(vovworld)- ເຂດອະນຸລັກຮັກສາທຳມະຊາດນ້ຳຖ້ວມ ເວີນລອງ ມີເນື້ອທີ່ກວ່າ 3000 ເຮັກຕາ ຕັ້ງຢູ່ບໍລິເວນ 7 ຕາແສງ ຂຶ້ນກັບເມືອງ ຢາຫວຽນ ແຂວງ ນີງບີງ. ບໍ່ພຽງແຕ່ແມ່ນສະຖານທີ່ທີ່ມີຊື່ສຽງກ່ຽວກັບທິວທັດທຳມະຊາດສວຍງາມເທົ່ານັ້ນ ຫາກຢູ່ທີ່ນີ້ ຍັງມີລະບົບສັດສາວາສິ່ງທີ່ອຸດົມສົມບູນ ແລະ ແມ່ນແຫ່ງທີ່ບັນລຸ 2 ສະຖິຕິຂອງສູນປື້ມສະຖິຕິຫວຽດນາມປີ 2010 ວ່າ: ແມ່ນແຫ່ງມີຈຳນວນ ທະນີຂາຂາວ ຫລາຍສຸດ ແລະ ແມ່ນແຫ່ງມີທັດສະນີຍະພາບທຳມະຊາດໃຫຍ່ກວ່າໝູ່.” ນີ້ກໍແມ່ນສະຖານທີ່ທ່ອງທ່ຽວຊີວະພາບດຶງດູດນັກທ່ອງທ່ຽວມາຢ້ຽມຢາມເປັນຈຳນວນຫລວງຫລາຍໃນລາຍການຄົ້ນຫາເຂດດິນ ຍໍກວານ ແຂວງ ນີງບີງ.
ເຮືອນ້ອຍພານັກທ່ອງທ່ຽວໄປຢ້ຽມຢາມເວີນລອງ
ພາບ:tour.edu.vn
|
ຢາກໄປຫາເຂດອະນຸລັກຮັກສາທຳມະຊາດນ້ຳຖ້ວມ ເວີນລອງ, ນັກທ່ອງທ່ຽວຕ້ອງໄປລຽບຕາມທາງຫລວງ 1A ເຖິງສາມແຍກ ຢານເຂົາ ຂຶ້ນກັບບໍລິເວນເມືອງ ຢາຫວຽນ ແຂວງ ນີງບີງ. ຈາກບ່ອນນັ້ນ ໄປຕື່ມອີກ 10 ກິໂລແມັດ ເຖິງເຂດໃຈກາງ ເວີນລອງ. ນີ້ແມ່ນ ເຂດອະນຸລັກຮັກສາທຳມະຊາດນຳ້ຖ້ວມໃຫຍ່ກວ່າໝູ່ຢູ່ເຂດທົ່ງພຽງພາກເຫນືອຫວຽດນາມ. ຢາກຢ້ຽມຢາມ ເວີນລອງ, ນັກທ່ອງທ່ຽວຕ້ອງຂີ່ເຮືອ. ບັນດາເຮືອນ້ອຍລ່ອງຕາມສາຍນ້ຳນ້ອຍມຸ່ງໄປເຖິງຕີນພູ ຈະພາທ່ານໄປຮອດເວີນລອງ. ເສັ້ນທາງໄປຢ້ຽມຢາມເວີນລອງ ງາມກວ່າໝູ່ແມ່ນໃນຍາມຊຸມເດືອນລະດູຮ້ອນ, ເວລານັ້ນ ສອງຟາກທາງ ດອກບົວເບັ່ງບານຢ່າງງາມຕາ.
ເວີນລອງ ເຄີຍຖືກເອີ້ນວ່າ ແມ່ນອ່າວບໍ່ມີຄື້ນຟອງ. ຖ້າທ່ານສັງເກດຫນ້ານ້ຳຈະເຫັນຮູບພາບຂອງສາຍພູ. ເວີນລອງ ມີຖ້ຳສວຍງາມ 1000 ແຫ່ງ, ໃນນັ້ນ ມີຖ້ຳຫລາຍແຫ່ງແມ່ນສະຖານທີ່ທ່ອງທ່ຽວທີ່ດຶງດູດນັກທ່ອງທ່ຽວຄື: ຖ້ຳບອງ, ຖ້ຳກາ, ຖ້ຳຣົ່ວ…ຖ້ຳແຕ່ລະແຫ່ງລ້ວນແຕ່ມີຄວາມໝາຍເລິກເຊິ່ງ.
ສັດປະເພດຫາຍາກຢູ່ເວີນລອງ
ພາບ:tour.edu.vn
|
ນັ່ງເທິງເຮືອນ້ອຍນັກທ່ອງທ່ຽວທັງໄດ້ຊົມທິວທັດທຳມະຊາດສວຍງາມ ແລະ ໄດ້ຮັບຟັງຜູ້ພາຍເຮືອເລົ່າເລື່ອງເທບນິຍາຍທີ່ຕິດພັນກັບບັນດາຫນ່ວຍພູຢູ່ເວີນລອງ. ເຮືອນ້ອຍພານັກທ່ອງທ່ຽວໄປອີກໄລຍະທາງຫນຶ່ງແມ່ນຮອດພູ ເກື໋ອຈົ່ວ. ນີ້ແມ່ນແຫ່ງທີ່ບັນດານັກພະຈົນໄພ ແລະ ນັກຄົ້ນຄ້ວາວິທະຍາສາດ ໄດ້ພົບເຫັນບັນດາຮູບພາບທີ່ແປກປະຫລາດຢູ່ເນີນພູຊື່ງຄາດວ່າມີມານັບຮ້ອຍປີ. ທ່ານ ເຈີນຊວນກວາງ, ຫົວຫນ້າຄະນະຄຸ້ມຄອງເຂດຊີວະພາບນຳ້ຖວ້ມ ເວີນລອງ ໃຫ້ຮູ້ວ່າ:
“ພູ ເກື໋ອຈົ່ວມີຝາຫີນທຳມະຊາດ. ຖ້າສັງເກດທຳມະດາພວກເຮົາບໍ່ເຫັນແຈ້ງຮູບພາບ. ແຕ່ເມື່ອຫົດນ້ຳໃສ່ ພວກເຮົາຈະເຫັນແຈ້ງຮູບຄົນ ແລະ ຕົວຫນັງສື. ນັ້ນແມ່ນສິ່ງເລິກລັບພວມໄດ້ຮັບການຄົ້ນຄ້ວາຈາກບັນດານັກວິທະຍາສາດ ແລະ ນັກບູຮານຄະດີ.”
ບໍ່ພຽງແຕ່ດຶງດູດນັກທ່ອງທ່ຽວຍ້ອນມີທິວທັດທຳມະຊາດສວຍງາມ ແລະ ມະຫັດສະຈັນເທົ່ານັ້ນ, ເຂດອະນຸລັກຮັກສານຳ້ຖ້ວມ ເວີນລອງ ຍັງແມ່ນສະຖານທີ່ທ່ອງທ່ຽວທີ່ດູດດື່ມສຳລັບຜູ້ທີ່ມັກຄົ້ນຫາທຳມະຊາດອີກດ້ວຍ. ເຂດທັດສະນີຍະພາບ ເວີນລອງ ມີເນື້ອທີ່ກວ່າ 3000 ເຮັກຕາ ຍັງແມ່ນບ່ອນອາໄສຂອງສັດສາວາສິ່ງຫລາຍປະເພດ, ໃນນັ້ນມີບາງປະເພດຖືກຈັດເຂົ້າປື້ມແດງຂອງຫວຽດນາມ ແລະ ໂລກ. ລະບົບພືດ ຢູ່ ເວີນລອງ ມີຈຸດທີ່ເປັນເອກະລັກສະເພາະຂອງລະບົບພືດພູຫີນປູນ ແລະ ດິນນ້ຳຖ້ວມຂອງເຂດທົ່ງພຽງແມ່ນ້ຳແດງ. ຢູ່ ເວີນລອງ ມີສັດ 39 ປະເພດ ແລະ ພືດ 722 ປະເພດ, ໃນນັ້ນ ມີ 8 ປະເພດຖືກຈັດເຂົ້າປື້ມແດງ ຫວຽດນາມ. ນອກນັ້ນ ຢູ່ທີ່ນີ້ ຍັງມີສວນນົກແຫ່ງຫນຶ່ງ ດ້ວຍ 100 ປະເພດແຕກຕ່າງກັນ. ພິເສດ ເມື່ອມາຢ້ຽມຢາມ ເວີນລອງ, ນັກທ່ອງທ່ຽວຜູ້ໃດກໍຢາກໄດ້ເຫັນປະຈັກຕາບັນດາ ຝູງທະນີຂາຂາວ ຫ້ອຍຢູ່ເທິງງ່າໄມ້. ນີ້ແມ່ນສັດປະເພດຫາຍາກຖືກຈັດເຂົ້າປື້ມແດງ ຫວຽດນາມ ແລະ ປະຈຸບັນ ເວີນລອງ ແມ່ນແຫ່ງທີ່ມີທະນີຂາຂາວ ຫລາຍກວ່າໝູ່ ດ້ວຍ ຈຳນວນ 40 ກວ່າໂຕ. ທ່ານ ເຈີນຊວນກວາງ, ຫົວຫນ້າຄະນະຄຸ້ມຄອງເຂດຊີວະພາບນຳ້ຖວ້ມ ເວີນລອງ ໃຫ້ຮູ້ວ່າ:
“ຕາມບັນດານັກວິທະຍາສາດຕີລາຄາວ່າ ປະຈຸບັນ ເວີນລອງແມ່ນຫນຶ່ງໃນບັນດາສະຖານທີ່ມີ ທະນີຂາຂາວ ຫລາຍກວ່າໝູ່ຢູ່ຫວຽດນາມ. ນັ່ງເທິງເຮືອ ພວກເຮົາສາມາດເຫັນໄດ້ສັດປະເພດນີ້ຢູ່ເທິງໂນນພູ. ແລະ ພູ ຮວ່າງກວຽນ ແມ່ນເຕົ້າໂຮມສັດປະເພດນີ້ຫລາຍກວ່າໝູ່. ຍາມຕອນເຊົ້າ ຫລື ຕອນແລງ ພວກເຮົາອາດຈະເຫັນຝູງທະນີຂາຂາວພວມນັ່ງກິນໝາກໄມ້ຫລືໄປໆມາໆຢູ່ເທິງຈອມພູ.”
ປະຈຸບັນ ເວີນລອງ ໄດ້ຮັບການຫນູນຊ່ວຍອະນຸລັກຮັກສາ ສັດບັນດາ ປະເພດຫາຍາກ ຈາກລັດຖະບານ ໂຮນລັງ, ກອງທຶນສິ່ງແວດລ້ອມທົ່ວໂລກ (GEF) ແລະ ສູນກູ້ຊີບທະນີຫາຍາກ ກຸກເຟືອງ.
ແຕ່ລະປີ, ເຂດອະນຸລັກຮັກສານ້ຳຖ້ວມ ເວີນລອງ ໄດ້ຕ້ອນຮັບນັກທ່ອງທ່ຽວສາກົນຫລາຍເທື່ອຄົນ, ເຂົາເຈົ້າສ່ວນຫລາຍແມ່ນມາຈາກ ເອີລົບ ແລະ ສເກົາຫລີ ແລະ ຈຳນວນນັກທ່ອງທ່ຽວມາຢ້ຽມຢາມຫລາຍກວ່າແມ່ນ ແຕ່ເດືອນ 5-9. ມາແຫ່ງນີ້ ນັກທ່ອງທ່ຽວທັງໄດ້ຮັບຊົມຄວາມງາມແບບທຳມະຊາດ, ຮົກເຮື້ອເປົ່າຫວ່າງຂອງເຂດດິນ ນິງບີງ ທັງໄດ້ຄົ້ນຫາສິ່ງເລິກລັບຢູ່ຕາມເນີນພູ ກໍຄືໃນຖ້ຳແຕ່ລະແຫ່ງ.