ໂດຍນອນຢູ່ເຂດທາງທິດຕາເວັນຕົກສ່ຽງເໜືອຂອງປະເທດຊາດ, ຕິດກັບບັນດາແຂວງ: ລາວກາຍ, ດ້ຽນບຽນ, ເຊີນລາ, ອຽນບ້າຍ ແລະ ມີກວ່າ 20 ຊົນເຜົ່າພວມດຳລົງຊີວິດຢູ່ຮ່ວມກັນ, ແຂວງລາຍເຈົາມີຄວາມສາມາດບົ່ມຊ້ອນຫຼາຍຢ່າງເພື່ອພັດທະນາການທ່ອງທ່ຽວ. ບໍ່ພຽງແຕ່ມີທິວທັດທຳມະຊາດຫຼາຍແຫ່ງທີ່ສວຍສົດງົດງາມ ດຶງດູດໃຈແຂກທ່ອງທ່ຽວເທົ່ານັ້ນ, ປະຈຸບັນ ແຂວງລາຍເຈົາຍັງມີສະຖານທີ່ທ່ອງທ່ຽວໃໝ່ຕື່ມອີກແຫ່ງໜຶ່ງໂດຍແມ່ນມະນຸດສ້າງຂຶ້ນ, ນັ້ນແມ່ນກິດຈະກຳເຂື່ອນໄຟຟ້ານ້ຳຕົກລາຍເຈົາ.
ກິດຈະກຳເຂື່ອນໄຟຟ້ານ້ຳຕົກລາຍເຈົາໄດ້ເປີດນຳໃຊ້ໃນວັນທີ 20/12/2016 |
ກິດຈະກຳເຂື່ອນໄຟຟ້ານ້ຳຕົກລາຍເຈົາໄດ້ເລີ່ມລົງມືກໍ່ສ້າງເມື່ອວັນທີ 5/1/2011 ແລະ ເປີດນຳໃຊ້ໃນວັນທີ 20/12/2016. ໂດຍນອນຢູ່ຍານເໜືອແມ່ນ້ຳດາ, ພ້ອມກັບເຂື່ອນໄຟຟ້ານ້ຳຕົກຮ່ວາບີງ, ເຂື່ອນໄຟຟ້ານ້ຳຕົກເຊີນລາ, ໂຮງງານໄຟຟ້ານ້ຳຕົກລາຍເຈົາສາມາດສະໜອງໄຟຟ້າໃຫ້ແກ່ຕານ່າງໄຟຟ້າແຫ່ງຊາດດ້ວຍປະລີມານການຜະລິດເກືອບ 25 kwh/ປີ. ເພື່ອກໍ່ສ້າງກິດຈະກຳນີ້, ພະນັກງານ, ກຳມະກອນນັບນັບພັນຄົນຢູ່ບັນດາຫົວໜ່ວຍກໍ່ສ້າງໄດ້ຂຸດດິນ ແລະ ຖົມຫີນເກືອບ 15 ລ້ານ m3 ພ້ອມກັບຕິດຕັ້ງໂດຍນຳໃຊ້ເຫຼັກກ້ານັບໝື່ນໂຕນ, ພື້ນຂອງເຂື່ອນຖືກກໍ່ສ້າງດ້ວຍເບຕົງ ມີປະລີມານເກືອບ 2 ລ້ານ m3 , ດ້ວຍລວງສູງສຸດແມ່ນ 137 m . ກິດຈະກຳເຂື່ອນໄຟຟ້ານ້ຳຕົກລາຍເຈົາ ສຳເລັດການກໍ່ສ້າງກ່ອນກຳນົດຂອງແຜນການ 1 ປີ ແລະ ໄດ້ສະໜອງພະລັງງານໄຟຟ້າປະມານ 4,7 ຕື້ kwh ໃຫ້ແກ່ຕານ່າງໄຟຟ້າແຫ່ງຊາດ, ອັນໄດ້ປະກອບສ່ວນຊຸກຍູ້ການພັດທະນາເສດຖະກິດສັງຄົມຂອງ ແຂວງລາຍເຈົາ ແລະ ນຳຜົນປະໂຫຍດຄິດເປັນເງິນ 7000 ຕື້ດົງໃຫ້ແກ່ປະເທດຊາດ, ພ້ອມທັງສາມາດຮັບປະກັນຄວາມໝັ້ນຄົງທາງດ້ານພະລັງງານແຫ່ງຊາດ. ທ່ານ ຝ້າມຮົ່ງເຟືອງ , ຜູ້ອຳນວຍການຄະນະຄຸ້ມຄອງໂຄງການໂຮງໄຟຟ້ານ້ຳຕົກເຊີນລາ-ລາຍເຈົາໃຫ້ຮູ້ວ່າ :
“ກິດຈະກຳເຂື່ອນໄຟຟ້ານ້ຳຕົກລາຍເຈົາ ສຳເລັດການກໍ່ສ້າງກ່ອນກຳນົດ 1 ປີ ເມື່ອທຽບໃສ່ແຜນການໄດ້ວາງອອກ. ກິດຈະກຳໄດ້ສະໜອງພະລັງງານໄຟຟ້າປະມານ 4,7 ຕື້ kwh ໃຫ້ແກ່ຕານ່າງໄຟຟ້າແຫ່ງຊາດ”
ໂດຍນອນຢູ່ທ່າມກາງເຂດພູຜາປ່າໄມ້ທາງທິດຕາເວັນຕົກສ່ຽງເໜືອຂອງປະເທດຊາດ, ເຂື່ອນໄຟຟ້ານ້ຳຕົກລາຍເຈົາໃນປະຈຸບັນໄດ້ກາຍເປັນສະຖານທີ່ທ່ອງທ່ຽວຂອງແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດ. ມາຢ້ຽມຢາມເທດສະບານເມືອງນ້ຳຍູນ ຊຶ່ງເປັນແຫ່ງຕັ້ງເຂື່ອນໄຟຟ້ານ້ຳຕົກລາຍເຈົານັ້ນ, ບໍ່ມີໃຜຄິດ ວ່າ ກ່ອນນີ້ 2-3 ປີ, ຢູ່ເຂດຫ່າງໄກສອກຫຼີກແຫ່ງນີ້ ໄດ້ສ້າງໂສມໜ້າໃໝ່, ເປັນ ສະຖານທີ່ທ່ອງທ່ຽວຂອງແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດ. ອ້າຍວໍ້ວັນຫວຽດ ແຂກທ່ອງທ່ຽວທີ່ມາຈາກແຂວງກວາງບີງ ໃຫ້ຮູ້ວ່າ:
“ ຂ້າພະເຈົ້າໄດ້ມີໂອກາດໄປຢ້ຽມຢາມເຂື່ອນໄຟຟ້ານ້ຳຕົກຮ່ວາບີງ, ເຂື່ອນໄຟຟ້ານ້ຳຕົກເຊີນລາ, ແລະ ປະຈຸບັນແມ່ນເຂື່ອນໄຟຟ້ານ້ຳຕົກລາຍເຈົາ. ເຂື່ອນໄຟຟ້ານ້ຳຕົກລາຍເຈົາມີຄວາມງາມແບບແຕກຕ່າງ. ນີ້ແມ່ນກິດຈະກຳທີ່ທັນສະໄໝ, ໃຫຍ່ໂຕ, ຖືກປຸກສ້າງໃນທ່າມກາງເຂດພູສູງ. ມາຮອດນີ້ ຈຶ່ງຈະເຫັນປະຈັກຕາກິດຈະກຳແມ່ນໃຫຍ່ໂຕຄືແນວໃດ ກໍຄືການທຸມເທເຫື່ອແຮງຂອງພະນັກງານ, ກຳມະກອນເພື່ອກໍ່ສ້າງກິດຈະກຳໃຫ້ສຳເລັດ ”
ສ່ວນນາງແທງມາຍ ແຂກທ່ອງທ່ຽວມາຈາກຮ່າໂນ້ຍ ແບ່ງປັນວ່າ :
“ ເຖິງວ່າເສັ້ນທາງໄປຍັງເຂື່ອນໄຟຟ້ານ້ຳຕົກລາຍເຈົາ ບໍ່ສັ້ນຄືບັນດາກິດຈະກຳອື່ນໆກໍຕາມ, ແຕ່ເມື່ອຂີ່ລົດໄປລຽບຕາມເສັ້ນທາງ, ພວກຂ້າພະເຈົ້າໄດ້ຮັບຊົມທິວທັດທຳມະຊາດຂອງເຂດພູຜາປ່າໄມ້. ຄະນະນັກທ່ອງທ່ຽວພວກຂ້າພະເຈົ້າ ຍັງໄດ້ລອງເຮືອຈາກຍານເໜືອແມ່ນ້ຳດາ, ຜ່ານບັນດາເຂດປ່າດົງດິບ, ໄດ້ຄົ້ນຫາອ່າງເກັບນ້ຳທີ່ກ້ວາງໃຫຍ່ຂອງເຂື່ອນໄຟຟ້ານ້ຳຕົກລາຍເຈົາອີກດ້ວຍ ”
ຍາມລະດູບານໃໝ່ ກໍແມ່ນຊວງເວລາທີ່ອາກາດດີກວ່າໝູ່ໃນປີ. ນີ້ແມ່ນຈຸດເວລາທີ່ແຂກທ່ອງທ່ຽວເຄີຍມາຢ້ຽມຢາມ, ຄົ້ນຫາບັນດາທິວທັດທຳມະຊາດຂອງ ເຂດທາງທິດຕາເວັນຕົກສ່ຽງເໜືອຂອງປະເທດຊາດ ແລະ ແຂວງລາຍເຈົາ. ມາຢ້ຽມຢາມແຂວງລາຍເຈົາ, ແຂກທ່ອງທ່ຽວບໍ່ພຽງແຕ່ສາມາດພິຊີດກີ່ວ ໂອກຸຍໂຮ່, ຄົ້ນຫາເຂດພູພຽງ ຊີ່ນໂຮ່, ທົງນາເມືອງຫຼໍ່, ບັນດາກົງພັດນ້ຳບ້ານບໍ, ເຂື່ອນໄຟຟ້ານ້ຳຕົກລາຍເຈົາເທົ່ານັ້ນ, ແຂກທ່ອງທ່ຽວຍັງມີໂອກາດໄດ້ຊອກຮູ້ກ່ຽວກັບຮີດຄອງປະເພນີ, ອາຫານການກິນ ແລະ ການດຳລົງຊີວິດຂອງ 20 ຊົນເຜົ່າຢູ່ແຫ່ງນີ້ອີກດ້ວຍ. ເຖິງວ່າເສັ້ນທາງໄປຍັງແຂວງລາຍເຈົາຍັງລຳບາກກໍຕາມ, ແຕ່ໄດ້ນຳມາເຊິ່ງຫຼາຍສິ່ງຫຼາຍຢ່າງທີ່ປະທັບໃຈເພື່ອໃຫ້ແຂກທ່ອງທ່ຽວຄິດຮອດຄິດເຖິງ ແລະ ຫວັງຢາກກັບມາຢາມດິນແດນແຫ່ງນີ້ໃນຄັ້ງໜ້າ.