ອາຊຽນ, ສ.ເກົາຫຼີ ຊຸກຍູ້ຊາວໜຸ່ມ ແລະ ແມ່ຍິງເຂົ້າຮ່ວມການພັດທະນາວິສາຫະກິດຂະໜາດກາງ ແລະ ນ້ອຍ
(ພາບປະກອບ)
(vovworld) - ວັນທີ 10/12, ຄະນະເລຂາ ອາຊຽນ ໄດ້ຈັດຕັ້ງກອງປະຊຸມສຳມະນາ ອາຊຽນ-ສ.ເກົາຫຼີ ຢູ່ Siem Riep ປະເທດກຳປູເຈຍ. ກອງປະຊຸມສຳມະນາດ້ວຍຫົວຂໍ້ວ່າ: “ການເຂົ້າຮ່ວມຂອງຊາວໜຸ່ມ ແລະ ແມ່ຍິງໃນການພັດທະນາວິສາຫະກິດຂະໜາດກາງ ແລະ ນ້ອຍ (SME) ” ແມ່ນເວທີປາໄສເພື່ອຊາວໜຸ່ມ ແລະ ນັກທຸລະກິດຍິງມາຈາກ 10 ປະເທດສະມາຊິກ ອາຊຽນ ແລະ ສ.ເກົາຫຼີ ແລກປ່ຽນທັດສະນະ ກ່ຽວກັບບົດບາດທີ່ສຳຄັນຂອງບັນດາ SME ໃນພື້ນຖານເສດຖະກິດ, ບັນດາບັນຫາທີ່ກ່ຽວຂ້ອງເຖິງການສົ່ງເສີມຊາວໜຸ່ມ ແລະ ແມ່ຍິງເຂົ້າຮ່ວມການພັດທະນາ SME. ກອງປະຊຸມສຳມະນາດັ່ງກ່າວ ໄດ້ຮັບຮອງເອົາບາງຂໍ້ສະເໜີແນະຂອງບັນດາການນຳ ອາຊຽນ ແລະ ສ.ເກົາຫຼີ ທີ່ກອງປະຊຸມສຸດຍອດສະເຫຼີມສະຫຼອງ 25 ປີແຫ່ງວັນສ້າງຕັ້ງການພົວພັນຄູ່ເຈລະຈາ ອາຊຽນ-ສ.ເກົາຫຼີ ໄດ້ດຳເນີນຢູ່ບູຊານ ກໍ່ຄືສ້າງເວທີປາໄສກ່ຽວກັບການພົວພັນ ລະຫວ່າງຊາວໜຸ່ມ ແລະ ນັກທຸລະກິດຍິງ, ເພີ່ມທະວີບັນດາແຜນນະໂຍບາຍ, ກົນໄກການເງິນ ແລະ ຕິດຕາມກວດກາຂອງລັດຖະບານໃນການໜູນຊ່ວຍ ແລະ ຍົກສູງຄວາມສາມາດສຳພັດກັບແຫຼ່ງທຶນໃຫ້ແກ່ SME ແລະ ຊ່ວຍບັນດາ SME ພັດທະນາຢ່າງໝັ້ນຄົງ.