ໃນອາທິດຜ່ານມາ, ພາກພາສາລາວ, ວິທະຍຸກະຈາຍສຽງ ຫວຽດນາມ ໄດ້ຮັບ ອີແມວ, ຈົດໝາຍຫຼາຍສະບັບ ແລະ ໂທລະສັບຈາກທ່ານຜູ້ຟັງລາວ. ໃນຈົດໝາຍທ່ານຜູ້ຟັງ, ຜູ້ອ່ານໄດ້ຖາມກ່ຽວກັບຫຼາຍບັນຫາ. ໃນລາຍການ “ໂອ້ລົມກັນເພື່ອນລາວ” ພາກນີ້ ພວກເຮົາຂໍຕອບບາງຄຳຖາມເຊິ່ງທ່ານຜູ້ຟັງ, ຜູ້ອ່ານສົນໃຈ.
ນາງ ເພັດສະໝອນ, ຢູ່ແຂວງຄຳມ່ວນ ໄດ້ຝາກ ອີແມວ ມາຍັງລາຍການດ້ວຍເນື້ອໃນທີ່ວ່າ: ຂ້າພະເຈົ້າເຄີຍອ່ານຂ່າວຜ່ານແວບໄຊ vovworld.vn ແລະ ຢູ່ໃນບາງຂ່າວມີແຖວໜັງສືວ່າ: “ນັກຂ່າວ A, ນັກຂ່າວ VOV ປະຈຳ B”. ສິ່ງດັ່ງກ່າວມີຄວາມໝາຍວ່າ: ນອກຈາກມີບັນດາອົງການປະຈຳຢູ່ພາຍໃນປະເທດແລ້ວ, ວິທະຍຸກະຈາຍສຽງ ຫວຽດນາມ ຍັງມີບັນດາອົງການປະຈຳການຢູ່ຕ່າງປະເທດອີກແມ່ນບໍ່? ນອກຈາກນັ້ນ ຂ້າພະເຈົ້າຢາກຖາມວ່າ, ເມື່ອນັກຂ່າວໄປປະຈຳຢູ່ບັນດາອົງການຕາງໜ້ານັ້ນ ຕ້ອງການຮູ້ພາສາຂອງປະເທດປະຈຳຖິ່ນບໍ່? ບັນດານັກຂ່າວນັ້ນເຮັດວຽກງານໃດແດ່?
ນາງ ເພັດສະໝອນ ທີ່ເຄົາລົບ, ປະຈຸບັນ, ວິທະຍຸກະຈາຍສຽງ ຫວຽດນາມ ມີ 9 ອົງການປະຈຳຢູ່ຕ່າງປະເທດຄື: ອົງການປະຈຳ ປາຣີ, ປະເທດຝຣັ່ງ; ອົງການປະຈຳ ມົດສກູ, ປະເທດ ລັດເຊຍ; ອົງການປະຈຳ ປັກກິ່ງ, ປະເທດ ຈີນ; ອົງການປະຈຳ ກາຍໂຣ, ປະເທດ ອີຢິບ; ອົງການປະຈຳ ໂຕກຽວ, ປະເທດຍີ່ປຸ່ນ; ອົງການປະຈຳ ວໍຊິງຕັນ, ສະຫະລັດ ອາເມລິກາ; ອົງການປະຈຳ ບາງກອກ, ປະເທດໄທ; ອົງການປະຈຳ ພະນົມເປັນ, ປະເທດ ກຳປູເຈຍ; ອົງການປະຈຳນະຄອນຫຼວງ ວຽງຈັນ, ປະເທດ ລາວ. ໃນປີ 2015 ນີ້, ວິທະຍຸກະຈາຍສຽງ ຫວຽດນາມຈະເປີດອົງການປະຈຳຢູ່ ສ.ເຊັກ. ພວກຂ້າພະເຈົ້າຈະໃຫ້ບຸລິມະສິດແກ່ບັນດານັກຂ່າວຮູ້ພາສາປະຈຳຖິ່ນ ເພື່ອໃຫ້ວຽກງານໄດ້ຮັບການປະຕິບັດຢ່າງສະດວກສະບາຍກ່ວາ, ຖ້າຫາກນັກຂ່າວບໍ່ຮູ້ພາສາປະເທດປະຈຳຖິ່ນ, ວິທະຍຸກະຈາຍສຽງ ຫວຽດນາມ ຈະສົ່ງບັນດານັກຂ່າວຮູ້ພາສາ ອັງກິດ ດີໄປປະຈຳ.
ເນື່ອງໃນໂອກາດນີ້, ພາກພາສາລາວ ກໍ່ແນະນຳບາງຢ່າງກ່ຽວກັບຫົວໜ້າອົງການປະຈຳຂອງ VOV ຢູ່ລາວ. ປະຈຸບັນ, ເອື້ອຍ ຈູມີ້ບີ່ງ, ເຊິ່ງເປັນນັກຂ່າວ, ບັນນາທິການ, ໂຄສົກຜູ້ທີ່ລື້ງເຄີຍກັບທ່ານຜູ້ຟັງຂອງພາກພາສາລາວ. ລາວໄດ້ຮັບໜ້າທີ່ໃໝ່ນີ້ນັບແຕ່ຕົ້ນປີ 2015. ເອື້ອຍ ບີ່ງ, ຫົວໜ້າອົງການປະຈຳ VOV ຢູ່ ວຽງຈັນໃຫ້ຮູ້ວ່າ:
“ໃນທ່າອ່ຽງສື່ມວນຊົນຫຼາຍຮູບແບບຄືປະຈຸບັນນີ້, ວິທະຍຸກະຈາຍສຽງ ຫວຽດນາມ ແມ່ນອົງການມີທັງ 4 ຮູບແບບສື່ມວນຊົນຄື: ໜັງສືພິມ, ໂທລະພາບ, ວິທະຍຸກະຈາຍສຽງ ແລະ ສື່ເອເລັກໂຕນິກ. ຍ້ອນພາລະໜ້າທີ່ກ່ອນນີ້ ພຽງແຕ່ແມ່ນບັນນາທິການ, ໂຄສົກຂອງພາກພາສາລາວ ດັ່ງນັ້ນກ່ອນທີ່ໄປປະຈຳຢູ່ ລາວນັ້ນ, ຂ້າພະເຈົ້າໄດ້ເຂົ້າຮ່ວມຊຸດຝຶກອົບຮົມລະດັບສູງ ໃນນັ້ນສຸມໃສ່ເຂົ້າໃນວຽກງານບຳລຸງສ້າງການຖ່າຍທຳ video ເພື່ອຮັບໃຊ້ຊ່ອງໂທລະພາບຂອງ VOV”
ເອື້ອຍ ບີ່ງໃຫ້ຮູ້ຕື່ມກ່ຽວກັບວຽກງານຕົ້ນຕໍເຊິ່ງບັນດາອົງການປະຈຳຕ້ອງເຮັດແມ່ນ:
“ພວກຂ້າພະເຈົ້າຕ້ອງອັບເດັດທຸກໆຂໍ້ມູນຂ່າວສານກ່ຽວກັບດ້ານເສດຖະກິດ, ການເມືອງ, ສັງຄົມ… ຢູ່ປະເທດປະຈຳຖິ່ນ ເພື່ອໃຫ້ຜູ້ຟັງ, ຜູ້ອ່ານເຂົ້າໃຈລະອຽດກ່ວາກ່ຽວກັບປະເທດຊາດ ແລະ ຊາວ ລາວ. ນອກຈາກນັ້ນ, ພວກຂ້າພະເຈົ້າກໍ່ຕ້ອງສຸມໃສ່ ການພົວພັນ ຫວຽດນາມ - ລາວ, ການຢ້ຽມຢາມທຸກຂັ້ນລະຫວ່າງບັນດາກະຊວງ, ຂະແໜງການ, ທ້ອງຖິ່ນຕ່າງໆ. ແລະ ໃນນັ້ນກໍ່ຕ້ອງມີຂໍ້ມູນຂ່າວສານກ່ຽວກັບການເຄື່ອນໄຫວຂອງປະຊາຄົມຊາວ ຫວຽດນາມ ຢູ່ ລາວ.”
ຫວັງວ່າ, ຜ່ານບັນດາຂໍ້ມູນຂ່າວສານດັ່ງກ່າວ, ນາງ ເພັດສະໝອນ ແລະ ທ່ານຜູ້ຟັງ, ຜູ້ອ່ານສາມາດເຂົ້າໃຈກ່ຽວກັບວຽກງານຂອງບັນດາອົງການປະຈຳຂອງ VOV ຢູ່ຕ່າງປະເທດກ່ວາອີກ.
ກອງປະຊຸມຄັ້ງທີ 37 ຄະນະກຳຍາທິການລະຫວ່າງລັດຖະບານ ຫວຽດນາມ - ລາວ
|
ທ່ານ ວັນທາ ວິໄລວອນ, ແຂວງ ຊຽງແຂວງ ໄດ້ໂທລະສັບຫາລາຍການໂດຍຖາມວ່າ: ຂ້າພະເຈົ້າໄດ້ຮູ້ວ່າ: ອາທິດຜ່ານມາໄດ້ຈັດຕັ້ງກອງປະຊຸມຄັ້ງທີ 37 ຄະນະກຳມາທິການລະຫວ່າງລັດຖະບານ ຫວຽດນາມ - ລາວ. ຍ້ອນວ່າໄດ້ໄປປະຕິບັດງານຢູ່ແດນໄກດັ່ງນັ້ນຂ້າພະເຈົ້າບໍ່ຮູ້ເນື້ອໃນລະອຽດຂອງກອງປະຊຸມສຳຄັນນີ້. ຜ່ານລາຍການຂ້າພະເຈົ້າຢາກຮູ້ເນື້ອໃນຕົ້ນຕໍຂອງກອງປະຊຸມດັ່ງກ່າວໄດ້ບໍ?
ຄະນະກຳມາທິການລະຫວ່າງລັດຖະບານ ຫວຽດນາມ - ລາວ ຈັດຕັ້ງກອງປະຊຸມຄັ້ງທີ 37 ໃນວັນທີ 21/1 ຜ່ານມາ, ທີ່ກອງປະຊຸມຄັ້ງນີ້, 2 ຝ່າຍໄດ້ເຫັນດີເປັນເອກະສັນປ່ຽນຊື່ຄະນະກຳມະການຮ່ວມມື ຫວຽດນາມ - ລາວ, ລາວ - ຫວຽດນາມເປັນຄະນະກຳມມາທິການລະຫວ່າງລັດຖະບານກ່ຽວກັບການຮ່ວມມື 2 ຝ່າຍ. ສອງຝ່າຍໄດ້ເຊັນສັນຍາກ່ຽວກັບການຮ່ວມມື 2 ຝ່າຍລະຫວ່າງລັດຖະບານ ສສ. ຫວຽດນາມ ແລະ ລັດຖະບານ ສປປ ລາວ ໃນປີ 2015. ຕາມສັນຍາແລ້ວ, 2 ຝ່າຍສຸມໃສ່ຜັນຂະຫຍາຍປະຕິບັດເນື້ອໃນບັນດາຖະແຫຼງການຮ່ວມ ແລະ ຂໍ້ຕົກລົງຂັ້ນສູງທີ່ໄດ້ລົງນາມແລ້ວເປັນຢ່າງດີ, ສືບຕໍ່ໂຄສະນາເຜີຍແຜ່, ສຶກສາກ່ຽວກັບການພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ - ລາວ, ລາວ - ຫວຽດນາມ, ຍູ້ແຮງວຽກງານນຳຜະລິດຕະພັນຂອງກິດຈະກຳປະຫວັດສາດການພົວພັນແບບພິເສດລະຫວ່າງ 2 ປະເທດເຂົ້າຫຼັກສູດການສອນຢູ່ໂຮງຮຽນແຫ່ງຕ່າງໆຂອງ 2 ປະເທດ, ສ້າງເງື່ອນໄຂສະດວກໃຫ້ແກ່ບັນດານັກລົງທຶນໃນການແກ້ໄຂບັນດາລະບຽບການນິຕິກຳ, ບໍລິຫານກ່ຽວກັບການສະໜອງການລົງທຶນ ແລະ ໃບຢັ້ງຢືນນຳໃຊ້ທີ່ດິນໂດຍໄວ. ກ່ຽວກັບດ້ານການຄ້າ, 2 ຝ່າຍສືບຕໍ່ຜັນຂະຫຍາຍຢ່າງຄົບຊຸດ, ມີປະສິດທິຜົນແຜນຮ່າງພັດທະນາການຄ້າລະຫວ່າງ 2 ປະເທດ, ຊອກຫາບັນດາມາດຕະການຈຳເປັນ, ສູ້ຊົນຍົກລະດັບເຕີບໂຕການນຳເຂົ້າ - ສົ່ງອອກລະຫວ່າງ 2 ປະເທດເພິ່ມຂຶ້ນ 40% ໃນປີ 2015. ກ່ຽວກັບການສຶກສາ ແລະ ບຳລຸງສ້າງ, 2 ຝ່າຍສືບຕໍ່ສະຫງວນທຶນສຶກສາໃຫ້ພະນັກງານ, ນັກຮຽນ ແລະ ນັກສຶກສາ 2 ຝ່າຍໄປຮ່ຳຮຽນຢູ່ແຕ່ລະປະເທດ. ກໍ່ທີ່ກອງປະຊຸມຄັ້ງນີ້, ໂດຍຕາງໜ້າໃຫ້ລັດຖະບານ ຫວຽດນາມ, ທ່ານຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ ໄດ້ມອບໃບຢັ້ງຢືນລົງທຶນໂຄງການສຳຫຼວດ, ຂຸດຄົ້ນຊືນ, ກົ່ວ ແລະ ຊັບພະຍາກອນໂລຫະປະເພດຕ່າງໆໃຫ້ບໍລິສັດຫຸ້ນສ່ວນອຸດສາຫະກຳລາວ.
ລາຍການໂອ້ລົມກັບເພື່ອນລາວຂອງພວກເຮົາຂໍ້ສິ້ນສຸດລົງພຽງເທົ່ານີ້. ຖ້າຫາກຜູ້ໃດມີຄວາມສົນໃຈ ແລະ ຢາກປະກອບຄຳເຫັນໃຫ້ລາຍການກະລຸນາສົ່ງຈົດໝາຍມາຍັງລາຍການໂດຍຈ່າໜ້າຊອງວ່າ: ວິທະຍຸກະຈາຍສຽງຫວຽດນາມ-ພາກພາສາລາວ-ເຮືອນເລກທີ 45 ຖະໜົນບາຈ້ຽວ-ຮ່າໂນ້ຍ ຫຼືໂທລະສັບມາໂດຍກົງຕາມເບີໂທ: 0084.43.8256631, ອີແມວ: Laovov@yahoo.com ຫຼື laovov5@gmail.com. ພວກເຮົາຍິນດີຕ້ອນຮັບ ແລະ ພ້ອມແລ້ວຈະຕອບຄຳຖາມຂອງທ່ານທຸກປະການ. ຂໍຂອບໃຈທ່ານທີ່ໄດ້ຕິດຕາມຮັບຟັງ ແລະ ຊົມລາຍການຂອງພວກເຮົາ.