ໃນອາທິດຜ່ານມາ, ລະບົບກະຈາຍສຽງພາກພາສາຕ່າງປະເທດແຫ່ງຊາດ, ວິທະຍຸກະຈາຍສຽງ ຫວຽດນາມ ໄດ້ຮັບໂທລະສັບ, ອີແມວ, ຈົດໝາຍ 165 ສະບັບຈາກຜູ້ຟັງຢູ່ຫລາຍປະເທດໃນໂລກ ຝາກມາ. ໃນນັ້ນ, ລາຍການກະຈາຍສຽງພາກພາສາລາວ ໄດ້ຮັບໂທລະສັບ, ອີແມວ, ຈົດໝາຍ 7 ສະບັບຈາກຜູ້ຟັງລາວ. ໃນລາຍການ “ໂອ້ລົມກັບເພື່ອນລາວ” ມື້ນີ້, ພວກເຮົາຂໍຄັດສະເໜີບາງເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ. ເຊີນທ່ານຕິດຕາມຮັບຟັງ.
(ພາບປະກອບ)
*****
ໃນຈົດໝາຍຝາກມາລາຍການ, ເພື່ອນ ຈັນດອນ, ແຂວງບໍ່ແກ້ວ ຂຽນວ່າ: “ຫວ່າງແລ້ວນີ້ຂ້າພະເຈົ້າໄດ້ອ່ານຫຼາຍບົດ ກ່ຽວກັບບັນດາສະຖານທີ່ທ່ອງທ່ຽວຢູ່ປະເທດຈຳນວນໜຶ່ງໃນອາຊຽນ ທາງເວັບໄຊ vovworld, ຂ້າພະເຈົ້າເຫັນວ່າບັນດາບົດຂຽນນີ້ທັງມ່ວນ ແລະ ມີປະໂຫຍດຫຼາຍ ໃຫ້ແກ່ຜູ້ນິຍົມທ່ອງທ່ຽວ ແລະ ຄົ້ນຫາຄືຂ້າພະເຈົ້າ. ບົດຂຽນເຫຼົ່ານັ້ນໄດ້ພັນລະນາຢ່າງລະອຽດບັນດາສະຖານທີ່ທ່ອງທ່ຽວທີ່ລືຊື່. ເມື່ອອ່ານບົດຂຽນດັ່ງກ່າວແລ້ວ, ຂ້າພະເຈົ້າກໍ່ຢາກໄປຢ້ຽມຢາມສະຖານທີ່ເຫຼົ່ານັ້ນໃນທັນທີ. ຂໍຂອບໃຈພວກເພື່ອນໄດ້ມີບັນດາບົດຂຽນທີ່ມ່ວນໆເພື່ອແນະນຳໃຫ້ແກ່ທ່ານຜູ້ຟັງ”
*****
ເພື່ອນ ວິຊາຕີ ແຂວງ ຫລວງນ້ຳທ່າ ສົ່ງຈົດໝາຍມາຍັງລາຍການດ້ວຍເນື້ອໃນວ່າ: “ໃນລະດູໃບໄມ້ຫຼົ່ນປະຫວັດສາດ, ກ່ອນນີ້ 71 ປີ, ຫວຽດນາມ ໄດ້ທັບມ້າງແອກປົກຄອງຂອງລ່າເມືອງຂຶ້ນ ຝະລັ່ງ ທີ່ແກ່ຍາວມາເປັນເວລາເກືອບໜຶ່ງສັດຕະວັດຢູ່ ຫວຽດນາມ, ສະຖາປະນາປະເທດ ສາທາລະນະລັດ ປະຊາທິປະໄຕ ຫວຽດນາມ. ໂດຍຜ່ານທາງລາຍການ, ຂ້າພະເຈົ້າຢາກໄດ້ຮບແນະນຳຕື່ມອີກ ກ່ຽວກັບຄວາມໝາຍປະຫວັດສາດຂອງການປະຕິວັດເດືອນ 8/1945. ”
ເພື່ອນ ວິຊາຕີ ທີ່ຮັກແພງ! ດ້ວຍໄຊຊະນະຂອງການປະຕິວັດເດືອນສິງຫາປີ 1945, ປະຊາຊົນ ຫວຽດນາມ ໄດ້ທັບມ້າງແອກປົກຄອງຂອງລ່າເມືອງຂຶ້ນ ຝະລັ່ງທີ່ແກ່ຍາວມາເປັນເວລາເກືອບໜຶ່ງສັດຕະວັດຢູ່ ຫວຽດນາມ, ສະຖາປະນາປະເທດສາທາລະນະລັດ ປະຊາທິປະໄຕ ຫວຽດນາມ. ພັກກອມມູນິດ ຫວຽດນາມ ຈາກພັກໜຶ່ງທີ່ມີການເຄື່ອນໄຫວບໍ່ຖືກຕ້ອງຕາມກົດໝາຍ ໄດ້ກາຍເປັນພັກຊີ້ນຳນຳພາອຳນາດການປົກຄອງໃນທົ່ວປະເທດ ແລະ ເຄື່ອນໄຫວຢ່າງເປີດເຜີຍ. ການປະຕິວັດເດືອນສິງຫາ ປີ 1945 ປະສົບຜົນສຳເລັດ ໄດ້ເປີດຊ່ອງທາງ ນຳເອົາປະຊາຊົນ ຫວຽດນາມ ກ້າວເຂົ້າສູ່ສັກກະລາດໃໝ່, ສັກກະລາດແຫ່ງເອກະລາດ, ເສລີພາບ ແລະ ລັດທິສັງຄົມ. ດ້ວຍຄວາມໝາຍນັ້ນ, ການປະຕິວັດເດືອນສິງຫາ ສຳເລັດຜົນຢ່າງຈົບງາມ ລັດແບບໃໝ່ໄດ້ຮັບການສ້າງຕັ້ງ ເປີດສາກໃຫ້ແກ່ໄຊຊະນະຄັ້ງຕ່າງໆຂອງການປະຕິວັດ ຫວຽດນາມ. ເປັນຄັ້ງທຳອິດໃນປະຫວັດສາດ, ປະຊາຊົນ ຫວຽດນາມ ຈາກຂ້ອຍຂ້າໄດ້ກາຍເປັນເຈົ້າຂອງປະເທດຊາດ, ເປັນເຈົ້າຊາຕາກຳຂອງຕົນ.
*****
ເພື່ອນ ປານູສອນ ແຂວງ ສະຫວັນນະເຂດ ແລະ ເພື່ອນ ວິໄລສະຫວັນ ຢູ່ນະຄອນຫລວງ ວຽງຈັນ ສົ່ງຈົດໝາຍມາລາຍການດ້ວຍເນື້ອໃນວ່າ: “ໂດຍເປັນຄົນນິຍົມກິລາ, ເຖິງວ່າຈະຄາວຽກຫລາຍ ແຕ່ຂ້າພະເຈົ້າຍັງສະຫງວນເວລາເພື່ອຕິດຕາມງານມະຫາກຳກິລາຕ່າງໆ, ພິເສດແມ່ນງານມະຫາກຳກິລາ Olympic 2016. ຂ້າພະເຈົ້າ ມີຄວາມເບີກບານມ່ວນຊື່ນ ແລະ ກໍ່ຮູ້ສຶກເອກອ້າງທະນົງໃຈ ເມື່ອເຫັນວ່ານັກກິລາຍິງປືນ ຮ່ວາງຊວນວີງ ຂອງຫວຽດນາມ ໄດ້ຮັບຜົນງານສູງສຸດໃນກິລາປະເພດຍິງປືນ. ຜ່ານລາຍການຂ້າພະເຈົ້າຢາກຮູ້ຕື່ມບັນດາຜົນງານເຊິ່ງນັກກິລາ ຊວນວິງ ເຄີຍໄດ້ຮັບໃນງານມະຫາກຳກິລາຕ່າງໆຢູ່ ຫວຽດນາມ ກໍ່ຄີຢູ່ຕ່າງປະເທດ. ຂໍຂອບໃຈ”
ນັກກິລາຍິງປືນ ຫວຽດນາມ ຮ່ວາງຊວນວິງ (ພາບ: VTC)
ເພື່ອນ ປານູສອນ ແລະ ເພື່ອນ ວິໄລສະຫວັນ ທີ່ຮັກແພງ ! ນັກກິລາຍິງປືນ ຫວຽດນາມ ເກີດປີ 1974 ຢູ່ເມືອງ ເຊີນໄຕ, ຮ່າໂນ້ຍ. ໃນງານມະຫາກຳກິລາ SEA Games ແຕ່ຄັ້ງທີ 21 ເຖິງ ຄັ້ງທີ 26, ຮ່ວາງຊວນວິງລ້ວນແຕ່ໄດ້ຮັບຫຼຽນຕ່າງໆ, ເຊັ່ນໃນງານມະຫາກຳກິລາລະດູແລ້ງ ປີ 2012 ຈັດຕັ້ງຢູ່ ລອນດອນ, ອັງກິດ ລາວຖືກຈັດອັນດັບທີ 9 ໃນການແຂ່ງຂັນຍິງປືນສັ້ນອັດລົມໄລຍະ 10ມ ສຳລັບເພດຊາຍ. ຫລັງຈາກນັ້ນ, ທ້າຍປີ 2012 ລາວໄດ້ຮັບຊະນະເລີດອາຊີໃນການແຂ່ງຂັນຍິງປືນສັ້ນອັດລົມ ໄລຍະ 10ມ ສຳລັບເພດຊາຍ. ຮອດຕົ້ນປີ 2013 ລາວໄດ້ຮັບຊະນະເລີດໂລກ ໃນການແຂ່ງຂັນປືນສັ້ນອັດລົມໄລຍະ 10ມ ສຳລັບເພດຊາຍ. ທີ່ງານມະຫາກຳກິລາລະດູແລ້ງ ປີ 2016 ຈັດຕັ້ງຢູ່ Rio de Janeiro, ບຣາຊີນ ຮ່ວາງຊວນວິງຄ້ວາໄດ້ຫຼຽນຄຳ 1 ຫຼຽນ ເຊິ່ງແມ່ນຫຼຽນຄຳທຳອິດຂອງຄະນະນັກກິລາ ຫວຽດນາມ ດ້ວຍການແຂ່ງຂັນຍີງປືນສັ້ນອັດລົມ ໄລຍະ 10ມ ສຳລັບຜູ້ຊາຍ, ພາຍຫລັງເອົາຊະນະ Felipe Almeida Wu ນັກກິລາປະເທດເຈົ້າພາບ ບຣາຊີນ. ດ້ວຍຜົນງານ 202,5 ຄະແນນ ລາວໄດ້ທຳລາຍສະຖິຕິ Olympic ໃນກິລາປະເພດຍິງປືນສັ້ນອັດລົມໄລຍະ 10ມ ສຳລັບຜູ້ຊາຍ. ຜົນງານນີ້ຂອງ ຮ່ວາງຊວນວີງ ມີຄວາມໝາຍປະຫວັດສາດສຳລັບຂະແໜງກິລາ ຫວຽດນາມ. ພາຍຫຼັງໄດ້ຮັບຫຼຽນຄຳນີ້, ວັນທີ 10/08 ຮ່ວາງຊວນວີງ ສືບຕໍ່ຄວ້າໄດ້ຫຼຽນເງິນ ໃນການຍິງປືນສັ້ນອັດລົມໄລຍະ 50ມ ສຳລັບເພດຊາຍ, ດ້ວຍ 191,3 ຄະແນນ.
*****
ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນ ແລະ ຄຳຖາມຂອງຜູ້ຟັງບາງທ່ານທີ່ຝາກມາລາຍການ ໃນອາທິດຜ່ານມາ. ຖ້າຫາກ ຜູ້ຟັງ, ຜູ້ອ່ານທ່ານໃດ ມີຄວາມສົນໃຈຕໍ່ບັນຫາໃດໜຶ່ງ, ກໍ່ສາມາດຝາກຈົດໝາຍມາຍັງລາຍການຂອງພວກເຮົາໄດ້ເລີຍ ໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼື ໂທລະສັບມາໂດຍກົງກໍ່ໄດ້ ຕາມເບີໂທ 0084.438.256.631 ຫຼື ອີແມວ laovov5@gmail.com. ທ່ານຜູ້ຟັງກໍ່ສາມາດ Comment ໃນເວັບໄຊ vovworld.vn ຂອງພວກເຮົາ.