ອາທິດຜ່ານມາ, ພາກພາສາລາວ, ວິທະຍຸກະຈາຍສຽງ ຫວຽດນາມ ໄດ້ຮັບອີແມວ, ໂທລະສັບ 5 ສະບັບຈາກທ່ານຜູ້ຟັງລາວ ແລະ ຫວຽດນາມ. ໃນລາຍການ “ໂອ້ລົມກັບເພື່ອນລາວ” ມື້ນີ້, ພວກເຮົາຂໍຄັດສະເໜີເນື້ອໃນອີແມວ ແລະ ຕອບຄຳຖາມເຊິ່ງທ່ານຜູ້ຟັງຝາກມາລາຍການ.
ໃນອີແມວ ຝາກເຖິງລາຍການ, ເພື່ອນ ເຈີ່ນງອກຈິ້ງ ໄດ້ຂຽນວ່າ: ໂດຍແມ່ນຜູ້ເຄີຍຕິດຕາມບັນດາຂ່າວຄາວກ່ຽວກັບການພົວພັນລະຫວ່າງ ຫວຽດນາມ ແລະ ລາວ, ດັ່ງນັ້ນຂ້າພະເຈົ້າໄດ້ຮູ້ວ່າ: ອາທິດແລ້ວນີ້, ທ່ານນາງ ສູນທອນ ໄຊຍະຈັກ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງ, ທູດພິເສດຂອງທ່ານເລຂາທິການໃຫຍ່ພັກປະຊາຊົນປະຕິວັດ ລາວ ບຸນຍັງ ວໍລະຈິດ ໄດ້ມາ ຫວຽດນາມ ອວຍພອນທ່ານເລຂາທິການໃຫຍ່ ຫງວຽນຟູ໋ຈ້ອງ ສືບຕໍ່ໄດ້ຮັບການເລືອກຕັ້ງເປັນເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມຊຸດທີ 12. ສິ່ງດັ່ງກ່າວສະແດງໃຫ້ເຫັນສາຍພົວພັນມິດຕະພາບທີ່ເປັນມູນເຊື້ອ, ນຳ້ໃຈສາມັກຄີແບບພິເສດ ແລະ ຮອບດ້ານລະຫວ່າງ ພັກ, ລັດ ແລະ ປະຊາຊົນ 2 ປະເທດ ຫວຽດນາມ - ລາວ ນັບມື້ນັບໄດ້ຮັບການຢັ້ງຢືນ. ຂ້າພະເຈົ້າຫວັງວ່າ, ໃນປີໃໝ່ປີວອກນີ້, 2 ປະເທດພວກເຮົາຈະມີການເຄື່ອນໄຫວຮ່ວມມືຕ່າງໆເພື່ອຮັດແໜ້ນການພົວພັນ ຫວຽດນາມ - ລາວ ກ່ວາອີກ.
 |
ໃນອາທິດ, ເພື່ອນ ໄຊຍາເດດ, ແຂວງ ຫົວພັນ ໄດ້ສົ່ງອີແມວເຖິງລາຍການດ້ວຍເນື້ອໃນວ່າ: ອາທິດຜ່ານມາ, ອາກາດຢູ່ບາງແຂວງພາກເໜືອ ແລະ ພາກກາງ ຫວຽດນາມ ໜາວຈັດທີ່ສຸດ, ພິເສດແມ່ນບາງແຂວງເຂດພູສູງທາງພາກເໜືອ. ຂ້າພະເຈົ້າໄດ້ຮູ້ແຫຼ່ງຂ່າວດັ່ງກ່າວເມື່ອຊົມພາບສາລະຄະດີໃນແວບໄຊ vovworld.vn. ຜ່ານບັນດາພາບຖ່າຍດັ່ງກ່າວ ຂ້າພະເຈົ້າກໍຮູ້ຄວາມເສຍຫາຍສ່ວນໃດສ່ວນໜຶ່ງຍ້ອນອາກາດໜາວຈັດນຳມາໃຫ້ ແຕ່ບໍ່ຮູ້ຕົວເລກລະອຽດເທື່ອ. ໂດຍແມ່ນຊາວກະສິກອນ ຜູ້ໜຶ່ງກໍຖືກຮັບຜົນເສຍຫາຍຢ່າງໜັກໜ່ວງຈາກອາກາດໜາວຈັດຄັ້ງແລ້ວນີ້, ຂ້າພະເຈົ້າຢາກຮູ້ຂໍ້ມູນກ່ຽວກັບຄວາມເສຍຫາຍຂອງປະຊາຊົນ ກໍຄືການຊ່ວຍເຫຼືອຂອງລັດ ທີ່ສະຫງວນໃຫ້ແກ່ຊາວກະສິກອນ ຫວຽດນາມ ຜູ້ທີ່ຮັບເຄາະຮ້າຍເຫຼົ່ານັ້ນໄດ້ບໍ່?
ເພື່ອນ ໄຊຍາເດດ ທີ່ເຄົາລົບ, ຕາມລາຍງານຂອງ ຫ້ອງການປະຈຳຄະນະຊີ້ນຳສູນກາງກ່ຽວກັບການປ້ອງກັນ, ຕ້ານໄພທຳມະຊາດ ແລະ ຊອກຫາ, ກູ້ໄພກູ້ຊີບກຽວກັບຜົນເສຍຫາຍຍ້ອນອາກາດໜາວຈັດກໍຂຶ້ນຢູ່ບັນດາແຂວງພາກເໜືອແລ້ວ. ຈຳນວນສັດລ້ຽງຕາຍແມ່ນ 9.000 ໂຕ, ຈຳນວນສັດປີກຕາຍແມ່ນ 43.000 ໂຕ, ພືດ, ຕົ້ນໄມ້ຊະນິດຕ່າງໆຖືກເສຍຫາຍກ່ວາ 27.000 ha. ກະຊວງກະສິກຳ ແລະ ພັດທະນາຊົນນະບົດ ໄດ້ເຕົ້າໂຮມສະພາບຄວາມເສຍຫາຍຢູ່ 14 ແຂວງ. ໃນຕໍ່ໜ້າ, ກະຊວງກະສິກຳ ແລະ ພັດທະນາຊົນນະບົດ ໄດ້ສະເໜີບັນດາທ້ອງຖິ່ນສະໜອງງົບປະມານຊົ່ວຄາວເພື່ອຊ່ວຍເຫຼືອບັນດາຄອບຄົວປະສົມເຄາະຮ້າຍໂດຍໄວ, ສະເໜີທະນາຄານຕໍ່ກຳນົດເວລາໃຊ້ໜີ້ໃຫ້ບັນດາຄອບຄົວມີງົວ, ຄວາຍຕາຍຍ້ອນອາກາດໜາວຈັດຜ່ານມາ, ສ້າງເງື່ອນໄຂເພື່ອໃຫ້ພໍ່ແມ່ປະຊາຊົນຮັບມືກັບສະພາບໜາວຈັດ, ຟື້ນຟູການຜະລິດເປັນປົກກະຕິໂດຍໄວ.
 |
ໃນໂທລະສັບຫາລາຍການ, ເພື່ອນ ພຽນ ໄຊຍະຈັກ, ແຂວງ ບໍ່ແກ້ວ ໄດ້ຖາມວ່າ: ອາທິດຜ່ານມາ, ຂ້າພະເຈົ້າໄດ້ຮັບຂ່າວກ່ຽວກັບຊາວອົບພະຍົບເສລີຈາກລາວ ມາ ຫວຽດນາມ, ຂ້າພະເຈົ້າຢາກຮູ້ຕື່ມກ່ຽວກັບຂໍ້ມູນດັ່ງກ່າວ?
ເຈົ້າ, ເພື່ອນ ພຽນ ໄຊຍະຈັກ ທີ່ຮັກແພງ, ໄລຍະຜ່ານມາ, ນາຍົກລັດຖະມົນຕີ ຫາກໍ່ເຊັນອະນຸມັດຜ່ານແຜນຮ່າງ “ຊັບຊ້ອນບ່ອນຢູ່ໄລຍະໃຫ້ຊາວ ອົບພະຍົບເສລີຈາກ ສປປ ລາວ ເມືອປະເທດ”. ເພື່ອແນໃສ່ຊ່ວຍໃຫ້ຊາວອົບພະຍົບຈາກ ສປປ ລາວ ກັບເມືອ ຫວຽດນາມ ບໍ່ຖືກອຶດຫິວ, ມີບ່ອນຢູ່ອາໄສຊົ່ວຄາວ ແລະ ຮັບປະກັນບັນດາຄວາມຕ້ອງການ, ເງື່ອນໄຂດຳເນີນຊີວິດ, ໜູນຊ່ວຍບັນດາເງື່ອນໄຂຈຳເປັນກ່ຽວກັບບ່ອນຢູ່, ກ່ຽວກັບດິນປຸກສ້າງເຮືອນຢູ່, ດິນຜະລິດ, ທຶນກູ້ຢືມ, ສ້າງວຽກເຮັດງານທຳ, ຮັບປະກັນຊີວິດການເປັນຢູ່ເປັນປົກກະຕິ… ນະໂຍບາຍດັ່ງກ່າວໄດ້ຮັບການປະຕິບັດຢູ່ 10 ແຂວງມີຊາຍແດນຕິດກັບລາວຄື: ດ້ຽນບຽນ, ເຊີນລາ, ແທງຮ໋ວາ, ເງະອານ, ຮ່າຕິ້ງ, ກວາງບີ່ງ, ກວາງຈີ້, ເທື່ອທຽນເຫ້ວ, ກວາງນາມ, ກອນຕຸມ. ໄລຍະປະຕິບັດແມ່ນ 3 ປີ (ແຕ່ປີ 2016 – 2018) ແລະ ອາດສາມາດແກ່ຍາວໄດ້ຖ້າຫາກຂໍ້ຕົກລົງລະຫວ່າງລັດຖະບານ ສສ ຫວຽດນາມ ແລະ ສປປ ລາວ ກ່ຽວກັບການແກ້ໄຂບັນຫາຊາວອົບພະຍົບເສລີ, ການສົມລົດຜິດກົດໝາຍໃນເຂດຊາຍແດນລະຫວ່າງ 2 ປະເທດໄດ້ຕໍ່ກຳນົດເວລາ. ເປົ້າໝາຍໄດ້ຊົມໃຊ້ນະໂຍບາຍແມ່ນຄອບຄົວ (ມີ 2 ຄົນຂຶ້ນໄປ) ທີ່ອົບພະຍົບເສລີໃນເຂດຊາຍແດນ ຫວຽດນາມ - ລາວ ກ່ອນວັນທີ 8/7/2013 ໂດຍລັດຖະບານ ສປປ ລາວ ສົ່ງຄືນ ແລະ ລັດຖະບານ ສສ ຫວຽດນາມ ຮັບເອົາ, ວົງຄະນະຍາດພົນລະເມືອງຮັບເອົາບັນດາຄອບຄົວຕັ້ງຖິ່ນຖານຄົງທີ່ຄືນໃໝ່. ບັນດາຕາແສງຮັບບັນດາຄອບຄົວກັບເມືອປະເທດຕັ້ງຖິ່ນຖານຄົງທີ່ ຈະໄດ້ໜູນຊ່ວຍຄອບຄົວລະ 50 ລ້ານດົ່ງເພື່ອໜູນຊ່ວຍຖາງປ່າປຸກສ້າງເຮືອນຢູ່, ທຳການຜະລິດໃຫ້ແກ່ບັນດາຄອບຄົວມາໃຫມ່, ກໍຄືລົງທຶນກໍ່ສ້າງບັນດາກິດຈະກຳຈຳເປັນ… ພາຍຫຼັງປື້ມສຳມະໂນຄົວ ສຳມະໂນພົນລະເມືອງແລ້ວ, ບັນດາຄອບຄົວອົບພະຍົບຈະໄດ້ຮັບຊົມໃຊ້ນະໂຍບາຍຮັບປະກັນຊີວິດສັງຄົມຕາມຂໍ້ກຳນົດທີ່ພວມປະກາດໃຊ້.
ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນ ແລະ ຄຳຖາມຂອງຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ. ຖ້າຫາກ ຜູ້ຟັງ, ຜູ້ອ່ານທ່ານໃດມີຄວາມສົນໃຈຕໍ່ບັນຫາໃດໜຶ່ງ, ກໍ່ສາມາດຝາກຈົດໝາຍມາຍັງລາຍການພວກເຮົາໄດ້ເລີຍໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ laovov@yahoo.com, laovov5@gmail.com