(vovworld)- ງານປະຕິມາກຳຊາຍທີ່ຫາດດອນຈັນ ເມືອງຈັນທະບູລີ ນະຄອນຫຼວງວຽງຈັນ ໄດ້ຮັບການປະຕິບັດຈາກ ນັກສິລະປະການ 30 ຄົນທີ່ມາຈາກ 10 ປະເທດ ອາຊຽນ. ທີ່ງານປະຕິມາກຳຊາຍຄັ້ງນີ້ ລວມມີຮູບສັນຍາລັກຂອງ 10 ປະເທດສະມາຊິກອາຊຽນຄື:ຮູບໂຕຊ້າງ, ຮູບພະທາດຫລວງ ຂອງລາວ, ສັນຍາລັກ Merlion ດ້ວຍຫົວສິງໂຕຄີງປາຂອງສິງກະໂປ, ຮູບສຸສານປະທານໂຮ່ຈິມີນຂອງຫວຽດນາມ. ນີ້ແມ່ນຫນຶ່ງໃນບັນດາການເຄື່ອນໄຫວຊຸກຍູ້ ການທ່ອງທ່ຽວຂອງອຳນາດການປົກຄອງນະຄອນຫລວງ ວຽງຈັນ.
ສຸສານປະທານໂຮ່ຈິມີນ
|
ນີ້ແມ່ນ ຄັ້ງທີ 2 ທີ່ງານປະຕິມາກຳຊາຍ ໄດ້ຮັບການປະຕິບັດຢູ່ຫາດດອນຈັນ ຢູ່ເມືອງ ຈັນທະບູລີ ຕອນໄຫລຜ່ານໃຈກາງນະຄອນຫລວງ ວຽງຈັນ. ເລື່ອງຈັດຕັ້ງງານປະຕິມາກຳຊາຍກ່ຽວກັບບັນດາສັນຍາລັກຂອງປະເທດອາຊຽນ ຈຳນວນຫນຶ່ງ ໃນໂອກາດບຸນປີໃຫມ່ລາວ ຫວ່າງແລ້ວນີ້ ມີຄວາມໝາຍທີ່ສຸດ, ພິເສດ ໃນຂະນະທີ່ລາວພ້ອມກັບບັນດາປະເທດສະມາຊິກອື່ນໃນອາຊຽນ ພວມມານະພະຍາຍາມສ້າງປະຊາຄົມອາຊຽນ. ສຳລັບ ອ້າຍ ຈີມີ, ຊາວນະຄອນຫລວງ ວຽງຈັນ ແລ້ວ, ສິ່ງພິເສດນັ້ນແມ່ນໄດ້ຊົມຮູບສຸສານປະທານໂຮ່ຈິມີນ ຜ່ານສີມືອັນຄ່ອງແຄ້ວຂອງນັກສິລະປະການລາວ. ອ້າຍ ຈີມີ ໃຫ້ຮູ້ວ່າ: ສຸສານ ລຸງໂຮ່ ໄດ້ຮັບການປະຕິບັດຢ່າງລະອຽດລະອໍ, ຈາກເສົາຕະຫລອດຮອດຫລັງຄານັບທັງແຖວຕົວຫນັງສື ປະທານໂຮ່ຈິມີນ ກໍໄດ້ຕົບ ແລະ ຄວັດແກະສະຫລັກຢ່າງ… ເມື່ອຊົມຮູບສຸສານປະທານໂຮ່ຈິມີນດ້ວຍຊາຍແລ້ວ ທຸກຄົນຮູ້ສ້ກຄືໄດ້ເຫັນ ບໍ່ແມ່ນດ້ວຍຈິດສຳນຶກ. ສິ່ງດັ່ງກ່າວເຮັດໃຫ້ອ້າຍຮູ້ສຶກໃກ້ຊິດສະຫນິດສະຫນົມກັບປະເທດຫວຽດນາມກວ່າ.
ສຽງອ້າຍຈີມີ
ເມື່ອທຽບໃສ່ກັບ ງານປະຕິມາກຳຊາຍ ຄັ້ງທຳອິດ, ງານປະຕິມາກຳຊາຍ ປີນີ້ມີ ຮູບປັ້ນທີ່ເປັນສັນຍາລັກ ແລະ ຮູບຈຳລອງ 45 ຮູບ, ມີຄວາມສູງແຕ່ 2- 9 ແມັດ ແມ່ນສັນຍາລັກທີ່ເປັນເອກະລັກສະເພາະຂອງບັນດາປະເທດ ອາຊຽນ. ວຽກງານກະກຽມ ແລະ ຕົບບັນດາຮູບປັ້ນຊາຍໄດ້ຮັບການປະຕິບັດໃນເວລາ 3 ເດືອນ ແລະ ເວລາດຳເນີນແມ່ນກົງກັບລະດູຮ້ອນ, ບາງເທື່ອມີອຸນຫະພູມຂຶ້ນເຖິງ 40 ອົງສາ. ອ້າຍ ວັນນະເລກ ຈັນທະວົງ, ສະມາຊິກຄະນະຈັດຕັ້ງ ໃຫ້ຮູ້ວ່າ:
ສຽງອ້າຍວັນນະເລກ
ທາດຫລວງ
|
ຮູ້ສຶກຈັບອົກຈັບໃຈທີ່ສຸດເມືອ່ໄດ້ຊົມບັນດາຜະລິດຕະພັນປະຕິມາກຳສິລະປະທີ່ເປັນເອກະລັກສະເພາະຢູ່ຫາດດິນຊາຍ, ເອື້ອຍ ຄິດທະວົງ ຊາວນະຄອນຫລວງ ວຽງຈັນ ຖືວ່າ: ການຕົບຊາຍເປັນຮູບສັນຍາລັກຂອງບັນດາປະເທດ ອາຊຽນ ຢູ່ຫາດດິນຊາຍ ແມ່ນແນວຄວາມຄິດດີທີ່ສຸດ. ຜ່ານບັນດາຮູບປັ້ນຊາຍນີ້, ປະຊາຊົນລາວ ແລະ ນັກທ່ອງທ່ຽວ ມີຄວາມເຂົ້າໃຈຕື່ມອີກກ່ຽວກັບປະຊາຄົມອາຊຽນ.
ສຽງເອື້ອຍ ຄິດທະວົງ
ສັນຍາລັກຂອງສິງກະໂປ
|
ງານປະຕິມາກຳຊາຍຄັ້ງທີ 2 ໄດ້ດຶງດູດຜູ້ມາຊົມຫລາຍກວ່າແສນຄົນ , ໃນນັ້ນ ມີປະຊາຊົນລາວ ແລະ ນັກທ່ອງທ່ຽວຕ່າງປະເທດ. ຜູ້ຊົມທັງໝົດລ້ວນແຕ່ເຄົາລົບນັບຖືບັນດານັກສິລະປະການໄດ້ເຮັດໃຫ້ຫາດດິນຊາຍທີ່ເປົ່າຫວ່າງມາເປັນເຂດວາງສະແດງສິລະປະທີ່ສ້າງຄວາມປະທັບໃຈ.