(vovworld) – ຕອນຄ່ຳວັນທີ 29/4, ທ່ານາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງ ຫວຽດນາມ ເດີນທາງອອກຈາກນະຄອນຫຼວງ ມານີລາ (ປະເທດ ຟີລິບປິນ) ກັບເມືອປະເທດ, ສິ້ນສຸດການເຂົ້າຮ່ວມກອງປະຊຸມສຸດຍອດ ອາຊຽນຄັ້ງທີ 30 ແລະ ບັນດາກອງປະຊຸມຂັ້ນສູງທີ່ກ່ຽວຂ້ອງຕາມຄຳເຊີນຂອງທ່ານປະທານາທິບໍດີ ຟີລິບປິນ Rodrigo Roa Duterte.
ທ່ານາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ທ່ານປະທານາທິບໍດີ ຟີລິບປິນ Rodrigo Roa Duterte
|
ກ່ອນໜ້ານັ້ນ, ໃນວັນດຽວກັນ, ຢູ່ນະຄອນຫຼວງ ມານີລາ (ປະເທດ ຟີລິບປິນ), , ທ່ານາຍົກລັດຖະມົນຕີ ຫງວຽນຊວນຟຸກ ມີການພົບປະ 2 ຝ່າຍກັບ ທ່ານປະທານາທິບໍດີ ຟີລິບປິນ Rodrigo Roa Duterte. ທີ່ການພົບປະ, 2 ຝ່າຍໄດ້ເຫັນດີເປັນເອກະສັນຈະເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ຕົກລົງຈັດກອງປະຊຸມຄະນະກຳມະການຮ່ວມມື 2 ຝ່າຍເພື່ອພັດທະນາການພົວພັນຮ່ວມມືລະຫວ່າງ 2 ປະເທດກ່ວາອີກໂດຍໄວ. ທ່ານປະທານາທິບໍດີ Duterte ຢັ້ງຢືນຖືເປັນສຳຄັນນ້ຳໃຈເພື່ອນມິດກັບ ຫວຽດນາມ, ຊົມເຊີຍທ່ານປະທານປະເທດ ເຈີ່ນດ້າຍກວາງ ຢ້ຽມຢາມ ຟີລິບປິນ ຢ່າງເປັນທາງການໃນປີ 2017. ທ່ານປະທານາທິບໍດີ Duterte ກໍ່ຂອບອົກຂອບໃຈເລື່ອງ ຫວຽດນາມ ພ້ອມແລ້ວທີ່ຈະສະໜອງເຂົ້າສານເປັນປົກກະຕິ, ຍາວນານໃຫ້ແກ່ ຟີລິບປິນ. ກ່ຽວກັບບັນຫາທະເລຕາເວັນອອກ, ທ່ານປະທານາທິບໍດີ Duterte ໃຫ້ຄຳໝັ້ນສັນຍາຈະມານະພະຍາຍາມຊຸກຍູ້ເພື່ອສ້າງສຳເລັດ ກົດແຫ່ງການປະພຶດຢູ່ທະເລຕາເວັນອອກ (COC) ດ້ວຍເນື້ອໃນແທດຈິງ, ມີຄວາມສາມາດເປັນໄປໄດ້, ເໝາະສົມກັບກົດໝາຍສາກົນ. ເນື່ອງໃນໂອກາດນີ້, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຊີນທ່ານປະທານາທິບໍດີ Duterte ເຂົ້າຮ່ວມກອງປະຊຸມຂັ້ນສູງ APEC 2017 ແລະ ໃນຖານະເປັນປະທານ ອາຊຽນ, ສືບຕໍ່ສົມທົບກັນ ແລະ ສະໜັບສະໜູນບັນດາຂໍ້ລິເລີ່ມຂອງ ຫວຽດນາມ ທີ່ສະເໜີໃນປີ APEC ຫວຽດນາມ 2017.