(vovworld)- ໂດຍຕັ້ງຢູ່ທາງທິດຕາເວັນຕົກສ່ຽງເຫນືອຂອງ ປະເທດ ມາເລເຊຍ, ເກາະ Penang ແມ່ນຫນຶ່ງໃນບັນດາເກາະງາມທີ່ສຸດຂອງ ມາເລເຊຍ, ຢືນອັນດັບ 2 ໃນບັນຊີລາຍຊື່ສະຖານທີ່ທ່ອງທ່ຽວທີ່ພົ້ນເດັ່ນ 44 ແຫ່ງ ໂດຍ ວາລະສານ New York Times ປີ 2009 ຄັດເລືອກ. ມາຢ້ຽມຢາມເກາະແຫ່ງນີ້ ນັກທ່ອງທ່ຽວບໍ່ພຽງແຕ່ໄດ້ອາບນ້ຳທະເລທີ່ຂຽວສະອາດເທົ່ານັ້ນ ຫາກຍັງໄດ້ຄົ້ນຫານະຄອນ Geoge Town ທີ່ເກົ່າແກ່ ຫລື ໄປຢາມສວນສາທາລະນະແຫ່ງຊາດ Penang- ດ້ວຍສັດອັນລ້ຳຄ່າຫລາຍປະເພດ. ໃນລາຍການຊາຍຄາອາຊຽນພາກນີ້, ພວກເຮົາຂໍແນະນຳບົດທີ່ພາດຫົວເລື່ອງວ່າ: ເກາະ Penang ສະຖານທີ່ທ່ອງທ່ຽວອັນດູດດື່ມຂອງມາເລເຊຍ.
ເກາະ Penang
photo:internet
|
ເກາະ Penang ຫ່າງຈາກນະຄອນຫລວງ ກົວລາລຳເປີ ປະມານ 330 ກິໂລແມັດ. ເພ່ືອໄປເຖິງເກາະແຫ່ງນີ້ ນັກທ່ອງທ່ຽວສາມາດຂີ່ຍົນ ຫລື ຂີ່ລົດໂອໂຕກໍ່ໄດ້. ຖ້າຂີ່ລົດໂອໂຕ ນັກທ່ອງທ່ຽວຈະໄປຜ່ານຂົວ Penang 2 ຊື່ງແມ່ນຂົວຍາວກວ່າໝູ່ຢູ່ ອາຊີຕາເວັນອອກສ່ຽງໃຕ້ ດ້ວຍຄວາມຍາວ 24 ກິໂລແມັດທີ່ ເຊື່ອມຕໍ່ລະຫວ່າງ ເກາະ ແລະ ເຂດດິນຕໍ່ແຜ່ນ. ຖ້າຂີ່ເຮືອບີນຈາກ ກົວລາລຳເປີ ໄປເກາະ Penang ນັກທ່ອງທ່ຽວມີແຕ່ເສຍເວລາພຽງ 50 ນາທີເທົ່ານັ້ນ. ຢູ່ເທິງເຮືອບິນ, ທ່ານຈະເຫັນເກາະແຫ່ງນີ້ເໝືອນດັ່ງເຕົາໂຕຫນຶ່ງທີ່ໃຫຍ່ໂຕພວມອ່ວາຍຫນ້າສູ່ທະເລທີ່ກວ້າງໃຫຍ່. ເກາະ Penang ມີເນື້ອທີ່ 285 ກິໂລຕາລາງແມັດ. ມາແຫ່ງນີ້ ນັກທ່ອງທ່ຽວຈະໄດ້ສູບອາກາດທີ່ປອດໂປ່ງແລະເຢັນສະບາຍ ຕ່າງກັບອາກາດທີ່ເຕັມໄປດ້ວຍຄວັນລົດໃນເຂດຕົວເມືອງ .
ໃຈກາງເກາະ Penang ແມ່ນເຂດ George Town. ເມື່ອປີ 2008, George Town ໄດ້ຮັບການຮັບຮູ້ຈາກອົງການ UNESCO ວ່າ ແມ່ນນະຄອນມໍລະດົກໂລກ ໃນສັດຕະວັດທີ 15, ຊາວ ປອກຕຸຍການ ໄດ້ມາເຂດດິນແດນນີ້. ດ້ວຍວັດທະນະທຳຝ່າຍຕາເວັນຕົກປະສານສົມທົບກັບວັດທະນະທຳທ້ອງຖິ່ນ ໄດ້ສ້າງເປັນນະຄອນ ເອີລົບ - ອາຊີ ທີ່ເປັນເອກະລັກສະເພາະ. ໂດຍຕັ້ງສະຫຼັບກັນຢູ່ຖະຫນົນຂອງຝ່າຍຕາເວັນຕົກ, ດ້ວຍບັນດາວີນລາເກົ່າ, ໂບດ ແລະ ເຂດສຸສານຂອງບາດຫລວງຝ່າຍຕາເວັນຕົກ ແມ່ນຄຸ້ມຖະຫນົນຂອງຊາວ ຈີນ ດ້ວຍເຮືອນມຸ່ງດິນຂໍທີ່ເປັນເອກະລັກສະເພາະ, ບັນດາວັດວາອາຮາມຂອງຊາວຈີນ, ພິເສດ ມີວັດ Kek Lok Si ແມ່ນວັດໃຫຍ່ກວ່າໝູ່ຢູ່ ອາຊີຕາເວັນອອກສ່ຽງໃຕ້. ເພື່ອນ ຫງວຽນມາຍແອງ, ນັກທ່ອງທ່ຽວມາຈາກຫວຽດນາມ ໃຫ້ຮູ້ວ່າ:
“ຢູ່ George Town, ມີຖະຫນົນນ້ອຍ ແລະ ເກົ່າແກ່ບາງສາຍ. ຂ້າພະເຈົ້າຢາກຍ່າງຕາມຖະຫນົນສາຍຕ່າງໆໃນຍາມຄຳ່ຄ້ອຍ. ເພາະ ວ່າ ບັນຍາກາດໃນຍາມນີ້ຄ້າຍຄືກັນກັບບັນດາ ຖະຫນົນຢູ່ ໂຮ້ຍອານ ຂອງຫວຽດນາມ.”
ໂດຍຫ່າງຈາກວັດ Kek Lok Si ປະມານ 2 ກິໂລແມດແມ່ນໂນນພູ Penang ຊື່ງແມ່ນບອ່ນສູງກວ່າໝູ່ໃນເກາະ Penang ດ້ວຍຄວາມສູງ 821 ແມັດ. ກ່ອນນີ້ ຊາວອັງກິດ ໄດ້ກໍ່ສ້າງເສັ້ນທາງລົດໄຟໄປຍັງ ໂນນພູ ປະຈຸບັນ ເສັ້ນທາງນີ້ຍັງຄົງໄດ້ຮັບການຮັກສາໄວ້. ນັກທ່ອງທ່ຽວ ຈະຮູ້ສຶກປະທັບໃຈເມື່ອໄດ້ນັ່ງເທິງລົດໄຟຊົມທິວທັດທຳມະຊາດທີ່ສວຍງາມຢູ່ເກາະ Penang.
|
ຂົວ Penang 2 ຊື່ງແມ່ນຂົວຍາວກວ່າໝູ່ຢູ່
ອາຊີຕາເວັນອອກສ່ຽງໃຕ້
photo:kientruc.vn
|
ເກາະ Penang ມີຫາດຊາຍທະເລສວຍງາມຫລາຍແຫ່ງຄື: Tanjung Buga, Batu Ferringhi, Teluk Bahang. ໃນນັ້ນ ພົ້ນເດັ່ນແມ່ນຫາດຊາຍທະເລ Batu Ferringhi. ຖ້າຂີ່ລົດໂອໂຕ ຈາກໃຈກາງ George Town ໄປຫາດຊາຍທະເລແຫ່ງນີ້ແມ່ນເສຍເວລາປະມານ 20 ນາທີ. ເຖິງວ່າ ເສັ້ນທາງໄປຈະລະອຽດລະອ້ຽວກໍ່ຕາມແຕ່ທິວທັດທຳມະຊາດຢູ່ທີ່ນີ້ພັດສວຍງາມຫລາຍ, ເບື້ອງຫນຶ່ງແມ່ນພູ, ເບື້ອງຫນຶ່ງແມ່ນທະເລ. ອ້າຍ ຊານ ໂນບູຣີ, ນັກທ່ອງທ່ຽວມາຈາກໄທ ໃຫ້ຮູ້ວ່າ:
ສຽງເພື່ອນຊານ ໂນບູຣີ
ໃນ ເກາະ Penang ຍັງມີສະຖານທີ່ສວຍງາມອີກແຫ່ງຫນຶ່ງ ທີ່ດຶງດູດນັກທ່ອງທ່ຽວມາຢ້ຽມຊົມເປັນຈຳນວນຫລວງຫລາຍ. ນັ້ນແມ່ນ ສວນສາທາລະນະແຫ່ງຊາດ Penang. ດ້ວຍເນື້ອທີ່ພຽງ 2,5 ເຮັກຕາ, ສວນສາທາລະນະ Penang ແມ່ນເຂດອະນຸລັກຮັກສາສັດອັນລຳ້ຄ່າຫາຍາກນັບຮ້ອຍປະເພດ. ນີ້ກໍແມ່ນແຫ່ງຫນຶ່ງດຽວຢູ່ ມາເລເຊຍ ມີພູມສັນຖານທຳມະຊາດຢ່າງຄົບຖ້ວນຄື: ຫນອງ, ບືງ, ຫາດຊາຍທະເລ…ພິເສດ ຫາດຊາຍທະເລໃນສວນສາທາລະນະແຫ່ງຊາດແມ່ນສະຫງວນສະເພາະເພື່ອໃຫ້ເຕົາຂຽວແຜ່ພັນ. ນັກທ່ອງທ່ຽວ ສາມາດເລືອກເຟັ້ນໃຫ້ຕົນຮູບການທ່ອງທ່ຽວທີ່ເໝາະສົມຄື: ຕັ້ງຄ້າຍ, ຍ່າງຂ້າມປ່າ, ຕືກປາ… ຮູບການທັງໝົດເຫລົ່ານັ້ນ ຕ້ອງປະຕິບັດຕາມຂໍ້ກຳນົດທີ່ເຄັ່ງຄັດ ເພື່ອຈຳກັດການກະທົບຂອງມະນຸດ ເຖິງ ທຳມະຊາດ. ເພ່ືອນ ຫງວຽນມາຍແອງ ໃຫ້ຮູ້ວ່າ:
“ໄປຢ້ຽມຢາມ ເກາະ Penang ຂ້າພະເຈົ້າຮູ້ສຶກປະທັບໃຈຫລາຍຢ່າງ. ພິເສດ ມີໂອກາດໄດ້ຄົ້ນຫາທຳມະຊາດຢູ່ທີ່ນີ້. ອຳນາດການປົກຄອງ ໄດ້ຮັກສາທີວທັດທຳມະຊາດທີ່ສວຍງາມຂອງຫາດຊາຍທະເລ ແລະ ປ່າດົງດີບໄວ້ ເປັນຢ່າງດີ, ເຊິ່ງຢູ່ແຫ່ງອື່ນພັດບໍ່ມີ.”
ຟາມລ້ຽງແມງກະເບື້ອ ກໍແມ່ນສະຖານທີ່ດຶງດູດ ນັກທ່ອງທ່ຽວຜູ້ທີ່ມັກຄົ້ນຫາທຳມະຊາດເປັນຈຳນວນຫລວງຫລາຍ. ດ້ວຍເນື້ອທີ່ 0,8 ເຮັກຕາ, ແຫ່ງນີ້ແມ່ນບ່ອນດຳລົງຊີວິດຂອງແມງກະເບື້ອແລະ ແມງໄມ້ກວ່າ 120 ຊະນິດ ເມື່ອມາຢ້ຽມຢາມຟາມລ້ຽງ ແມງກະເບື້ອ, ຖ້າຜູ້ໃດນຸ່ງເສື້ອມີສີຫລາກຫລາຍ, ແມງກະເບື້ອຈະຈັບເທິງບ່າ, ເທິງເສື້ອຍ້ອນຄິດວ່າ ຜູ້ນັ້ນແມ່ນດອກໄມ້. ນັ້ນແມ່ນຄວາມປະທັບໃຈບໍ່ອາດຫລົງລືມໄດ້ຂອງນັກທ່ອງທ່ຽວແຕ່ລະຄົນເມື່ອໄປທ່ອງທ່ຽວ ເກາະ Penang.