(VOVworld)- ໂດຍບໍ່ຫົວຊາຕໍ່ຝົນຕົກແຮງຢູ່ຮ່າໂນ້ຍ, ນັບແຕ່ເວລາ 13 ໂມງຂອງວັນທີ 20/6 ຜ່ານມາ, ເພື່ອນຫນຸ່ມເປັນຈຳນວນຫລວງຫລາຍ ພິເສດ ແມ່ນຜູ້ນິຍົມດົນຕີ ໄດ້ມີຫນ້າຢູ່ ສະໂມສອນ ອາເມລິກາ ເມືອງ ຮາຍບ່າຈຶງ ຮ່າໂນ້ຍ ເພື່ອເຂົ້າຮ່ວມງານມະໂຫລານດົນຕີ ອາຊຽນ Pride 2015. ງານມະໂຫລານດົນຕີ ອາຊຽນ Pride 2015 ຖືກຈັດຂຶ້ນໃນບໍລິເວນກວ້າງໃຫຍ່ເພື່ອໃຫ້ເພື່ອນຫນຸ່ມຫຼາຍຄົນສາມາດຮັບຊົມບົດເພງມ່ວນໆ ໂດຍບັນດານັກຮ້ອງຫນຸ່ມມາຈາກປະເທດຕ່າງໆໃນພາກພື້ນສະແດງ. ນີ້ຍັງແມ່ນໂອກາດເພື່ອໃຫ້ເຂົາເຈົ້າພົບປະແລກປ່ຽນ, ປະກອບບັນດາແນວຄວາມຄິດທີ່ດີໃຫ້ແກ່ວົງຄະນາຍາດ.
ວົງດົນຕີຍິງ Yellow Fang ມາຈາກປະເທດໄທພວມສະແດງ
|
ໃນເນື້ອທີ່ເກືອບ 2.000 m2, ຜູ້ຊົມນັບຮ້ອຍໆຄົນຮ້ອງໂຮຕົບມືຊົມເຊີຍ ແລະ ເຕັ້ນຕາມທຳນອງດົນຕີທີ່ມ່ວນໆ. ບັນດາຜູ້ຊົມເຂົ້າຮ່ວມງານມະໂຫລານນີ້ລ້ວນແຕ່ຢືນຫລືນັ່ງເທິງທົ່ງຫຍ້າເພື່ອຮັບຊົມລາຍການສະແດງທີ່ດູດດື່ມຂອງບັນດານັກສິລະປິນ. ນອກນັ້ນເຂົາເຈົ້າຍັງແບ່ງປັນຄວາມຮູ້ສຶກກ່ຽວກັບດົນຕີ ຊື່ງກ່ອນນີ້ ເຂົາເຈົ້າບໍ່ທັນຮູ້ຈັກເຖິງ. ອ້າຍ Peter ຜູ້ຊົມມາຈາກ ອາເມລິກາ ໃຫ້ຮູ້ວ່າ:
“ລາຍການສະແດງດົນຕີຂອງບັນດານັກສິລະປິນໃນມື້ນີ້ໄດ້ສ້າງຄວາມປະທັບໃຈໃຫ້ແກ່ຂ້າພະເຈົ້າ. ບັນຍາກາດກໍ່ຟົດຟື້ນມ່ວນຊື່ນທີ່ສຸດ. ນັກຮ້ອງ ແລະ ຜູ້ຊົມມີຄວາມໃກ້ຊິດສະຫນິດສະຫນົມທີ່ສຸດ. ດົນຕີແມ່ນສິ່ງທີ່ເຮັດໃຫ້ທຸກຄົນຫຍັບເຂົ້າໃກ້ກັນກວ່າ.”
ເທິງເວທີສະແດງ, ວົງດົນຕີຍິງ Yellow Fang, ລວມມີນັກຮ້ອງຍິງ 3 ຄົນ ທັງຮ້ອງເພງດ້ວຍພາສາໄທ ທັງເສບດົນຕີຫຼາຍປະເພດຄື: ກິຕາ, ກອງ..ຕາມທຳນອງ alternative rock.. ລາຍການສະແດງຂອງເຂົາເຈົ້າໄດ້ຮັບການຊົມເຊີຍຈາກຜູ້ຊົມເປັນຈຳນວນຫຼວງຫຼາຍ. ນາງ Pim Porn Metchnun, ນັກຮ້ອງຂອງວົງດົນຕີ Yellow Fang, ໃຫ້ຮູ້ວ່າ:
ສຽງນາງ Pim Porn Metchnun
ສຳລັບລາຍການສະແດງຂອງນັກຮ້ອງ O.J Law, ນັກສິລະປິນຫນຸ່ມຜູ້ມີຄວາມເກັ່ງກ້າສາມາດທີ່ມາຈາກ ມາເລເຊຍ ກໍໄດ້ຮັບຄວາມຊົມເຊີຍທີ່ສຸດຈາກຜູ້ຊົມ.. ນັກຮ້ອງ O.J Law ເຄີຍແຕ່ງ, ຂັບຮ້ອງ ແລະ ອັດແຜ່ນຊີດີບັນດາບົດເພງໂດຍອ້າຍສະແດງ. ອ້າຍໄດ້ມີ 3 album ດົນຕີ indie rock và electronica ແລະເຄີຍຍາດໄດ້ລາງວັນ Timeout KL’s Malaysian Album ເມື່ອ ປີ 2012. ນັກຮ້ອງ O.J Law ໃຫ້ຮູ້ວ່າ:
“ຂ້າພະເຈົ້າດີໃຈຫລາຍເມື່ອໄດ້ເຂົ້າຮ່ວມ ງານມະໂຫລານດົນຕີ ອາຊຽນ Pride 2015.ນີ້ແມ່ນລາຍການສະແດງຢູ່ຕ່າງປະເທດເປັນຄັ້ງທຳອິດຂອງຂ້າພະເຈົ້າ. ຂ້າພະເຈົ້າຫວັງວ່າ ຜ່ານດົນຕີ, ທຸກຄົນຈະມີຄວາມສະຫນິດຕິດພັນນຳກັນກວ່າ.”
ເອກອັກຄະລັດຖະທູດອາເມລິກາ ປະຈຳຫວຽດນາມ
ເຂົ້າຮ່ວມງານມະໂຫລານດົນຕີ ອາຊຽນ
|
ງານມະໂຫລານດົນຕີ ອາຊຽນ Pride 2015 ແມ່ນການເຄື່ອນໄຫວໂດຍສະຖານທູດ ອາເມລິກາ ປະຈຳຮ່າໂນ້ຍ ແລະ CAMA ຊື່ງແມ່ນສະໂມສອນນິຍົມສິລະປະ ແລະ ດົນຕີ ຈັດຕັ້ງຂຶ້ນ ເນື່ອງໃນໂອກາດສະເຫລີມສະຫລອງ 20 ປີແຫ່ງວັນສ້າງການພົວພັນທາງການທູດເປັນປົກກະຕິ ລະຫວ່າງຫວຽດນາມ ແລະ ອາເມລິກາ. ເຫດການນີ້ ໄດ້ດຶງດູດການເຂົ້າຮ່ວມຂອງນັກສິລະປິນຫລາຍຄົນທີ່ມາຈາກບັນດາປະເທດໃນພາກພື້ນ ແລະ ອາເມລິກາ ຄື: indie rock Thao Nguyen & The Get Down Stay Down (ອາມເລິກາ), ນັກຮ້ອງ O.J. Law (Malaysia), ກອງດົນຕີຍິງ Yellow Fang (ໄທ) ພ້ອມກັບບັນດານັກດົນຕີທີ່ມີຊື່ສຽງຂອງຫວຽດນາມຄື: Hương Giang Idol, ກອງສິລະປິນ COCC ມາຈາກນະຄອນໂຮ່ຈິມີນ . ງານມະໂຫລານດົນຕີ ອາຊຽນ ປີນີ້ ມີຫົວຂໍ້ວ່າເຊີດຊູຄຸນຄ່າຄອບຄົວ. ນີ້ແມ່ນການເຄື່ອນໄຫວສືບທອດຜົນສຳເລັດຂອງງານມະໂຫລານດົນຕີ ອາຊຽນ Pride ປີ 2014. ທ່ານ Micheal, ຜູ້ຕາງຫນ້າ CAMA, ໃຫ້ຮູ້ວ່າ:
“ພວກຂ້າພະເຈົ້າຈັດຕັ້ງເຫດການດົນຕີນີ້ ດ້ວຍຄວາມປາດຖະຫນາຢາກແນະນຳບັນດາເພື່ອນຫນຸ່ມທີ່ມີຄວາມເກັ່ງກ້າສາມາດຢູ່ບັນດາປະເທດໃນພາກພື້ນ ແລະ ໃນໂລກ ເພື່ອສ້າງຄວາມຕື່ນເຕັ້ນໃຫ້ບັນດາເພື່ອນຫນຸ່ມຫວຽດນາມ. ເພື່ອໃຫ້ເຂົາເຈົ້າຮູ້ສຶກໄດ້ວ່າຕົນເອງກໍ່ສາມາດເຮັດຄືພວກເພື່ອນໄດ້. ບັນດາເພື່ອນຫນຸ່ມຫວຽດນາມ ກໍ່ສາມາດຮ່ຳຮຽນ, ຝືກຝົນຫລໍ່ຫລອມເພື່ອກາຍເປັນບັນດານັກຮ້ອງດີເດັ່ນໃນພາກພື້ນໄດ້.”
ເຂົ້າຮ່ວມງານມະໂຫລານດົນຕີ ອາຊຽນ Pride 2015, ນອກຈາກໄດ້ຮັບຊົມລາຍການສະແດງດົນຕີຟົດຟື້ນຂອງບັນດານັກສິລະປິນທີ່ມີຄວາມເກັ່ງກ້າສາມາດແລ້ວ, ບັນດາເພື່ອນຫນຸ່ມຍັງໄດ້ເຂົ້າຮ່ວມບັນດາການເຄື່ອນໄຫວທີ່ສ້າງຄວາມປະທັບໃຈອີກ. ຄະນະຈັດຕັ້ງໄດ້ຈັດບັນດາຮ້ານແນະນຳອາຫານການກິນ ອາຊີ - ເອີລົບ, ຮ້ານວາງສະແດງເຄື່ອງສິລະປະຫັດຖະກຳຂອງຫວຽດນາມ, ອາພອນສະໄຫມ. ພິເສດແມ່ນເຂດແນະນຳລາຍການຂໍ້ລິເລິ່ມການນຳຫນຸ່ມ ອາຊີຕາເວັນອອກສ່ຽງໃຕ້ (YSEALI) ສິ່ງດັ່ງກ່າວໄດ້ຮັບຄວາມສົນໃຈພິເສດຈາກບັນດາເພື່ອນຫນຸ່ມ. ນີ້ແມ່ນລາຍການໂດຍປະທານາທິບໍດີ ອາເມລິກາ Barac Obama ສ້າງຕັ້ງເມື່ອປີ 2013 ເພື່ອສະຫງວນໃຫ້ບັນດາການນຳຫນຸ່ມພາກພື້ນອາຊີຕາເວັນອອກສ່ຽງໃຕ້. ທຸກຄົນສາມາດເຂົ້າແວບໄຊເພື່ອຈົດທະບຽນເປັນສະມາຊິກຂອງອົງການນີ້. ຈຸດປະສົງຂອງລາຍການແມ່ນຢາກໃຫ້ທຸກຄົນຮ່ວມແຮງຮ່ວມໃຈປະຕິບັດບັນດາບັນຫາຕົ້ນຕໍ ນັ້ນແມ່ນການສຶກສາ, ສະພາບແວດລ້ອມ, ຜົນສະທ້ອນຂອງທຸກຄົນຕໍ່ວົງຄະນາຍາດ. ບັນດາໂຄງການມີຜົນປະໂຫຍດໃຫ້ວົງຄະນາຍາດຈະໄດ້ຮັບເງິນອຸປະຖຳຈາກ YSEALI ດ້ວຍມູນຄ່າ 10.000-12.000 USD. ໂດຍແມ່ນຫນຶ່ງໃນບັນດາເພື່ອນຫນຸ່ມທີ່ພວມລໍຖ້າຈົດທະບຽນເປັນສະມາຊິກຂອງລາຍການ, ເພື່ອນ ຫາຍແອງ, ນັກສຶກສາມະຫາວິທະຍາໄລຄົມມະນາຄົມຂົນສົ່ງໃຫ້ຮູ້ວ່າ:
“ເຂົ້າຮ່ວມ ງານມະໂຫລານດົນຕີ ອາຊຽນ Pride 2015 ຄັ້ງນີ້ ຂ້າພະເຈົ້າສາມາດພົບປະແລກປ່ຽນກັບໝູ່ເພື່ອນຫລາຍຄົນ, ປະກອບບັນດາແນວຄວາມຄິດທີ່ມີປະໂຫຍດຕໍ່ວົງຄະນາຍາດ. ນ້ອງຄິດວ່າ ບັນດານັກສຶກສາຄວນເຂົ້າຮ່ວມການເຄື່ອນໄຫວຄືແນວນີ້ ເພາະຜ່ານການເຄື່ອນໄຫວນີ້, ພວກເຮົາບໍ່ພຽງແຕ່ພັດທະນາຄວາມສາມາດໂອ້ລົມສົນທະນາເທົ່ານັ້ນ ຫາກຍັງປະກອບສ່ວນພັດທະນາອະນາຄົດຂອງສັງຄົມອີກດ້ວຍ.”
ມໍ່ກັບຮ້ານວາງສະແດງ YSEALI ແມ່ນເຂດສາຍຮູບເງົາຂອງບັນດາເພື່ອນຫນຸ່ມສະຫມັກລິ້ນ. ບັນດາຮູບເງົານີ້ເວົ້າເຖິງຊີວິດຂອງເດັກນ້ອຍຕາມຖະຫນົນ. ນີ້ແມ່ນຫນຶ່ງໃນບັນດາແນວຄວາມຄິດໂດຍ YSEALI ອຸປະຖຳປະຕິບັດ.
ງານມະໂຫລານດົນຕີ ອາຊຽນ Pride 2015 ບໍ່ພຽງແຕ່ນຳມາເຊິ່ງຄວາມປະທັບໃຈຜ່ານການສະແດງຂອງບັນດານັກສິລະປິນຫນຸ່ມເທົ່ານັ້ນ ຫາກຍັງເຮັດໃຫ້ພວກນ້ອງມີຄວາມຮູ້ສຶກວ່າຕົນເອງຈະປະກອບແນວຄວາມຄິດຄືແນວໃດໃຫ້ແກ່ວົງຄະນາຍາດ ກໍ່ຄືເຂົ້າໃຈ ແລະ ຮັກແພງຜູ້ປະສົບກັບຄວາມຫຍຸ້ງຍາກວ່າ. ຜ່ານນັ້ນຮູ້ສຶກເຄົາລົບຊີວິດພ້ອມກັບຄອບຄົວກວ່າ. ນັ້ນກໍແມ່ນຈຸດປະສົງທີ່ຄະນະຈັດຕັ້ງ ງານມະໂຫລານ ອາຊຽນ Pride 2015 ມຸ້ງໄປເຖິງ.