ເພື່ອນ ບຸນທານີ ອິນທະວົງ, ຢູ່ແຂວງຊຽງຂວາງ ໄດ້ສົ່ງອີແມວມາລາຍການໂດຍຖາມວ່າ: ສັບປະດາຜ່ານມາ, ລາຍການພາກພາສາລາວ, VOV ໄດ້ໃຫ້ຫຼາຍຂ່າວ ແລະ ບົດກ່ຽວກັບໄຊຊະນະດ້ຽນບຽນຝູ. ຂ້າພະເຈົ້າໄດ້ຮັບຟັງທາງວິທະຍຸ ແລະ ຢາກອ່ານຄືນບັນດາຂ່າວ ແລະ ບົດນັ້ນ, ຂໍໃຫ້ທາງວິທະຍຸແນະນຳວິທີເພື່ອອ່ານຄືນ.
ເພື່ອນ ບູນທານີ ອິນທະວົງທີ່ຮັກແພງ, ໃນສັບປະດາຜ່ານມາ, ເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນໄຊຊະນະດ້ຽນບຽນຝູ (07/05/1954 – 07/05/2014), ລາຍການພາກພາສາລາວ ໄດ້ໃຫ້ຫຼາຍຂ່າວ ແລະ ບົດກ່ຽວກັບໄຊຊະນະດ້ຽນບຽນຝູ. ຖ້າເພື່ອນຢາກອ່ານ ແລະ ຟັງຄືນບັນດາບົດຂຽນເຊິ່ງພວກເຮົາໄດ້ອອກອາກາດແລ້ວ, ເພື່ອນສາມາດເຂົ້າແວບໄຊ vovworld.vn ຫຼື vov5.vn, ຫຼັງຈາກນັ້ນເລືອກພາສາລາວ. ໃນໜ້າຫຼັກຂອງແວບໄຊພາສາລາວ ມີລາຍການ 60 ປີແຫ່ງໄຊຊະນະດ້ຽນບຽນຝູ, ເມື່ອເຂົ້າລາຍການນີ້ ຈະມີບັນດາຂ່າວ ແລະ ບົດທີ່ກ່ຽວຂ້ອງເຖິງໄຊຊະນະດ່ຽນບຽນຝູ. ພາຍຫຼັງອ່ານຄືນຂ່າວ, ບົດດັ່ງກ່າວແລ້ວ, ຖ້າຫາກມີຄຳເຫັນປະກອບ ເພື່ອນສາມາດປະກອບໂດຍກົງໃນບົດຂຽນ ຫຼື ໃຫ້ລາຍການຢູ່ບ່ອນຕອບກັບໃນທ້າຍແຕ່ລະບົດ.
ເພື່ອນບຸນມີ, ແຂວງ ບໍລິຄຳໄຊ, ໄດ້ສົ່ງອີແມວມາລາຍການໂດຍຖາມວ່າ: ຂ້າພະເຈົ້າໄດ້ຮັບຂ່າວວ່າ ຫວຽດນາມ ຈະຈັດຕັ້ງສັບປະດາສາຍຟິມຮູບເງົາດ້ຽນບຽນຝູຢູ່ລາວ . ຂ້າພະເຈົ້າຢາກຮູ້ສະຖານທີ່ທີ່ສາຍຟິມຮູບເງົານັ້ນແມ່ນຢູ່ແຂວງໃດໆ?
ເພື່ອນບຸນມີທີ່ຮັກແພງ, ເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນໄຊຊະນະດ້ຽນບຽນຝູ, ສະຖານທູດຫວຽດນາມ ປະຈຳລາວ, ສູນວັດທະນະທຳຫວຽດນາມ ປະຈຳລາວ ແລະ ສະຖາບັນຟິມຮູບເງົາຫວຽດນາມ ພ້ອມກັບກະຊວງຖະແຫລງຂ່າວວັດທະນະທຳ ແລະ ທ່ອງທ່ຽວລາວ ສົມທົບກັນຈັດຕັ້ງ “ສັບປະດາສາຍຟິມຮູບເງົາດ້ຽນບຽນຝູຢູ່ລາວ”. ຕາມຄະນະຈັດຕັ້ງແລ້ວ, “ສັບປະດາສາຍຟິມຮູບເງົາດ້ຽນບຽນຝູຢູ່ລາວ” ດຳເນີນໄປແຕ່ວັນທີ 05-11/05 ຢູ່ນະຄອນຫຼວງວຽງຈັນ ແລະ ແຂວງສະຫວັນນະເຂດ. ມີຮູບເງົາ 8 ເລື່ອງທີ່ມີຊື່ສຽງກ່ຽວກັບບັ້ນຮົບດ້ຽນບຽນຝູ ຈະຖືກແນະນຳກັບຜູ້ຊົມລາວ, ໃນນັ້ນມີຮູບເງົາເອກະສານ 3 ເລື່ອງ. ເນື່ອງໃນໂອກາດນີ້, ໂທລະພາບຊ່ອງ 1 ແລະ 3 ຂອງໂທລະພາບແຫ່ງຊາດລາວ ກໍ່ຈະສາຍບັນດາຟິມຮູບເງົາທີ່ມີຄຸນຄ່າດັ່ງກ່າວ. ສັບປະດາສາຍຟິມຮູບເງົາຫວຽດນາມຢູ່ລາວ ເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນໄຊຊະນະດ້ຽນບຽນຝູ ຄັ້ງນີ້ ແມ່ນເພື່ອໃຫ້ປະຊາຊົນລາວ ແລະ ປະຊາຄົມຊາວຫວຽດນາມ ອາໄສຢູ່ລາວ ເຂົ້າໃຈກ່ຽວກັບຄວາມໝາຍຂອງໄຊຊະນະດ້ຽນບຽນຝູກວ່າ, ຫວນຄືນມູນເຊື້ອສາມັກຄີ, ໜູນຊ່ວຍເຊິ່ງກັນ ແລະ ກັນໃນການຕໍ່ຕ້ານ, ຕ້ານພວກລ່າເມືອງຂຶ້ນຝລັ່ງ 1945 – 1954 ຂອງ 2 ຊາດ.
ລຸງ ຫງວຽນວັນແຕ້ວ, ຊາວຫວຽດນາມອາໄສຢູ່ໄທ ໄດ້ສົ່ງອີແມວມາລາຍການໂດຍຖາມວ່າ: ຂ້າພະເຈົ້າຢາກຮູ້ວັນເວລາຂອງຖ້ຽວບິນລະຫວ່າງ ນະຄອນຫຼວງວຽງຈັນ - ວິງ ແລະ ວິງ - ນະຄອນຫຼວງວຽງຈັນ.
ລຸງ ຫງວຽນວັນແຕ້ວ ທີ່ຮັກແພງ, ບໍລິສັດການບິນຫວຽດນາມ (Vietnam Airlines) ໃຫ້ຮູ້ວ່າ ໃນໄລຍະຜ່ານມາ, ການບິນຫວຽດນາມໄດ້ນຳເຂົ້າຂຸດຄົ້ນສາຍການບິນສາກົນໃໝ່ ວິງ - ນະຄອນຫຼວງວຽງຈັນ ນັບແຕ່ວັນທີ 12/01/2014. ເຊິ່ງຕາມນັ້ນແລ້ວ, ສາຍການບິນນີ້ຈະມີ 4 ຖ້ຽວບິນ/ອາທິດໜຶ່ງ ໃນວັນຈັນ, ວັນພຸດ, ວັນສຸກ ແລະ ວັນອາທິດ ດ້ວຍເຮືອບິນ ATR – 72. ບັນດາຖ້ຽວບິນເລີ່ມບິນຈາກນະຄອນວິງ ໃນເວລາ 8 ໂມງ 40 ນາທີ ແລະ ຈາກນະຄອນຫຼວງວຽກຈັນໃນເວລາ 10 ໂມງ 40 ນາທີ, ຖ້ຽວບິນລະຫວ່າງນະຄອນຫຼວງວຽກຈັນ - ວິງ ຕ້ອງໃຊ້ເວລາກວ່າ 1 ຊົ່ວໂມງ. ເພື່ອຈ່ອງ ແລະ ສັ່ງປີ້, ລຸງສາມາດເຂົ້າແວບໄຊດ້ວຍລະຫັດ www.vietnamairlines.com ຂໍໃຫ້ລຸງເດີນທາງດ້ວຍຄວາມສະຫວັດດີພາບ.
ດັ່ງທີ່ກ່າວມາຂ້າງເຖິງແມ່ນເນື້ອໃນຖາມຂອງທ່ານຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ, ຫວັງວ່າ ທ່ານຜູ້ຟັງຈະສືບຕໍ່ຝາກຈົດໝາຍ, ອີແມວ ຫຼື ໂທລະສັບມາຫາລາຍການເພື່ອປະກອບຄຳເຫັນຊ່ວຍລາຍການຂອງພວກເຮົາໃຫ້ນັບມື້ນັບດີກວ່າເກົ່າ. ພວກເພື່ອນສາມາດຝາກຈົດໝາຍມາຍັງລາຍການໂດຍຈ່າລະຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ laovov@yahoo.com