ຊາວຕາແສງກວາງຫຽບ, ເມືອງ ກືມະກາ, ແຂວງດັກລັກພວມປະຕິບັດຂະບວນການປະຢັດເງິນເພື່ອກໍ່ສ້າງເຮືອນໃຫ້ແກ່ຜູ້ທຸກຍາກ. ຂະບວນການນີ້ໄດ້ກາຍເປັນຮູບແບບທີ່ດີເພື່ອທະວີຄູນຢ່າງກ້ວາງຂວາງ.
ການປຸກສ້າງເຮືອນໃຫ້ແກ່ຜູ້ທຸກຍາກຢູ່ແຂວງດັກລັກ |
ຂະບວນການ “ປະຢັດເງິນເພື່ອກໍ່ສ້າງເຮືອນໃຫ້ແກ່ຜູ້ທຸກຍາກ” ຢູ່ຕາແສງກວາງຫຽບ, ເມືອງ ກືມະກາ, ແຂວງດັກລັກໄດ້ເລີ່ມປະຕິບັດນັບແຕ່ປີ 2011. ຕາມນັ້ນແລ້ວ, ປະຊາຊົນຈະເລັ້ຍລາຍເງິນຈຳນວນໜ້ອຍຂອງຕົນໃນແຕ່ລະວັນ, ແຕ່ລະເດືອນຂອງຕົນ ເພື່ອຮອດທ້າຍປີ ຈະນຳໄປໃຊ້ຈ່າຍແກ່ການສ້ອມແປງຫຼືປຸກເຮືອນໃໝ່ໃຫ້ແກ່ຜູ້ທຸກຍາກ. ຈາກແຫຼ່ງເງິນຈາກກອງທຶນນີ້, ໃນຊຸມມື້ທີ່ຜ່ານມາ, ອຳນາດການປົກຄອງຕາແສງໄດ້ໜູນຊ່ວຍປຸກເຮືອນໃໝ່ 9 ຫຼັງ ແລະ ສ້ອມແປງເຮືອນໃຫ້ແກ່ 2 ຄອບຄົວທີ່ທຸກຍາກດ້ວຍຈຳນວນເງິນ 242 ລ້ານດົງ. ສະເພາະປີນີ້, ຕາແສງກວາງຫຽບສືບຕໍ່ໜູນຊ່ວຍປຸກສ້າງໃໝ່ເຮືອນແຫ່ງມະຫາສາມັກຄີ 3 ຫຼັງໃຫ້ແກ່ຜູ້ທຸກຍາກ. ມາຮອດປະຈຸບັນ, ເມືອງ ກືມະກາປະຢັດເງິນໄດ້ປະມານ 2,5 ຕື້ດົງ. ໃນເບື້ອງຕົ້ນ, ເມືອງ ກືມະກາ ໄດ້ໜູນຊ່ວຍປຸກເຮືອນໃໝ່ໃຫ້ແກ່ 56 ຄອບຄົວເປົ້າໝາຍນະໂຍບາຍ ແລະ ຄອບຄົວທຸກຍາກ. ທ່ານຮ່ວາແມ້ງກວນ ປະທານຄະນະກຳມະການແນວໂຮມປະເທດຊາດຕາແສງກວາງຫຽບ ໃຫ້ຮູ້ວ່າ :
“ ເລີ່ມແຕ່ປີ 2011, ພວກຂ້າພະເຈົ້າໄດ້ປຸກລະດົມຂະບວນການປະຢັດເງິນໄດ້ຈຳນວນກວ່າ 17 ລ້ານດົງ, ມາຮອດປະຈຸບັນແມ່ນໄດ້ 6 ປີແລ້ວ. ພວກຂ້າພະເຈົ້າໄດ້ສຳຫຼວດບັນດາບັນດາຄອບຄົວທີ່ມີເຮືອນເກົ່າ, ເປເພ ເພື່ອຊ່ວຍສ້ອງແປງເຮືອນຫຼືປຸກເຮືອນໃໝ່. ນັບແຕ່ປີ 2011 ຫາ 2015, ພວກຂ້າພະເຈົ້າປຸກາສ້າງເຮືອນໄດ້ 9 ຫຼັງ. ປີນີ້ຈຳນວນເງິນທີ່ເກັບມາໄດ້ນັ້ນ ແມ່ນເກືອບ 150 ລ້ານດົງ, ໃນສະເພາະໜ້າ, ພວກຂ້າພະເຈົ້າໄດ້ປຸກສ້າງເຮືອນແຫ່ງມະຫາສາມັກຄີໃຫ້ແກ່ 3 ຄອບຄົວ”
ຂະບວນການປະຢັດເງິນເພື່ອກໍ່ສ້າງເຮືອນໃຫ້ແກ່ຜູ້ທຸກຍາກຢູ່ຕາແສງກວາງຫຽບ, ເມືອງ ກືມະກາ, ແຂວງດັກລັກໄດ້ນຳຄວາມຜາສຸກມາສູ່ຫຼາຍຄອບຄົວທີ່ທຸກຍາກໃນທ້ອງຖິ່ນ. ທ່ານກາວຊວນເລີ້ຍເຈົ້າຂອງຄອບຄົວທີ່ທຸກຍາກຢູ່ຕາແສງກວາງຫຽບ, ເມືອງ ກືມະກາຫາກໍຍ້າຍໄປຢູ່ເຮືອນຫຼັງໃໝ່ຍ້ອນມີຂະບວນການປະຢັດເງິນນີ້. ທ່ານ ກາວຊວນເລີ້ຍ ເວົ້າວ່າ :
“ ມີເຮືອນໃໝ່, ດັ່ງນັ້ນໃນປະຈຸບັນ, ວຽກເຮັດງານທຳຂອງລູກເຕົ້າເປັນປົກກະຕິກ່ວາເກົ່າ. ບໍ່ຕ້ອງເປັນຫ່ວງໃນຍາມຝົນຕົກໜັກ ແລະ ລົມພາຍຸອີກແລ້ວ. ກ່ອນນີ້ເມື່ອເກີດລົມພະຍຸ ແມ່ນລຳບາກຫຼາຍ. ໃນຄັ້ງນີ້, ກໍດີໃຈຫຼາຍ, ມີເຮືອນທີ່ອົບອຸ່ນ, ມີບ່ອນຢູ່ບ່ອນກິນເປັນຢ່າງດີ ”
ດ້ວຍວິທີປະຕິບັດວຽກງານທີ່ເປີດເຜີຍ, ກະຈ່າງແຈ້ງ ແລະ ຊ່ວຍເຫຼືອຢ່າງຖືກຕ້ອງຕາມເປົ້າໝາຍ, ມາຮອດປະຈຸບັນ, ຂະບວນການປະຢັດເງິນເພື່ອກໍ່ສ້າງເຮືອນໃຫ້ແກ່ຜູ້ທຸກຍາກຢູ່ຕາແສງກວາງຫຽບໄດ້ແຜ່ລາມອອກກ້ວາງຂວາງ ແລະ ໄດ້ຮັບການສະໜັບສະຫນູນຈາກປະຊາຊົນໃນຕາແສງຢ່າງສຸດໃຈ. ຈຳນວນເງິນໃນກອງທຶນແມ່ນນັບມື້ນັບເພີ່ມຂຶ້ນ , ອັນໄດ້ຊ່ວຍບັນດາຜູ້ທຸກຍາກບືນຕົວຂຶ້ນໃນການດຳລົງຊີວິດ. ທ່ານ ຫງວຽນວັນຊາງ ປະທານຄະນະກຳມະການປະຊາຊົນຕາແສງກວາງຫຽບ ຕີລາຄາວ່າ :
“ ແຕ່ລະປີ, ພວກຂ້າພະເຈົ້າໄດ້ຈັດຕັ້ງຮູບແບບປະຢັດເງິນໃນທົ່ວປວງຊົນ.ປະສິດທິຜົນຂອງວຽກງານນີ້ແມ່ນໃຫຍ່ຫຼວງ ແລະ ແທດຈິງ. ພວກຂ້າພະເຈົ້າສາມາດທົດແທນເຮືອນໄມ້ໄຜ່, ມຸງຫຍ້າຫຼາຍຫຼັງໃຫ້ແກ່ປະຊາຊົນຜູ້ທຸກຍາກ. ຮູບແບບນີ້ໄດ້ຮັບການຕອບສະໜອງຈາກປະຊາຊົນຢ່າງຕັ້ງໜ້າ ແລະ ຍັງຕິດພັນກັບການສ້າງຄອບຄົວວັດທະນະທຳ, ບ້ານວັດວັດທະນະທຳ ”
ໂດຍແມ່ນຕາແສງຢູ່ເຂດຫ່າງໄກສອກຫຼີກ, ຊີວິດການເປັນຢູ່ຂອງປະຊາຊົນຍັງປະສົບກັບຄວາມຫຍຸ້ງຍາກຫຼາຍ, ແຕ່ຍ້ອນມີການໂຄສະນາຂົນຂວາຍຢ່າງຕັ້ງໜ້າດ້ວຍຫຼາຍຮູບແບບ, ດັ່ງນັ້ນຂະບວນການປະຢັດເງິນເພື່ອກໍ່ສ້າງເຮືອນໃຫ້ແກ່ຜູ້ທຸກຍາກທີ່ສ້າງກອງທຶນເພື່ອຊ່ວຍຜູ້ທຸກຍາກຢູ່ຕາແສງກວາງຫຽບ, ເມືອງ ກືມະກາໄດ້ເສີມຂະຫຍາຍປະສິດທິຜົນສູງ. ຈຳນວນເງິນໃນກອງທຶນປີນີ້ ໄດ້ຂຶ້ນເຖິງນັບຮ້ອຍລ້ານດົງ.ຕາແສງກວາງຫຽບໄດ້ປຸກສ້າງເຮືອນຫຼາຍຫຼັງເພື່ອຊ່ວຍຜູ້ທຸກຍາກຜ່ານຜ່າຄວາມຫຍຸ້ງຍາກ, ສ້າງການດຳລົງຊີວິດເປັນປົກກະຕິ. ຂະບວນການປະຢັດເງິນເພື່ອກໍ່ສ້າງເຮືອນໃຫ້ແກ່ຜູ້ທຸກຍາກ ບໍ່ພຽງແຕ່ມີຄວາມໝາຍສຶກສາອົບຮົມຈິດໃຈປະຢັດມັດທະຍັດເທົ່ານັ້ນ, ຫາກຍັງແມ່ນວຽກງານທີ່ແທດຈິງ, ແມ່ນຄວາມຮັບຜິດຊອບຂອງສັງຄົມສຳລັບຜູ້ທຸກຍາກ.