ຕອບຄຳຖາມເຊິ່ງທ່ານຜູ້ຟັງຝາກມາໃນອາທິດຜ່ານມາ
ອາທິດຜ່ານມາພວກເຮົາໄດ້ຮັບຈົດໝາຍ, ອີແມວ, ໂທລະສັບຫຼາຍສະບັບຈາກທ່ານຜູ້ຟັງທັງຢູ່ລາວ ແລະ ຫວຽດນາມ. ໃນຈົດໝາຍ, ອີແມວນັ້ນ, ທ່ານຜູ້ຟັງໄດ້ຍ້ອງຍໍບາງບົດທີ່ໄດ້ອອກອາກາດໃນອາທິດ, ກໍ່ຄືມີຄວາມສົນໃຈຕໍ່ບັນຫາຈຳນວນໜຶ່ງ. ໃນລາຍການ “ໂອ້ລົມກັບເພື່ອນລາວ” ພາກນີ້ ພວກເຮົາຂໍຕອບບາງຄຳຖາມເຊິ່ງທ່ານຜູ້ຟັງຝາກມາໃນອາທິດຜ່ານມາ. ເຊີນທ່ານຕິດຕາມຮັບຟັງ.
+++
ທ່ານ ສົມບູນ, ຢູ່ແຂວງຫົວພັນ ໄດ້ຝາກອີແມວມາຍັງລາຍການໂດຍໃຫ້ຮູ້ວ່າ: ຂ້າພະເຈົ້າໄດ້ຮັບຊົມພາບສາລະຄະດີກ່ຽວກັບນາງງາມຫວຽດນາມ ຜ່ານໄລຍະຕ່າງໆນີ້ຫຼາຍເທື່ອແລ້ວ. ຜ່ານພາບເຫຼົ່ານັ້ນ ຂ້າພະເຈົ້າເຫັນວ່າ: ໃນຊຸດເສື້ອຍາວປະຈຳຊາດ, ນາງສາວ ຫວຽດນາມຄືດັ່ງງາມກວ່າ, ມີຄວາມສຸພາບ ແລະ ສະເໜກ່ວາ.
ສ່ວນ ເພື່ອນ ປານີນ ວິໄລສຸກ, ນັກສຶກສາມະຫາວິທະຍາໄລແຫ່ງຊາດ ລາວ ໄດ້ໂທລະສັບຫາລາຍການໂດຍແບ່ງປັນວ່າ: ຂ້າພະເຈົ້າໄດ້ຮັບຊົມ ວີດີໂອແນະນຳເກາະ ຟູ໋ກວກ ໃນແວບໄຊ vovworld.vn, ເກາະແຫ່ງນີ້ງາມປຽບເໝືອນແດນສະຫວັນ, ດ້ວຍທະເລທີ່ຂຽວສົດໃສ, ຂີ້ຊາຍຂາວສະອາດ ພ້ອມກັບອາຫານພິເສດສະເພາະຫຼາຍເຍື່ອງ ເຮັດໃຫ້ຂ້າພະເຈົ້າຮູ້ສຶກນິຍົມ ແລະ ຢາກມາແຫ່ງນີ້ຫຼາຍ. ຖ້າມີໂອກາດ ຂ້າພະເຈົ້າພ້ອມກັບໝູ່ເພື່ອນຈະໄປທ່ອງທ່ຽວ ຟູ໋ກວກ.
ພາບປະກອບ
ໃນອາທິດ, ທ່ານ ບົວສີ ສີຫາລາດ, ນະຄອນຫຼວງ ວຽງຈັນ ໄດ້ຝາກ ອີແມວໃຫ້ລາຍການໂດຍໃຫ້ຮູ້ວ່າ: ເວລາຈະມາເຖິງ, ຂ້າພະເຈົ້າຈະໄປທ່ອງທ່ຽວ ເຫ້ວ, ຂ້າພະເຈົ້າຢາກຊື້ຂອງຂວັນຈຳນວນໜຶ່ງເຊິ່ງແມ່ນອາຫານພິເສດສະເພາະຂອງເຫ້ວ, ແຕ່ບໍ່ຮູ້ຈະຊື້ຫຍັງ. ດັ່ງນັ້ນຂໍລາຍການແນະນຳໃຫ້ແດ່ .
ເຫ້ວແມ່ນສະຖານທີ່ທ່ອງທ່ຽວໄດ້ຮັບຄວາມນິຍົມຈາກນັກທ່ອງທ່ຽວທັງຢູ່ພາຍໃນ ແລະ ຕ່າງປະເທດເປັນຈຳນວນຫຼວງຫຼາຍ. ຍ້ອນວ່າ ເຫ້ວ ມີທິວທັດທຳມະຊາດທີ່ສວຍງາມ, ຊາວ ເຫ້ວ ແມ່ນຜູ້ສຸດຈິດສຸດໃຈ, ຮັກແພງແຂກຄົນ, ຢູ່ທີ່ນີ້ຍັງມີອາຫານແຊບນົວທີ່ເປັນເອກະລັກສະເພາະຫຼາຍເຍື່ອງອີກດ້ວຍ. ຖ້າເພື່ອນຢາກຊື້ອາຫານເປັນຂອງຂວັນໃຫ້ແກ່ຄອບຄົວ ແລະ ເພື່ອນມິດແມ່ນມີ: ນ້ຳແຈ່ວຫຼາຍປະເພດ, ຊາຂອງລາດຊະວັງ, ເຂົ້າໜົມ... ເພື່ອນຄວນຊື້ເຂົ້າໜົມຢູ່ບັນດາຮາກຖານໃຫຍ່, ທີ່ໄດ້ຈົດທະບຽນດຳເນີນທຸລະກິດເພື່ອຮັບປະກັນຄຸນນະພາບ, ຄື ແມ່ສຶງ ແທ່ງຮືງ, ນາມທ້ວນ... , ນຳ້ແຈ່ວ ຢີ່ເກີ໋ນ, ໂກຣີ... ນອກຈາກນັ້ນເພື່ອນສາມາດຊື້ແກ່ນບົວອີກ. ແກ່ນບົວແຫ້ງຢູ່ເຫ້ວ ໂດ່ງດັງ ແລະ ໄດ້ຮັບຄວາມນິຍົມຈາກຫຼາຍຄົນຍ້ອນມັນທັງຫອມ ແລະ ແຊບກ່ວາເມື່ອທຽບໃສ່ແກ່ນບົວຢູ່ພາກເໜືອ ແລະ ພາກໃຕ້. ຫວັງວ່າ, ບັນດາຂໍ້ມູນຂ່າວທີ່ກ່າວມາຂ້າງເທິງສາມາດຊ່ວຍໃຫ້ເພື່ອນທັງຊື້ໄດ້ອາຫານທີ່ເປັນເອກະລັກສະເພາະເພື່ອເປັນຂອງຕ້ອນໃຫ້ເພື່ອນ ທັງມີຄວາມໝາຍອີກ.
+++
ເພື່ອນ ວັນນິດາ, ນັກສຶກສາສະຖາບັນທະນາຄານ ກໍ່ໂທຫາລາຍການ ຖາມກ່ຽວກັບ ເຝີຂອງ ຫວຽດນາມ, ເພື່ອນໃຫ້ຮູ້ວ່າ: ເກືອບຄືວ່າຖະໜົນ ແລະ ຕະຫຼາດແຫ່ງໃດຢູ່ ຮ່າໂນ້ຍກໍ່ມີຮ້ານເຝີ, ເພື່ອນກໍ່ໄດ້ກິນຢູ່ຫຼາຍບ່ອນ ແລະ ເຫັນວ່າແຕ່ລະບ່ອນກໍ່ມີລົດຊາດແຕກຕ່າງກັນ. ແຕ່ເພື່ອນຢາກຮູ້ຮ້ານໃດ ແມ່ນຮ້ານເຝີທີ່ໂດ່ງດັງກວ່າໝູ່ຢູ່ ຮ່າໂນ້ຍເພື່ອໄດ້ຊິມລົດຊາດຂອງມັນ.
ແມ່ນແທ້, ຢູ່ ຮ່າໂນ້ຍມີຮ້ານເຝີນັບຮ້ອຍຮ້ານ, ແຕ່ຢາກກິນ ເຝີທີ່ໂດ່ງດັງ ເພື່ອນສາມາດກິນ ເຝີ ທີ່ນ ຢູ່ຖະໜົນ ລໍ່ດູກ, ເຝີ ບາດດ່ານໃນຖະໜົນ ບາດດ່ານ, ເຝີ ວູຍ, ເຊື໋ອງ ຢູ່ຖະໜົນ ດິງລຽດ, ເຝີຢູ່ຖະໜົນ ຫຼີ໋ກວກຊື. .. ເຝີຢູ່ຮ້ານໃດກໍ່ມີລົດຊາດຕ່າງກັນ, ຍາກທີ່ຈະຕີລາຄາໄດ້ວ່າເຟີຢູ່ຮ້ານໃດແຊບກ່ວາໝູ່, ນັ້ນແມ່ນອີງຕາມຄວາມຮູ້ສຶກຂອງແຕ່ລະຄົນ. ຖ້າມີໂອກາດເຊີນເພື່ອນຊິມເບິ່ງຢູ່ຮ້ານເຫຼົ່ານັ້ນ ແລະ ຂຽນບົດຕີລາຄາໃຫ້ພວກເຮົາແດ່ເດີ.
ທ່ານຜູ້ຟັງທີ່ເຄົາລົບ, ລາຍການ “ໂອ້ລົມກັບເພື່ອນລາວ” ຂອງພວກເຮົາຂໍສິ້ນສຸດລົງພຽງເທົ່ານີ້. ຖ້າມີຄວາມສົນໃຈ, ທ່ານສາມາດຝາກຈົດໝາຍມາຍັງລາຍການໂດຍຈ່າໜ້າຊອງວ່າ: ວິທະຍຸກະຈາຍສຽງຫວຽດນາມ-ພາກພາສາລາວ-ເຮືອນເລກທີ 45 ຖະໜົມບາຈ້ຽວ-ຮ່າໂນ້ຍ ຫຼືໂທລະສັບມາໂດຍກົງຕາມເບີໂທ: 0084.43.825.6631, ອີແມວ: Laovov@.yahoo.com ຫຼື Laovov5@.gmail.com ພວກເຮົາຍິນດີຕ້ອນຮັບ ແລະ ພ້ອມແລ້ວຈະຕອບຄຳຖາມຂອງທ່ານທຸກປະການ. ຂໍຂອບໃຈທ່ານທີ່ໄດ້ຕິດຕາມຮັບຟັງ ແລະ ຊົມລາຍການຂອງພວກເຮົາ.