(vovworld)- ຊຸດສະແຕມ ລວມມີກວ່າ 600 ດວງ ຖືກຊັບຊ້ອນໃນ 5 ກອບ ສະແຕມກ່ຽວກັບປະຫວັດສາດ, ວັດທະນະທຳ ທີ່ເປັນເອກະລັກສະເພາະຂອງບັນດາປະເທດ ອາຊຽນ ແລະ ວິວັດການເຊື່ອມໂຍງ ອາຊຽນ ທີ່ຍາດໄດ້ລາງວັນທອງ ດ້ວຍຫົວຂໍ້ວ່າ: “ຂ່ຳນັບຮັບຕ້ອນການສ້າງຕັ້ງປະຊາຄົມ ອາຊຽນ” ຊື່ງແມ່ນຫນຶ່ງໃນ 3 ຫົວເລື່ອງໃຫຍ່ ຂອງການເສັງ Vietstampex 2015 ຫາກໍດຳເນີນໃນທ້າຍສັບປະດາຢູ່ ຮ່າໂນ້ຍ. ໃນລາຍການຊາຍຄາອາຊຽນ ພາກນີ້ ພວກເຮົາຂໍແນະນຳ ທ່ານ ຫວໍຊີ້ດາຍ, ຜູ້ສະສົມສະແຕມ ປະຊາຄົມ ອາຊຽນ ໃນວິວັດການເຊື່ອມໂຍງ” ຍາດໄດ້ລາງວັນໃນຄັ້ງນີ້.
ທ່ານ ຫວໍຊີ້ດາຍ, ຜູ້ສະສົມສະແຕມ ປະຊາຄົມ ອາຊຽນ
|
4 ໂມງ 30 ນາທີ ໃນຫ້ອງວາງສະແດງສະແຕມນັບລ້ານດວງຖືກຊັບຊ້ອນໃນຮ້ອຍກອບສະແຕມ, ຫວໍຊີ້ດາຍ ຊື່ງແມ່ນຄູສອນໄດ້ອອກກິນເບ້ຍບຳນານແລ້ວ. ທ່ານ ກຳເນີດ ແລະ ເຕີບໃຫຍ່ ຢູ່ ນະຄອນດາລາດ ແຂວງ ເລີມດົງ ແລະ ແມ່ນຜູ້ມັກສະສົມສະແຕມນັບແຕ່ຄາວຍັງຮຽນຢູ່ໂຮງຮຽນມັດທະຍົມ.
“ຂ້າພະເຈົ້າສະສົມສະແຕມນັບແຕ່ໄລຍະຮຽນມັດທະຍົມຕອນຕົ້ນ, ໝາຍຄວາມວ່າແຕ່ຊຸມປີ 1966. ໃນຄາວນັ້ນ ຂ້າພະເຈົ້າສະສົມສະແຕມຂອງ ສາທາລະນະລັດ ພາກໃຕ້ຫວຽດນາມ, ພາຍຫລັງໄດ້ຮັບການປົດປ່ອຍ ຂ້າພະເຈົ້າສືບຕໍ່ສະສົມສະແຕມຂອງ ສາທາລະນະລັດ ປະຊາທິປະໄຕ ຫວຽດນາມ ແລະ ສາທາລະນະລັດພາກໃຕ້ຫວຽດນາມ. ໄລຍະນັ້ນ ໂດຍເປັນນັກຮຽນຜູ້ຫນຶ່ງ ສະນັ້ນ ຂ້າພະເຈົ້າບໍ່ມີເງິນເພື່ອຊື້ສະແຕມ, ຂ້າພະເຈົ້າເຄີຍເອົາສະແຕມແລກກັບເພື່ອນ ຫລື ຂຽນຈົດໝາຍໃຫ້ໝູ່ເພື່ອນເພື່ອມີສະແຕມທີ່ຕົນມັກ. ພາຍຫລັງຮຽນຈົບມັດທະຍົມຕອນປາຍ ຂ້າພະເຈົ້າຖືກສົ່ງໄປຮຽນຢູ່ ຟີລີບປີນ. ຂ້າພະເຈົ້າໄດ້ເຂົ້າຮ່ວມໂຄງການຂອງອົງການສາສະຫນາກາໂຕລີກ ຢູ່ ຟີລີບປີນ ແລະ ຂຽນຈົດໝາຍສົ່ງເຖິງເຂົາເຈົ້າດ້ວຍຈຸດປະສົງຢາກສະສົມບັນດາສະແຕມ.”
ສຳລັບທ່ານແລ້ວ ແນວຄວາມຄິດສະສົມສະແຕມ “ປະຊາຄົມ ອາຊຽນ ໃນວິວັດການເຊື່ອມໂຍງ” ກໍແມ່ນເລື່ອງບັງເອີນ, ເມື່ອ ຫວຽດນາມ ພິມຈຳຫນ່າຍ ສະແຕມ ອາຊຽນ ໃນປີ 2007, ເນື່ອງໃນໂອກາດສະເຫລີມສະຫລອງ 40 ປີແຫ່ງວັນສ້າງຕັ້ງ ອາຊຽນ. ໃນສະແຕມແຕ່ລະດວງ ແມ່ນນະຄອນຫລວງ ຂອງປະເທດສະມາຊິກຫນຶ່ງ ແລະ ຊຸດສະແຕມ ມີທັງໝົດ 10 ດວງ. ມີແນວຄວາມຄິດແລ້ວ, ແຕ່ວິວັດການປະຕິບັດຕ້ອງເສຍເວລາຫລາຍ. ທ່ານ ຕ້ອງເຂົ້າແວບໄຊເພື່ອຊອກຊື້ສະແຕມແຕ່ລະ ດວງ ຂອງແຕ່ລະປະເທດຕະຫລອດຮອດບັນດາຊອງຈົດໝາຍ… ເພື່ອສະສົມໃຫ້ຊຸດສະແຕມຂອງຕົນ, ແຕ່ບາງເທື່ອຊື້ບໍ່ໄດ້ ເພາະວ່າຫລາຍຄົນພັດບໍ່ຂາຍ.
“ຄວາມຈິງ ຢາກສະສົມຊຸດສະແຕມນີ້ ຕ້ອງເສຍເວລາຫລາຍ ເພາະວ່າ ຫວຽດນາມ ບໍ່ພິມຈຳຫນ່າຍສະແຕມ ອາຊຽນ ຫລາຍປານໃດ ພຽງມີ 2-3 ຊຸດເທົ່ານັ້ນ ຢາກສຳເລັດ 5 ກອບສະແຕມນີ້ ຕ້ອງມີສະແຕມຢ່າງຫນ້ອຍສຸດນັບຮ້ອຍຊຸດ. ໃນກຸ່ມ ອາຊຽນ ສະແຕມມີລາຄາສູງສຸດ ແລະ ຫາຍາກທີ່ສຸດ ແມ່ນສະແຕມມາຈາກ ບຣູໄນ, ຖັດມາແມ່ນ ມຽນມາ ແລະ ຟິລີບປີນ ເພາະວ່າ ບັນດາປະເທດນີ້ ບໍ່ພິມຈຳຫນ່າຍສະແຕມ ສະນັ້ນ ຍາກທີ່ຈະຊອກຊື້ໄດ້.”
ໃນຊຸດສະແຕມສະສົມຂອງທ່ານ ຍັງມີຊຸດສະແຕມ ກໍພິເສດພໍສົມຄວນອື່ນອີກ . ນັ້ນແມ່ນຊຸດສະແຕມ “ຂ່ຳນັບຮັບຕ້ອນ ປະຊາຄົມ ອາຊຽນ” ຫາກໍພິມຈຳຫນ່າຍໃນວັນທີ 8/8 ຜ່ານມາ. ນີ້ແມ່ນຊຸດສະແຕມ ພິມຈຳຫນ່າຍໃນ10 ປະເທດ ອາຊຽນ. ປະຈຸບັນ ແຕ່ລະມື້ ທ່ານຍາດເວລາແຕ່ 20 ນາທີ ຮອດຫນຶ່ງ ຊົ່ວໂມງ ເພື່ອຄົ້ນຄ້ວາ ແລະ ຊອກຮູ້ບັນດາສະແຕມຢ່າງເລິກເຊິ່ງກວ່າ. ສຳລັບທ່ານແລ້ວ, ບັນດາສະແຕມນັ້ນ ນຳມາເຊິ່ງບັນດາຄວາມຮູ້ທີ່ລ້ຳຄ່າ.
“ສະແຕມ ແມ່ນຮູບພາບນ້ອຍ ເມື່ອເບິ່ງສະແຕມນີ້ ຄືດັ່ງໄດ້ຊົມຮູບພາບແຜ່ນຫນຶ່ງຂອງຈິດຕະກອນ. ມີສະແຕມບາງອັນແມ່ນເວົ້າເຖິງປະຫວັດສາດ ຊ່ວຍໃຫ້ຕົນເອງທົບທວນຄືນ ແລະ ມີຄວາມເຂົ້າໃຈກ່ຽວກັບປະຫວັດຄວາມເປັນມາຂອງມັນ ຫລື ບັນດາສະແຕມແມ່ນພິມຊຸດອາພອນພື້ນເມືອງຂອງປະເທດຕ່າງໆ, ເມື່ອເບິ່ງສະແຕມນີ້ ພວກເຮົາອາດຈະຮູ້ໄດ້ວ່າ ນັ້ນແມ່ນປະຊາຊົນຂອງປະເທດໃດ ຫລື ຈາກຮູບພາບອາຊີບຫັດຖະກຳ ພວກເຮົາສາມາດຮູ້ຈັກໄດ້ວ່າ ປະຊາຊົນປະເທດນັ້ນເຮັດອາຊີບຫັດຖະກຳຄືແນວໃດ.”
ຊຸດສະແຕມ ອາຊຽນ ພິມຈຳຫນ່າຍປີ 2007
|
ໃນໄລຍະກວ່າ 40 ປີແຫ່ງການສະສົມສະແຕມ, ປະຈຸບັນ ທ່ານ ສະສົມສະແຕມໄດ້ 400-500 kg ດ້ວຍ 20 ຫົວເລື່ອງ. ທ່ານ ເວົ້າວ່າ ນັ້ນແມ່ນ ຊັບສົມບັດອັນລ້ຳຄ່າທີ່ສຸດທີ່ຂອງທ່ານປະຈຸບັນ ແລະ ທ່ານປາດຖະຫນາວ່າ ໃນການເສັງ Viéttampex ຄັ້ງຕໍ່ໄປ ທ່ານຈະຍາດໄດ້ລາງວັນສູງກວ່າ.