ເພື່ອແນໃສ່ແບ່ງປັນຄວາມຮັກແພງ, ການປົກປ້ອງ, ເບິ່ງແຍງດູແລ ແລະ ຊ່ວຍເຫຼືອຄົນພິການເຊື່ອມຕົວເຂົ້າກັບສັງຄົມ, ລັດ ແລະ ບັນດາອົງການຈັດຕັ້ງການເມືອງສັງຄົມຫວຽດນາມ ໄດ້ ແລະ ພວມມີບັນດານະໂຍບາຍໜູນຊ່ວຍ ຄົນພິການ. ໃນນັ້ນ, ເອົາໃຈໃສເຖິງການແກ້ໄຂ ສ້າງວຽກເຮັດງານທຳໃຫ້ ຄົນພິການ, ຜ່ານນັ້ນ ຊ່ວຍໃຫ້ເຂົາເຈົ້າສ້າງການດຳລົງຊີວິດເປັນປົກກະຕິ.
ຫວຽດນາມໄດ້ມີລະບົບໜູນຊ່ວຍສັງຄົມ ແລະ ບັນດານະໂຍບາຍທີ່ຄົບຖ້ວນພໍສົມຄວນໃຫ້ແກ່ຄົນພິການ |
ໃນຊຸມປີທີ່ຜ່ານມາ, ຄົນພິການເກືອບ 7 ລ້ານຄົນໃນທົ່ວປະເທດໄດ້ ແລະ ພວມໄດ້ຮັບຄວາມເອົາໃຈໃສ່ ແລະ ໜູນຊ່ວຍຢ່າງຕັ້ງໜ້າຈາກບັນດາອົງການສັງຄົມທັງຢູ່ພາຍໃນ ແລະ ຕ່າງປະເທດ. ມີຫຼາຍໂຄງການໄດ້ຮັບການຜັນຂະຫຍາຍ ແນໃສ່ເພີ່ມທະວີຄວາມຮັບຮູ້ຂອງທົ່ວສັງຄົມກ່ຽວກັບສິດຂອງ ຄົນພິການ, ຍູ້ແຮງການຖະແຫຼງຂ່າວໂຄສະນາກ່ຽວກັບແຜນນະໂຍບາຍ ແລະ ນະໂຍບາຍ, ກົດໝາຍຂອງລັດທີີ່ມີຕໍ່ ຄົນພິການ, ພ້ອມທັງສ້າງເງື່ອນໄຂເພື່ອໃຫ້ບັນດາອົງການຂອງ ຄົນພິການ ແລະ ບັນດາ ຄົນພິການມີໂອກາດໄດ້ພົບປະ, ແລກປ່ຽນ ແບ່ງປັນຂໍ້ມູນຂ່າວສານ ແລະ ຫຍັບມໍ່ເຂົ້າກັນກ່ວາ. ໃນການເຄື່ອນໄຫວເຫຼົ່ານັ້ນ, ບົດບາດຂອງສະມາຄົມຊ່ວຍເຫຼືອຄົນພິການຈາກສູນກາງລົງຮອດຮາກຖານ ແມ່ນສຳຄັນທີ່ສຸດ. ທ່ານ ເລື່ອງຟານກື ຮອງປະທານສະມາຄົມຊ່ວຍເຫຼືອຄົນພິການ ແລະ ເດັກກຳພ້າຫວຽດນາມໃຫ້ຮູ້ວ່າ :
“ ການປະກອບສ່ວນຂອງສະມາຄົມໄດ້ ສ້າງວຽກເຮັດງານທຳໃຫ້ ຄົນພິການ ແລະ ຄອບຄົວຂອງ ຄົນພິການ. ນັ້ນແມ່ນການເຂົ້າຮ່ວມບັນດາຂະບວນການຂອງພັກ ແລະ ລັດ. ຍົກຕົວຢ່າງເຊັ່ນ: ຂະບວນການໜູນຊ່ວຍຄົນພິການໃນການກໍ່ສ້າງຊົນນະບົດໃໝ່. ນອກຈາກນັ້ນ ກໍຍັງມີໂຄງການຕ່າງໆເຊັ່ນ ຊ່ວຍເຫຼືອປະຊາຊົນເຂດປະສົບໄພນ້ຳຖ້ວມ, ສະໜອງການບໍລິການປະກັນສຸຂະພາບໃຫ້ແກ່ ຄົນພິການ, ເດັກກຳພ້າ ແລະ ຜູ້ທຸກຍາກ. ນີ້ແມ່ບັນດາໂຄງການໂດຍວັດທະນະທຳມະນຸດ. ຜ່ານບັນດາເຫດການຕ່າງໆທີ່ຈັດຂຶ້ນຢູ່ທ້ອງຖິ່ນ, ກໍໄດ້ປຸກລຸກນ້ຳໃຈຮັກແພງມະນຸດໃນວົງຄະນະຍາດ ເພື່ອແຜ່ຂະຫຍາຍຊ່ວຍຄົນພິການມີໂອກາດບືນຕົວຂຶ້ນ ເຊື່ອມຕົວເຂົ້າກັບສັງຄົມ ”
ໄລຍະທີ່ຜ່ານມາ, ລັດ ແລະ ບັນດາອົງການຈັດຕັ້ງການເມືອງສັງຄົມ ກໍມີຫຼາຍນະໂຍບາຍລະອຽດແນໃສ່ໜູນຊ່ວຍ ຄົນພິການ, ຈາກການແກ້ໄຂລະບອບອຸດໜູນໃຫ້ຄົນພິການ ຕະຫຼອດຮອດລະບອບວຽກເຮັດງານທຳສຳລັບຄົນພິການ, ຊ່ວຍເຂົາເຈົ້າຜ່ານຜ່າຮົ້ວກີດຂວາງ, ສ້າງການດຳລົງຊີວິດເປັນປົກກະຕິ. ເພື່ອຊ່ວຍຄົນພິການມີຄວາມໝັ້ນໃຈ ແລະ ບືນຕົວຂຶ້ນ, ເຊື່ອມຕົວເຂົ້າກັບວົງຄະນະຍາດ, ບໍລິສັດ Babeeni ສາຂາແຂວງຫາຍເຢືອງຈຳກັດໄດ້ສົມທົບກັບສະມາຄົມຊ່ວຍເຫຼືອຄົນພິການ ແລະ ເດັກກຳພ້າຫວຽດນາມ ໄດ້ເປີດຊຸດບຳລຸງ ແນະນຳວິຊາຊີບໃຫ້ແກ່ ຄົນພິການ 110 ຄົນ. ພາຍຫຼັງເປີດຊຸດບຳລຸງ, ທາງວິສາຫະກິດໄດ້ຮັບ ຄົນພິການ 60 ຄົນເຂົ້າເຮັດວຽກຢູ່ບໍລິສັດດ້ວຍເງິນເດືອນ 5-6 ລ້ານດົງ/ເດືອນ. ທ່ານ ເລແທງຫາຍ ຮອງຜູ້ອຳນວຍການບໍລິສັດ Babeeni ສາຂາແຂວງຫາຍເຢືອງຈຳກັດ ແບ່ງປັນວ່າ :
“ ຂະແໜງຖັກແສ່ວ ແລະ ຕັດຫຍິບຂອງບໍລິສັດແມ່ນແທດເໝາະກັບຄົນພິການ. ພວກຂ້າພະເຈົ້າໄດ້ລົມໃຈແກ່ພວກເພື່ອນ ນັບແຕ່ເຂົ້າຮຽນວີຊາຊີບຢູ່ບໍລິສັດ. ສະພາບແວດລ້ອມແຫ່ງກາເຮັດວຽກໄດ້ຊ່ວຍພວກເພື່ອນມີຄວາມໝັ້ນໃຈ ແລະ ປຽນແປງຈີນຕະນາການ. ເມື່ອທຳອາຊີບຢ່າງຊຳນານງານແລ້ວ, ພວກເພື່ອນກໍເຮັດວຽກປຽບເໝືອນແຮງງານທຳມະດາ ແລະ ເມື່ອມີລາຍຮັບປົກກະຕິ, ພວກເພື່ອນກໍມີຄວາມເຊື່ອໝັ້ນຕົນເອງກວ່າໃນການດຳລົງຊີວິດ ”
ພ້ອມກັບການໜູຊ່ວຍສ້າງເງືອ່ນໄຂສະດວກຂອງລັດ, ຂອງບັນດາອົງການຈັດຕັ້ງສັງຄົມ, ມີຄົນພິການຫຼາຍຄົນໄດ້ ບືນຕົວຂຶ້ນດ້ວຍຕົນເອງ ແລະ ໄດ້ເຊື່ອມຕົວເຂົ້າກັບວົງຄະນະຍາດ. ອ້າຍເຈີນເທ້ດາດເປັນຄົນພິການຕາກໍແມ່ນຜູ້ໜຶ່ງໃນຈຳນວນດັ່ງກ່າວ. ລາວສາມາດເສັງໄດ້ຄະແນນເຂົ້າມະຫາວິທະຍາໄລຮ່າໂນ້ຍດ້ວຍການລົງເລິກຂະແໜງພາສາອັງກິດ ແລະ ມະຫາວິທະຍາໄລເປີດດ້ວຍການລົງເລິກຂະແໜງບໍລິຫານທຸລະກິດ. ປະຈຸບັນລາວເປັນປະທານສະມາຄົມຄົນພິການຕາເມືອງແທງຈີ່, ຮ່າໂນ້ຍ. ອ້າຍເຈີນເທ້ດາດ ເວົ້າວ່າ:
“ໃນການດຳລົງຊີວິດ ແມ່ນບໍ່ມີຄວາມຍຸຕິທຳຈົນສຸດດອກ. ຄືນິີ້ວມື ກໍມີນີ້ວຍາວ ນີ້ວສັ້ນ. ແຕ່ສຳຄັນແມ່ນບັນດານີ້ວມືຍັງຢູ່ໃນຝາມືດຽວ. ສຳລັບຂ້າພະເຈົ້າແລ້ວ, ໂດຍແມ່ນຄົນພິການທີ່ໄດ້ຜ່ານຜ່າບັນດາຄວາມບົ່ມດ້ອຍຂອງຕົນເອງ ແລະ ບັນດາຄວາມຫຍຸ້ງຍາກໃນການດຳລົງຊີວິດ ກໍຍ້ອນໄດ້ຮັບການລະດົມໃຈຊ່ວຍເຫຼືອຈາກບັນດາໝູ່ເພື່ອນ, ຄອບຄົວ, ລັດ, ສັງຄົມ, ວິສາຫະກິດ, ບັນດາຜູ້ມີຈິດໃຈໂອບອ້ອມອາລີ ໄດ້ຊ່ວຍເຫຼືອພວກຂ້າພະເຈົ້າບືນຕົວຂຶ້ນ, ເຊື່ອມຕົວເຂົ້າກັບສັງຄົມ”.
ຢູ່ຫວຽດນາມໄດ້ມີລະບົບໜູນຊ່ວຍສັງຄົມ ແລະ ບັນດານະໂຍບາຍທີ່ຄົບຖ້ວນພໍສົມຄວນໃຫ້ແກ່ຄົນພິການ ຄືນະໂຍບາຍລ້ຽງດູ, ເບິ່ງແຍງສຸຂະພາບ, ຟື້ນຟູສະມັດຕະພາບຄົນພິການ,ການສຶກສາ….ຍ້ອນມີຄວາມເອົາໃຈໃສ່ຢ່າງຫຼວງ ຫຼາຍຂອງລັດ ແລະ ບັນດາອົງການຈັດຕັ້ງສັງຄົມນັ້ນ, ຄົນພິການບໍ່ພຽແຕ່ສາມາດບືນຕົວຂຶ້ນ, ເຊື່ອມຕົວເຂົ້າກັບວົງຄະນະຍາດເທົ່ານັ້ນ, ຫາກຍັງເປັນເຈົ້າຕົນເອງໃນການດຳລົງຊີວິດອີກດ້ວຍ.ໂດຍຜ່ານບັນດາເຫດການ, ພ້ອມກັບການ ເຊື່ອມຕົວເຂົ້າກັບວົງຄະນະຍາດນັ້ນ, ໄດ້ຊ່ວຍຄົນພິການປົວແປງຊີວິດເປັນຢູ່ໃຫ້ດີຂຶ້ນ.