(vovworld) – ໃນອາທິດຜ່ານມາ, ລາຍການພາກພາສາລາວ, ວິທະຍຸກະຈາຍສຽງຫວຽດນາມ, ໄດ້ຮັບໂທລະສັບ, ອີແມວ, ຈົດໝາຍຫຼາຍສະບັບຈາກຜູ້ຟັງລາວທີ່ຝາກມາອວຍພອນ ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນການປະຕິວັດເດືອນສິງຫາ ແລະ ວັດຊາດຫວຽດນາມ ທີ 2 ກັນຍາ. ນອກນັ້ນ, ຜູ້ຟັງບາງທ່ານຍັງຢາກຊອກຮູ້ກ່ຽວກັບການເຄື່ອນໄຫວທີ່ພົ້ນເດັ່ນໃນວັນບຸນໃຫຍ່ນີ້.
ຂໍຂອບໃຈບັນດາທ່ານຜູ້ຟັງທີ່ໄດ້ຝາກຄຳອວຍພອນອັນດີງາມເຖິງລາຍການ ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນການປະຕິວັດເດືອນສິງຫາ ແລະ ວັດຊາດຫວຽດນາມ ທີ 2 ກັນຍາ. ທ່ານຜູ້ຟັງທີ່ເຄົາລົບ, ເພື່ອສະເຫຼີມສະຫຼອງເຫດການປະຫວັດສາດອັນຍິ່ງໃຫຍ່ນີ້, ຢູ່ທ້ອງຖີ່ນຕ່າງໆໃນທົ່ວປະເທດ ໄດ້ຈັດຕັ້ງການເຄື່ອນໄຫວແທດຈິງຫຼາຍຢ່າງຄື: ຢື້ຢາມຖາມຂ່າວຄອບຄົວຜູ້ມີຄຸນງາມຄວາມດີຕໍ່ການປະຕິວັດ, ບັນດາການເຄື່ອນໄຫວຕອບບຸນແທນຄຸນ; ຈັດຕັ້ງການປາຖະກະຖາເພື່ອຫວນຄືນມູນເຊື້ອຕໍ່ສູ້ ອັນພິລະອາດຫານເພື່ອຍາດເອົາເອກະລາດມາໃຫ້ປະເທດຊາດ; ຈັດງານວາງສະແດງ, ການສະແດງສີລະປະ… ພິເສດ, ໃນວັນທີ 02/09, ເຊິ່ງແມ່ນວັນປະທານໂຮ່ຈິມິນ ອ່ານ ຖະແຫຼງປະກາດເອກະລາດນັ້ນ. ຢູ່ນະຄອນຫຼວງຮ່າໂນ້ຍ ໄດ້ຈັດການເຄື່ອນໄຫວທີ່ພົ້ນເດັ່ນຫຼາຍຢ່າງເພື່ອຂ່ຳນັບຕ້ອນຄື; ພິທີໂຮມຊຸມນຸມ, ສວນສະໜາມ, ເດີນຂະບວນ (ດ້ວຍການເຂົ້າຮ່ວມຂຶ້ນກັບບັນດາກຳລັງທັບ, ຕຳຫຼວດ, ຂອງກ້ອນກຳລັງປະກອບອາວຸດປ້ອງກັນຊາດ, ປ້ອງກັນຄວາມສະຫງົບ ແລະ ກ້ອນມວນຊົນຂອງບັນດາຂະແໜງການ ແລະ ນະຄອນຫຼວງ ລວມປະມານ 30.000 ຄົນ) ເຊິ່ງໄດ້ຮັບການຈັດຕັ້ງຢ່າງສົມກຽດຢູ່ສະໜາມຫຼວງບາດິ່ງ ແລະ ຖະໜົນສາຍຕ່າງໆໃນບໍລິເວັນ. ພ້ອນກັນນັ້ນ, ຢູ່ພະລາຊະວັງ ຮ່ວາງແທ່ງທັງລອງ ໄດ້ຍິງລູກປືນໃຫຍ່ 21 ຄັ້ງ. ຕອນຄ່ຳຂອງວັນດຽວກັນ, ຢູ່ສະຖານທີ່ແຫ່ງຕ່າງໆໃນທົ່ວປະເທດ ກໍ ຍິງບັ້ງໄຟດອກເພື່ອຂ່ຳນັບຮັບຕ້ອນວັນບຸນນີ້.
ເນື່ອງໃນໂອກາດສຳຄັນຍິ່ງນີ້, VOV ໄດ້ລົງຂ່າວ, ບົດກ່ຽວກັບພິທີສະເຫຼີມສະຫຼອງ 70 ປີແຫ່ງວັນການປະຕິວັດເດືອນສິງຫາ ແລະ ວັດຊາດຫວຽດນາມ ທີ 2 ກັນຍາ ທີ່ແວບໄຊ vovworld.vn ຖ້າຫາກທ່ານສົນໃຈສາມາດເຂົ້າອ່ານຄືນໄດ້.
ເພື່ອນວຽງໄຊ, ແຂວງຫົວພັນ ສົ່ງອີແມວມາຍັງລາຍການໃຫ້ຮູ້ວ່າ: ໃນເດືອນ 07 ຜ່ານມາ, ຢູ່ລາວ ໄດ້ຈັດພິທີສະເຫຼີມສະຫຼອງ 20 ປີແຫ່ງວັນສ້າງຕັ້ງສູນວັດທະນະທຳຫວຽດນາມ ຢູ່ລາວ. ຂ້າພະເຈົ້າຢາກຊອກຮູ້ຕື່ມກ່ຽວກັບສູນວັດທະນະທຳຫວຽດນາມ ຢູ່ລາວ, ມັນມີຄວາມໝາຍຄືແນວໃດສຳລັບປະຊາຊົນ 2 ປະເທດຫວຽດນາມ - ລາວ.
ເພື່ອນວຽງໄຊ, ທີ່ຮັກແພງ, ໃນເວລາທ້າຍເດືອນ 07 ຜ່ານມາ, ຢູ່ສູນວັດທະນະທຳແຫ່ງຊາດລາວ, ທີ່ນະຄອນຫຼວງວຽງຈັນ ໄດ້ຈັດພິທີສະເຫຼີມສະຫຼອງ 20 ປີແຫ່ງວັນສ້າງຕັ້ງສູນວັດທະນະທຳຫວຽດນາມ ຢູ່ລາວ (1995 - 2015). ໃນຕະຫຼວດ 2 ທົດສະວັດຜ່ານມາ, ສູນວັດທະນະທຳຫວຽດນາມ ຢູ່ລາວ ຍາມໃດກໍປະຕິບັດພາລະບົດບາດທັງເລິກເຊິ່ງ ແລະ ກວ້າງຂວາງ, ຢືນຢັນບົດບາດທີ່ຕັ້ງແມ່ນຂົວເຊື່ອມຕໍ່ວັດທະນະທຳມິດຕະພາບລະຫວ່າງຫວຽດນາມ ແລະ ລາວ. ກ່າວຄຳເຫັນທີ່ພິທີສະເຫຼີມສະຫຼອງ, ທ່ານ ບົວເງິນ ຊາພູວົງ, ລັດຖະມົນຕີຊ່ວຍວ່າການ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ ຢືນຢັນວ່າ, ໃນຕະຫຼອດໄລຍະ 20 ປີຜ່ານມາ, ສູນວັດທະນະທຳຫວຽດນາມ ຢູ່ລາວ ໄດ້ປະກອບສ່ວນສຳຄັນເຂົ້າໃນການເພີ່ມພູນຄຸນສ້າງຄວາມສາມັກຄີ, ມິດຕະພາບລະຫວ່າງ 2 ຊາດ ຫວຽດນາມ - ລາວ.
(ທ່ານ ບົວເງິນ ຊາພູວົງ, ລັດຖະມົນຕີຊ່ວຍວ່າການ
ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ)
ເພື່ອນຈິດຕະວົງ, ແຂວງຊຽງຂວາງ, ສົ່ງອີແມວມາຍັງລາຍການໃຫ້ຮູ້ວ່າ: ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນຂະແໜງການທູດຫວຽດນາມ ຢູ່ນະຄອນຄອນຫຼວງວຽງຈັນ ຜ່ານມາ ໄດ້ຈັດງານວາງສະແດງຮູບພາບເພື່ອສະເຫຼີມສະຫຼອງ 70 ປີແຫ່ງວັນຂະແໜງການທູດຫວຽດນາມ. ຂ້າພະເຈົາຢາກຊອກຮູ້ກ່ຽວກັບງານວາງສະແດງນີ້.
ເພື່ອນຈິດຕະວົງທີ່ຮັກແພງ, ດ້ວຍຮູບຖ່າຍເອກະສານກ່ວາ 60 ແຜ່ນ, ງານວາງສະແດງ ໄດ້ແນະນຳໃຫ້ມວນຊົນລາວ ກ່ຽວກັບ 2 ໄລຍະພັດທະຍາຂອງຂະແໜງການທູດຫວຽດນາມ ໃນຕະຫຼອດ 70 ປີຜ່ານມາ. ນັ້ນແມ່ນໄລຍະຕໍ່ສູ່ປົດປ່ອຍຊາດ ແລະ ທ້ອນໂຮມປະເທດຊາດເປັນເອກະພາບ (1945 - 1975) ແລະ ໄລຍະຜັນຂະຫຍາຍແນວທາງການຕ່າງປະເທດເອກະລາດ, ເປັນເຈົ້າຕົນເອງ, ຮ່ວມມື ແລະ ພັດທະນາ, ຫັນການພົວພັນເປັນຫຼາຍຮູບຫຼາຍແບບຫຼາຍຝ່າຍ, ເປັນເຈົ້າການ ແລະ ຕັ້ງໜ້າເຊື່ອມໂຍງເຂົ້າກັບສາກົນ, ຫວຽດນາມ ແມ່ນເພື່ອນ, ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈ ແລະ ແມ່ນສະມາຊິກມີຄວາມຮັບຜິດຊອບໃນປະຊາຄົມໂລກ (ແຕ່ປີ 1975 ມາຮອດປະຈຸບັນ). ທີ່ພິທີ, ທ່ານເອກອັກຄະລັດຖະທູດຫວຽດນາມ ປະຈຳລາວ ຫງວຽນແມ້ງຮຸ່ງ ໃຫ້ຮູ້ວ່າ. “ບັນດາຮູບຖ່າຍໃນງານວາງສະແດງຄັ້ງນີ້ໄດ້ສະແດງໃຫ້ເຫັນການພົວພັນແບບພິເສດລະຫວ່າງຫວຽດນາມ - ລາວ. ຜ່ານນີ້, ພວກເຮົາກໍເຂົ້າໃຈແຈ້ງການປະກອບສ່ວນສຳຄັນຂອງຂະແໜງການທູດຫວຽດນາມ ເຂົ້າໃນການຍາດແຍ່ງເງື່ອນໄຂພາຍນອກທີ່ສະດວກໃຫ້ພາລະກິດພັດທະນາປະເທດຊາດ, ປົກປັກຮັກສາອະທິປະໄຕຢ່າງຄົບຖ້ວນ ແລະ ຕັ້ງໜ້າເຊື່ອມໂຍງເຂົ້າກັບສາກົນ… ຂ້າພະເຈົ້າເຊື່ອໝັ້ນວ່າ, ມວນຊົນລາວ ແລະ ສາກົນຈະເຫັນໄດ້ການພັດທະນາສາຍພົວພັນແບບພິເສດຢ່າງບໍ່ຢຸດຢັ້ງລະຫວ່າງຫວຽດນາມ - ລາວ”.
ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນ ແລະ ຄຳຖາມຂອງຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ. ຖ້າຫາກ ຜູ້ຟັງ, ຜູ້ອ່ານທ່ານໃດມີຄວາມສົນໃຈຕໍ່ບັນຫາໃດໜຶ່ງ, ກໍ່ສາມາດຝາກຈົດໝາຍມາຍັງລາຍການພວກເຮົາໄດ້ເລີຍໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ laovov@yahoo.com, laovov5@gmail.com