(vovworld)- ໃນໄລຍະພຽງເຄິ່ງຕົ້ນປີ 2016 ເທົ່ານັ້ນໄດ້ມີຄົນລາວ ເກືອບ 200 ຄົນມາ ຮ່າໂນ້ຍ ກວດ ແລະ ປິ່ນປົວພະຍາດ. ຈຳນວນຄົນລາວມາກວດ ແລະ ປິ່ນປົວພະຍາດຢູ່ບັນດາແຂວງ ທາງພາກກາງ ຫວຽດນາມ ຍັງຫລາຍກວ່າອີກ ຍ້ອນສາຍເຫດດ້ານພູມສາດ. ເຂົາເຈົ້າລ້ວນແຕ່ມາຫວຽດນາມເອງຫລືໂດຍບັນດາຫ້ອງກວດພະຍາດພາກເອກະຊົນຂອງຫວຽດນາມ ແນະນຳ. ຄວາມມຸ້ງຫວັງຂອງປະຊາຊົນລາວຫລາຍຄົນແມ່ນໄດ້ມາກວດ ແລະ ປິ່ນປົວພະຍາດຢູ່ ຫວຽດນາມ, ແຕ່ບໍ່ປະຕິບັດໄດ້, ຍ້ອນປະສົບກັບຄວາມຫຍຸ້ງຍາກດ້ານພາສາ ແລະ ການເງິນ, ໂດຍກຳໄດ້ສະພາບຕົວຈິງນີ້, ບໍລິສັດທ່ອງທ່ຽວ ແລະ ການຄ້າ ແມ່ຂອງ ຫວຽດນາມ - ລາວ ໄດ້ຮັບການສ້າງຕັ້ງຂຶ້ນເພື່ອນຳເອົາການບໍລິການກວດ ແລະ ປິ່ນປົວພະຍາດມາໃຫ້ປະຊາຊົນລາວ ອ້າຍນ້ອງ.
|
ພິທີເຊັນບົດບັນທຶກຊ່ວຍຈຳລາຍການກຸສົນ "ສະບາຍດີ ວຽງຈັນ"
|
ເມື່ອພົບປະກັບເອື້ອຍລານ ໃນຮ້ານກາເຟໜຶ່ງ ຢູ່ ຮ່າໂນ້ຍ, ເຖິງວ່າມີອາຍຸພຽງ 30 ປີ ແລະ ເອື້ອຍລານໄດ້ມີປະສົບການໃນຂົງເຂດການຢາເປັນເວລາ 10 ປີ ແລ້ວ, ປະຈຸບັນລາວເປັນຜູ້ອຳນວຍການບໍລິສັດທ່ອງທ່ຽວ ແລະ ການຄ້າ ແມ່ຂອງ ຫວຽດ - ລາວ. ເຊິ່ງແມ່ນບໍລິສັດທຳອິດ, ທັງແມ່ນບໍລິສັດຫນຶ່ງດຽວທີ່ເຮັດການບໍລິການສົ່ງຄົນລາວ ມາກວດ ແລະ ປິ່ນປົວພະຍາດຢູ່ບັນດາໂຮງໝໍມີອິດທິພົນຊື່ສຽງຢູ່ຫວຽດນາມ. ເອື້ອຍລານໄດ້ຮຽນຈົບມະຫາວິທະຍາໄລແພດສາດແລະການຢາ ເຫ້ວ ແລ້ວ. ກ່ອນທີ່ຈະສ້າງຕັ້ງບໍລິສັດແມ່ຂອງ ຫວຽດນາມ - ລາວ, ເອື້ອຍເຄີຍເປັນພະນັກງານວິຊາການໃຫ້ບໍລິສັດນຳເຂົ້າສົ່ງອອກຢຸກຢາຂອງຕ່າງປະເທດ ດ້ວຍເງິນເດືອນນັບພັນໂດລາສະຫະລັດ, ແຕ່ເອື້ອຍບໍ່ເຮັດອີກ ຍ້ອນບໍ່ຢາກເປັນຄົນຮັບຈ້າງ. ສິ່ງພິເສດ ນັ້ນແມ່ນ, ກ່ອນທີ່ສ້າງຕັ້ງບໍລິສັດ ກ່ອນນີ້ 7 ເດືອນ, ເອື້ອຍ ລານ ບໍ່ທັນຮູ້ຫຼາຍກ່ຽວກັບປະເທດລາວ.
“ມີເທື່ອຫນຶ່ງ, ເມື່ອໂອ້ລົມກັບເພື່ອນລາວຜູ້ຫນຶ່ງ ແລະ ເພື່ອນຫວຽດຜູ້ຫນຶ່ງທີ່ພວມປະຕິບັດງານຢູ່ລາວ. ຂ້າພະເຈົ້າກໍ່ຮູ້ວ່າ: ມີຊາວລາວຫລາຍຄົນຢາກມາກວດ ແລະ ປິ່ນປົວພະຍາດຢູ່ຫວຽດນາມ ແຕ່ບໍ່ມີຄົນຊ່ວຍພາໄປ. ໃນທັນທີນັ້ນ, ຂ້າພະເຈົ້າກໍ່ຄິດເຖິງເລື່ອງສ້າງຕັ້ງບໍລິສັດ, ເພາະວ່າ ນີ້ແມ່ນວິຊາສະເພາະຂອງຕົນ.”
ເອື້ອຍລານໃຫ້ຮູ້ວ່າ: ໃນໄລຍະທຳອິດທີ່ເຮັດການບໍລິການ, ເອື້ອຍລານ ບໍ່ຄິດເຖິງເລື່ອງສ້າງກຳໄລໃຫ້ຫຼາຍ, ຫາກພຽງແຕ່ຢາກສ້າງອິດທິພົນຊື່ສຽງໃຫ້ແກ່ບໍລິສັດເທົ່ານັ້ນ. ປະຈຸບັນ, ເງິນທີ່ເບີກຈ່າຍໃຫ້ແກ່ການເຄື່ອນໄຫວທັງໝົດຂອງບໍລິສັດແມ່ນມາຈາກລາຍຮັບໃນການດຳເນີນທຸລະກິດການຢາຂອງເອື້ອຍ. ແມ່ຂອງ ຫວຽດນາມ - ລາວ ໄດ້ລົງນາມໃນຂໍ້ຕົກລົງຮ່ວມມືກັບບັນດາໂຮງໝໍໃຫຍ່ຢູ່ພາກເຫນືອຄື: ໂຮງໝໍແບກມາຍ, ໂຮງໝໍກອງທັບ 108, ໂຮງໝໍຮ່າແທ່ງ, ໂຮງໝໍມະເຮັງຄໍໜຽງ ຮຶງຫວຽດ ເພື່ອໃຫ້ຄົນເຈັບເມື່ອມາກວດ ແລະ ປິ່ນປົວພະຍາດ ຈະໄດ້ຮັບການກໍລິການດີທີ່ສຸດ. ອ້າຍ ຫງວຽນດຶກວັນ, ຫົວໜ້າຫ້ອງບຸກຄະລາກອນ ໂຮງໝໍ ມະເຮັງຄໍໜຽງ ຮຶງຫວຽດ, ແຫ່ງທີ່ໄດ້ຮັບຄົນເຈັບລາວມາກວດ ແລະ ປິ່ນປົວພະຍາດ 2 ຄັ້ງ, ໂດຍ ແມ່ຂອງ ຫວຽດ - ລາວສະເໜີ, ໃຫ້ຮູ້ວ່າ:
“ພວກຂ້າພະເຈົ້າ ແລະ ບໍລິສັດ ແມ່ຂອງ ຫວຽດ - ລາວ ໄດ້ມີຂໍ້ຕົກລົງເຜີຍແຜ່ຄວາມຮູ້ກ່ຽວກັບການສົ່ງເສີມສຸຂະພາບໃຫ້ແກ່ປະຊາຊົນ ລາວ. ໃນນັ້ນພວກເຮົາຈະຮັບເອົາຄົນເຈັບໂດຍບໍລິສັດ ແມ່ຂອງ ຫວຽດ - ລາວ ສະເໜີ ແລະ ຈະສະໜອງເງື່ອນໄຂດີທີ່ສຸດໃຫ້ແກ່ເຂົາເຈົ້າ. ພວກຂ້າພະເຈົ້າຈະເກັບຄ່າກວດ ແລະ ປິ່ນປົວພະຍາດໃຫ້ຄົນລາວຄືດັ່ງຄົນ ຫວຽດນາມ. ນອກນັ້ນ, ໂດຍອີງໃສ່ເງື່ອນໄຂຕົວຈິງຂອງຄົນເຈັບ, ພວກຂ້າພະເຈົ້າຈະຫຼຸດຄ່າກວດ ແລະ ປິ່ນປົວພະຍາດລົງແຕ່ 10 – 20%. ທາງໂຮງໝໍຍັງສົມທົບກັບບໍລິສັດ ແມ່ຂອງ ຫວຽດ - ລາວ ແລະ ສະໂມສອນ ”ທ່ານໝໍບັນດາເພື່ອນມິດ” ຈັດຕັ້ງການກວດ ແລະ ປິ່ນປົວພະຍາດໂດຍບໍ່ເສຍຄ່າໃຫ້ນັກຮົບເກົ່າລາວ 350 ຄົນໃນເດືອນ 12/2016 ຜ່ານມາອີກ”.
ຄະນະທ່ານໝໍ ແລະ ພະນັກງານ ບໍລິສັດ ໄປກວດ ແລະ ປິນປົວພະຍາດໂດຍບໍ່ເສຍຄ່າຢູ່ລາວ
|
ປະຈຸບັນ, ບໍລິສັດ ແມ່ຂອງ ຫວຽດ - ລາວ ມີສຳນັກງານຕັ້ງຢູ່ ວຽງຈັນ ແລະ ຮ່າໂນ້ຍ, ເຖິງວ່າມີພາລະກອນພຽງ 5 ຄົນເທົ່ານັ້ນ, ແຕ່ທາງບໍລິສັດຍັງມີຜູ້ຮ່ວມງານກວ່າ 10 ຄົນອີກ. ຖ້າຄົນເຈັບມີຄວາມຕ້ອງການກວດ ແລະ ປິ່ນປົວພະຍາດ ຈະຕິດຕໍ່ກັບບໍລິສັດ ແມ່ຂອງ ຫວຽດ - ລາວ ຢູ່ລາວ, ພາລະກອນຢູ່ທີ່ນີ້ຈະຮັບເອົາຂໍ້ມູນກ່ຽວກັບຄວາມຕ້ອງການຂອງຄົນເຈັບ, ແລະ ອີງຕາມພະຍາດຈະຈັດໃຫ້ເຂົາເຈົ້າປິ່ນປົວຢູ່ໂຮງໝໍທີ່ເໝາະສົມ. ເມື່ອຄົນເຈັບ ລາວ ມາ ຫວຽດນາມ, ບັນດາຜູ້ຮ່ວມງານຂອງບໍລິສັດຈະຮັບຜິດຊອບພາຄົນເຈັບໄປໂຮງໝໍ, ທັງເປັນຜູ້ແປພາສາໃຫ້ເຂົາເຈົ້າເລີຍ. ອ້າຍ ຄຳໄຊ, ຢູ່ນະຄອນຫຼວງ ວຽງຈັນ ມີຄວາມເພິ່ງພໍໃຈເມື່ອມາກວດພະຍາດສັງລວມຢູ່ໂຮງໝໍມະເຮັງຄໍໜັງຮຶງຫວຽດ, ແລະ ໄດ້ຮັບການບໍລິການ, ການໜູນຊ່ວຍດີທີ່ສຸດ, ດ້ວຍຄ່າທັງໝົດແມ່ນ 6,5 ລ້ານດົ່ງ.
ເທບສຽງ ຄຳໄຊ
ໃນເດືອນ 2 ນີ້, ເອື້ອຍ ລານ ຈະໄປເຮັດວຽກກັບຝ່າຍ ລາວ ເພື່ອຈັດຕັ້ງຊຸດແລກປ່ຽນບົດຮຽນລະຫວ່າງທ່ານໝໍ ຫວຽດນາມ ແລະ ທ່ານໝໍ ລາວ. ຫວັງວ່າແຜນການຂອງບໍລິສດ ແມ່ຂອງ ຫວຽດ - ລາວ ຈະປະສົບຜົນສຳເລັດ ແລະ ບໍລິສັດຈະເປັນຂົວຕໍ່ນຳມາເຊິ່ງການບໍລິການກວດ ແລະ ປິ່ນປົວພະຍາດດີທີ່ສຸດໃຫ້ບັນດາຄົນເຈັບລາວ ທີ່ມີຄວາມຕ້ອງການມາກວດ ແລະ ປິ່ນປົວພະຍາດຢູ່ ຫວຽດນາມ.