(vovworld) - ໃນອາທິດຜ່ານມາ, ລະບົບກະຈາຍສຽງພາກພາສາຕ່າງປະເທດແຫ່ງຊາດ, ວິທະຍຸກະຈາຍສຽງຫວຽດນາມ ໄດ້ຮັບຈົດໝາຍ, ອີແມວ ໂທລະສັບ 205 ສະບັບຈາກທ່ານຜູ້ຝັງຫຼາຍປະເທດໃນໂລກ. ໃນນັ້ນລາຍກະຈາຍສຽງພາກພາສາລາວ ໄດ້ຮັບອີແມວ, ໂທລະສັບ 3 ສະບັບຈາກທ່ານຜູ້ຟັງລາວ. ໃນລາຍການໂອ້ລົມກັບເພື່ອນລາວ ມື້ນີ້, ພວກເຮົາຂໍຄັດສະເໜີເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ.
ເພື່ອນ ທອນສະໄໝ ຈະເລີນສຸກ, ແຂວງຊຽງຂວາງ ໄດ້ສົ່ງອີແມວ ມາຍັງລາຍການ ຢາກຊອກຮູ້ກ່ຽວກັບການເຄື່ອນໄຫວຕ່າງໆເນື່ອງໃນໂອກາດວັນ Valetine 2017 ຂອງເພື່ອນໜຸ່ມຫວຽດນາມ. ໃນມື້ນີ້, ພວກເພື່ອນເຄີຍມອບຂອງຂວັນຫຍັງໃຫ້ກັນ?
ເພື່ອນ ທອນສະໄໝ ຈະເລີນສຸກ ທີ່ຮັກແພງ, ວັນ Valetine (14/02) ຜ່ານມາຢູ່ຮ່າໂນ້ຍ. ບັນດາເພື່ອນໜຸ່ມ, ພິເສດແມ່ນບັນດາຜູ້ທີ່ມີຄົນຮັກ ເຄີຍຊື້ຂອງຂວັນເຊິ່ງແຟນຂອງຕົນນິຍົມ, ບັນດາຂອງຂວັນເຫຼົ່ານັ້ນສ່ວນຫຼາຍແມ່ນ ດອກກຸລາບ, ຕຸກກະຕາໝີ, ເຄື່ອງສຳອ່າງ, ບັດອວຍພອນ…, ພ້ອມກັນນັ້ນແມ່ນເຂົ້າໜົມ chocolate ເພື່ອສະແດງຄວາມຮັກຂອງຕົນ, ມີບາງຄົນຍັງເຮັດເຂົ້າໜົມ chocolate ເອງ ຫຼື ໄປຊື້ຢູ່ຮ້ານຕ່າງໆ ດ້ວຍຫຼາຍແບບທີ່ອຸດົມສົມບຸນ. ເນື່ອງໃນໂອກາດນີ້ຫຼາຍຄົນຍັງຈັດການທ່ຽວຫຼີ້ນ, ກິນດື່ມ, ໄປຊົມຮູບເງົາ…
ເພື່ອນ ສຸກມະລີ ທຳມະວົງສາ, ຢູ່ແຂວງວຽງຈັນ ໄດ້ໂທລະສັບມາຍັງລາຍການຢາກຊອກຮູ້ກ່ຽວກັບວິທີດື່ມນ້ຳຊາຂອງຫວຽດນາມ, ເມື່ອທຽບໃສ່ປະເທດອື່ນມີຄວາມແຕກຕ່າງກັນຄືແນວໃດ? ແລະ ຊາຊະໜິດໃດແຊບທີ່ສຸດ.
ເພື່ອນ ສຸກມະລີ ທຳມະວົງສາ ທີ່ຮັກແພງ, ດື່ມນ້ຳຊາໄດ້ກາຍເປັນເອກະລັກສະເພາະໃນວັດທະນະທຳດື່ມຊາຂອງຫວຽດນາມ. ຊາວຫວຽດນາມ ກໍ່ມີວິທີດື່ມຊາສະເພາະຂອງຕົນ, ມັນບໍ່ລະອຽດລະອໍຄືວິທີດື່ມຊາຂອງຈີນ ຫຼື ຂອງຍີ່ປຸ່ນ, ຫາກວິທີດື່ມຊາຕາມຄວາມຊິນເຄີຍຂອງຊາວຫວຽດນາມມາແຕ່ດົນນານພັດງ່າຍດາຍຢູ່. ຈຸດພົ້ນເດັ່ນຂອງວັດທະນະທຳດື່ມຊາຂອງຊາວຫວຽດນາມ ເຊິ່ງຫຼາຍຄົນໄດ້ຮູ້ຈັກເຖິງ, ນັ້ນແມ່ນຊາເອືອບດອກໄມ້ຫຼາຍຊະນິດຄື: ຊາເອືອບດອກຊ້ອນ (ຊາດອກຊ້ອນ), ຊາເອືອບດອກບົວ (ຊາດອກບົວ), ຊາເອືອບດອກສົ້ມໂອ (ຊາດອກສົ້ມໂອ)… ໃນນັ້ນ, ຊາດອກຊ້ອນແມ່ນຊາທີ່ຊາວຫວຽດນາມມັກດື່ມຫຼາຍທີ່ສຸດ. ເພື່ອປຸງແຕ່ງຊາຊະນິດນີ້ ເຂົາເຈົ້າເອົາຊາທ໋າຍງວຽນ (ຊາປູກຢູ່ທ໋າຍງຽນ) ເອືອບກັບດອກຊ້ອນສົດໂດຍກົງ. ເມື່ອດື່ມນ້ຳຊາດອກຊ້ອນເພື່ອນຈະຮູ້ສຶກໄດ້ກິ່ນຫອມຂອງດອກຊ້ອນ, ພ້ອນກັບລົດຂົມ, ຝາດຂອງຊາ ທ໋າຍງວຽນ. ສຳລັບການປຸງແຕ່ງຊາດອກສົ້ມໂອ, ກໍເຮັດຄ້າຍຄືກັນກັບຊາດອກຊ້ອນ. ຊາຢູ່ຫວຽດນາມບໍ່ພຽງແຕ່ໃຊ້ເພື່ອດື່ມເທົ່ານັ້ນ, ຫາກເຂົາເຈົ້າຍັງປຸງແຕ່ງເປັນແປ້ງເພື່ອເຮັດເຂົ້າໜົມ, ອາຫານ…ອີກດ້ວຍ. ພິເສດຊາດອກບົວ, ເຊິ່ງແມ່ນຊາທີ່ເອືອບກັບດອກບົວຢູ່ໜອງ ແມ່ນຊະນິດທີ່ມີຊື່ສຽງທີ່ສຸດບໍ່ພຽງແຕ່ຢູ່ພາຍໃນປະເທດເທົ່ານັ້ນ, ຫາກຍັງໄດ້ດຶງດູດຄວາມສົນໃຈຈາກບັນດານັກຜະລິດຊາທີ່ມີຊື່ສຽງໃນໂລກອີກດ້ວຍ.
ຖ້າເພື່ອນມີຄວາມສົນໃຈເຖິງຊາດອກບົວຂອງຫວຽດນາມ, ເຊີນເຂົ້າຊົມໃນແວັບໄຊ vovworld.vn - ພາກພາສາລາວ ເພື່ອອ່ານບົດສາລະຄະດີທີ່ມີຫົວຂໍ້ວ່າ “ຊາດອກບົວ - ລົດຊາດບູຮານຢູ່ໃຈກາງນະຄອນຮ່າໂນ້ຍ”. ຜ່ານບົດຂຽນນີ້ເພື່ອນ ສຸກມະລີ ທຳມະວົງສາ ແລະ ທ່ານຜູ້ຟັງຈະເຂົ້າໃຈແຈ້ງກວ່າກ່ຽວກັບຊາດອກບົວ, ວິທີຊົງນ້ຳຊາ ແລະ ດື່ມຊາສະນິດນີ້.
ເພື່ອນສຸກມະລີ ຢູ່ນະຄອນຫຼວງວຽງຈັນ ໄດ້ໂທລະສັບມາຍັງລາຍການໂດຍໃຫ້ຮູ້ວ່າ: ໃນອາທິດຜ່ານມາ, ຂ້າພະເຈົ້າໄດ້ຮັບຂ່າວວ່າ, ຢູ່ວັດ ເຟິດຕິກ (ນະຄອນຫຼວງວຽງຈັນ) ໄດ້ຈັດບຸນວັນເພງເດືອນຈຽງ. ຂ້າພະເຈົ້າຢາກຮູ້ແຈ້ງກວ່າກ່ຽວກັບການເຄື່ອນໄຫວໃນວັນເພງເດືອນຈຽງນີ້?
ເພື່ອນສຸກມະລີ ທີ່ຮັກແພງ, ວັນທີ 11/02 (ກົງກັບວັນທີ 15/01 ໄລ່ຕາມຈັນທະປະຕິທິນ), ຢູ່ນະຄອນຫຼວງວຽງຈັນ, ພຸດທະສາສະນິກກະຊົນ ແລະ ພໍ່ແມ່ປະຊາຊົນຊາວຫວຽດນາມ ພວມດຳລົງຊີວິດຢູ່ລາວ ຫຼາຍຄົນ ໄດ້ມາວັດ ເຟິດຕິກ ເພື່ອເຂົ້າຮ່ວມການເຄື່ອນໄຫວຕ່າງໆໃນໂອກາດບຸນວັນເພງເດືອນຈຽງ ໂດຍວັດຈັດຕັ້ງ. ນີ້ແມ່ນການເຄື່ອນໄຫວເຊື່ອຖືສາສະໜາຖືກຈັດຂຶ້ນປະຈຳປີ ທີ່ມີຄວາມໝາຍບໍ່ພຽງແຕ່ສຳລັບປະຊາຄົມຊາວຫວຽດນາມ ອາໄສຢູ່ນະຄອນຫຼວງວຽກຈັນ ເທົ່ານັ້ນ, ຫາກຍັງມີຄວາມໝາຍສຳລັບຊາວ ຫວຽດນາມຢູ່ລາວ ເວົ້າລວມອີກດ້ວຍ. ເພາະນີ້ບໍ່ພຽງແຕ່ແມ່ນໂອກາດເພື່ອຖະຫວາຍທູບທຽນບູຊາພະພຸດທະເຈົ້າ, ພາວະນາຂໍໃຫ້ຄອບຄົວມີສຸຂະພາບແຂງແຮງ , ມີຄວາມຜາສຸກ, ປະສົບແຕ່ຄວາມໂຊກດີໃນປີໃໝ່ເທົ່ານັ້ນ, ຫາກຍັງແມ່ນໂອກາດເພື່ອໃຫ້ພໍ່ແມ່ປະຊາຊົນສະແດງຄວາມສາມັກຄີ, ເຮັດວຽກງານກູ້ຊົນ, ແບ່ງປັນ ແລະ ຊ່ວຍເຫຼືອບັນດາພໍ່ແມ່ປະຊາຊົນທີ່ປະສົບກັບຄວາມຫຍຸ້ງຍາກໃນການດຳລົງຊີວິດອີກດ້ວຍ. ຈຸດໃໝ່ໃນບຸນວັດເພງເດືອນຈຽງປີນີ້ ແມ່ນມີຜູ້ເຂົ້າຮ່ວມເປັນຈຳນວນຫຼາຍ, ພິເສດແມ່ນລຸ່ນໜຸ່ມ.
ດັ່ງກ່າວແມ່ນເນື້ອໃນຄຳເຫັນຂອງຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ, ຫວັງວ່າ ທ່ານຜູ້ຝັງຈະສືບຕໍ່ຝາກຈົດໝາຍ, ອີແມວ ຫຼື ໂທລະສັບມາຫາລາຍການ ເພື່ອປະກອບຄຳເຫັນເຮັດໃຫ້ລາຍການຂອງພວກເຮົານັບມື້ນັບມ່ວນ, ແລະ ຕອບສະໜອງໄດ້ຄວາມຕ້ອງການຂອງທ່ານຜູ້ຟັງກວ່າເກົ່າ. ພວກເພື່ອນສາມາດຝາກຈົດໝາຍມາຍັງລາຍການໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບມາໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ laovov5@gmail.com.