງແມ່ນທິວທັດທີ່ສວຍງາມແບບຮົກເຮື້ອດັ່ງໃນຝັນ. ບັນດາທິວທັດທຳມະຊາດນັ້ນ ຍິ່ງພົ້ນເດັ່ນຂຶ້ນ ແລະ ມີຊີວິດຊີວາ ກ່ວາໃນຍາມນ້ຳຂຶ້ນ. ຍາມນ້ຳຂຶ້ນແມ່ນຍາມເກັບກູ້ສິນພິເສດຂອງຊາວທ້ອງຖິ່ນ. ໃນຍາມນ້ຳຂຶ້ນ, ໄປໃສກໍເຫັນບັນຍາກາດຊາວປະມົງຈັບຫາສິນໃນນ້ຳຢ່າງຄຶກຄື້ນ. ປີນີ້, ນ້ຳຖ້ວມຊ້າກ່ວາທຸກປີແຕ່ລະດັບນ້ຳສູງກວ່າ ແລະ ປະລິມານກຸ້ງ, ປາ, ສິນໃນນ້ຳຫຼາຍກ່ວາເມື່ອທຽບໃສ່ປີກ່ອນໆ. ທ່ານດວານວັນນາມຢູ່ເທດສະບານເມືອງຈາມຈິມ, ເມື່ອ 2-3 ເດືອນກ່ອນນີ້, ຍັງເປັນຊ່າງກໍ່ສ້າງ, ແຕ່ເມື່ອຮອດຍາມນ້ຳຖ້ວມ, ລາວກໍໄດ້ຫັນມາຈັບຫາສິນໃນນ້ຳ. ທ່ານດວານວັນນາມ ໃຫ້ຮູ້ວ່າ :
“ປະກອບອາຊີບເປັນຊ່າງກໍ່ສ້າງກໍລຳບາກທີ່ສຸດ, ແຕ່ໄປຈັບຫາສິນໃນນ້ຳແມ່ນສະບາຍກ່ວາ. ປີນີ້ປາມີຫຼາຍກວ່າທຸກໆປີ, ເຮົາທັງມີປາກິນ, ທັງໄດ້ເພີ່ມລາຍຮັບ, ຊີວິດກໍສະດວກສະບາຍ ”
ໃນຍາມນ້ຳຂຶ້ນຢູ່ຈາມຈິມຊຶ່ງແມ່ນສະຖານທີ່ລືຊື່ຢູ່ດົງທາບເມື່ອຍ, ກຸ້ງ, ປາໄດ້ຫຼັ່ງໄຫຼຕາມສາຍນ້ຳມາແຫ່ງນີ້ນີ້ຢ່າງຫຼວງຫຼາຍ, ອັນໄດ້ພາໃຫ້ນົກນາໆຊະນິດກໍພາກັນມານີ້ເພື່ອຫາກິນ. ຝູງນົກຍາງ, ນົກເປັດບິນເຈີດໄປເຈີດມາເທິງທົ່ງຫຍ້າ, ເທິ່ງປ່າຄາມຂຽວອຸ່ມທຸ່ມ ອັນໄດ້ເຮັດໃຫ້ເຂດປ່າໄມ້, ແມ່ນ້ຳລຳເຊເພີ່ມຄວາມສະຫງົບສຸກ. ຍອດເວລານ້ຳລົງ, ຢູ່ເຂດປ່າສະຫງວນແຫ່ງຊາດຈາມຈິມ , ພັດປະກົດມີຝູງນົກຍາງຫົວແດງຊຶ່ງແມ່ນນົກທີ່ຫາຍາກໃນໂລກໄດ້ອົບພະຍົບໄປເຂດທາງທິດໃຕ້ເພື່ອຫຼົບຫຼີກຄວາມໜາວ. ນາງ ວູ້ກິມແອງ ຜູ້ນຳທ່ຽວຢູ່ສູນທ່ອງທ່ຽວຊີວະພາບຈາມຈິມ ໃຫ້ຮູ້ວ່າ :
“ນົກຍາງຫົວແດງເຄີຍອົບພະຍົບມາ ເຂດປ່າສະຫງວນແຫ່ງຊາດຈາມຈິມໃນລະດູແລ້ງ ຊຶ່ງແມ່ນຊວງເວລານັບແຕ່ທ້າຍປີຫາເດືອນ 3, ເດືອນ 4 ຂອງປີໜ້າ. ນັ້ນແມ່ນຍາມນ້ຳລົງ, ມີຂອງກິນອຸດົມສົມບູນ ແລະ ນົກຍາງຫົວແດງເຄີຍອົບພະຍົບມານີ້ເພື່ອຫຼົບຫຼີກຄວາມໜາວ ”
ຮູບພາບນົກຍາງຫົວແດງບິນເຈີດໄປເຈີດມາໃນທ່າມກາງບັນຍາກາດຍາມ ດວງຕາເວັນຂຶ້ນທີ່ເປັນໜ້າຈັບໃຈນັ້ນ, ນັກຖ່າຍຮູບຫຼາຍຄົນໄດ້ຖ່າຍເອົາຮູບ ແລະ ຮູບຖ່າຍນັ້ນກໍເຄີຍໄດ້ຮັບລາງວັນໃນງານປະກວດຮູບຖ່າຍຄັ້ງຕ່າງໆທັງຢູ່ພາຍໃນ ແລະ ສາກົນ.
ໃນຍາມນ້ຳຂຶ້ນຢູ່ດົງທາບເມື່ອຍ, ຍິ່ງມີຄວາມປະທັບໃຈດ້ວຍບຶງດອກບົວທີ່ກ້ວາງໃຫຍ່ໄພສານ. ຢູ່ນີ້ມີດອກບົວ 2 ຊະນິດຄື ດອກສີຂາວ ແລະ ດອກສີບົວອ່ອນ. ດອກບົວຢູ່ ດົງທາບເມື່ອຍແມ່ນງາມກ່ວາຫມູ່ຢູ່ຫວຽດນາມ. ທັງເຂດບຶງດອກບົວທີ່ກ້ວາງໃຫຍ່, ສາຍລົມໄດ້ສົ່ງກິນຫອມຫວນໄປທົ່ວເຂດ. ເທິງໜ້ານ້ຳ, ຍັງມີດອກບົວຂີ້ແບ້ສີຂາວຫຼືສີອິດພວມພາກັນທອດເງົາລົງໜ້ານ້ຳ. ໃນທ່າມກາງທິວທັດທຳມະຊາດທີ່ຮົກເຮືື້ອດ້ວຍບຶງດອກບົວ, ດອກບົວຂີ້ແບ້ນັ້ນ, ກໍຍັງມີສິ່ງທີ່ມີຊີວິດຫຼາຍຢ່າງຂອງເຂດດົງທາບເມື່ອຍເຊັ່ນ: ງູເຫຼືອມ, ນາກນ້ຳ, ເຕົ່າ…ບາງເວລາຜູ້ຄົນອາດຈະໄດ້ຍິນສຽງປາອ້າວປະສານກັບສຽງລົມພັດມາດັງວີໆ.
ແຕ່ລະປີຍອດຍາມນ້ຳຂຶ້ນ ນັບແຕ່ເດືອນ 8 ຫາເດືອນ 11 ໂດຍໄລ່ຕາມຈັນທະປະຕິທິນ, ເຂດດົງທາບເມື່ອຍກໍໄດ້ຕ້ອນຮັບແຂກທ່ອງທ່ຽວນັບໝື່ນເທື່ອຄົນມາທັດສະນະສຶກສາ. ໄປທ່ອງທ່ຽວຢູ່ ເຂດດົງທາບເມື່ອຍໃນຍາມນ້ຳຂຶ້ນດ້ວຍທິວທັດທຳມະຊາດສວຍສົດງົດງາມແບບຮົກເຮື້ອພ້ອມກັບບັນດາເຍື່ອງອາຫານພື້ນເມືອງ ໄດ້ ແລະ ພວມສ້າງຄວາມປະທັບໃຈ ແລະ ດຶງດູດແຂກທ່ອງທ່ຽວເຂົ້າມານັບມື້ນັບຫຼາຍຂຶ້ນ.