ໃນອາທິດຜ່ານມາ, ລະບົບກະຈາຍສຽງພາກພາສາຕ່າງປະເທດແຫ່ງຊາດ, ວິທະຍຸກະຈາຍສຽງ ຫວຽດນາມ ໄດ້ຮັບໂທລະສັບ, ອີແມວ, ຈົດໝາຍ 166 ສະບັບຈາກຜູ້ຟັງຢູ່ຫລາຍປະເທດໃນໂລກ. ໃນນັ້ນ, ລາຍການກະຈາຍສຽງພາກພາສາລາວ ໄດ້ຮັບໂທລະສັບ, ອີແມວ, ຈົດໝາຍ 5 ສະບັບຈາກຜູ້ຟັງລາວ. ໃນລາຍການ “ໂອ້ລົມກັບເພື່ອນລາວ” ມື້ນີ້, ພວກເຮົາຂໍຄັດສະເໜີບາງເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ. ເຊີນທ່ານຕິດຕາມຮັບຟັງ.
ນ້ຳແກ່ງໃຫຍ່ໃນເນື້ອທີ່ກ້ວາງຂວາງ
ໃນອາທິດຜ່ານມາ, ເພື່ອນ ແອນລີ ສີຫາຈັກ, ເພື່ອນ ອຸດົມໄຊ ຈັນທະວົງ ແຂວງ ບໍລິຄຳໄຊ ແລະ ເພື່ອນ ວິຕາໄຊ ແຂວງ ວຽງຈັນ ໄດ້ສົ່ງ ອີແມວມາຍັງລາຍການດ້ວຍເນື້ອໃນວ່າ: ໄລຍະຜ່ານມາ, ໃນບໍລິເວນບັນດາແຂວງພາກກາງຂອງ ຫວຽດນາມ, ໄດ້ເກີດນ້ຳແກ່ງໃຫຍ່ໃນເນື້ອທີ່ກ້ວາງຂວາງ. ພວກຂ້າພະເຈົ້າຂໍແບ່ງເບົາຄວາມໂສກເສົ້າຕໍ່ຄວາມເສຍກັບທາງດ້ານຈິດໃຈ ແລະ ວັດຖຸຂອງພໍ່ແມ່ປະຊາຊົນບັນດາແຂວງພາກກາງທີ່ຖືກປະສົມຄວາມເສຍຫາຍຢ່າງໜັກໜ່ວງໂດຍນ້ຳແກ່ງເກີດຂຶ້ນ. ພວກຂ້າພະເຈົ້າ ຫວັງວ່າ: ພໍ່ແມ່ປະຊາຊົນບັນດາແຂວງພາກກາງ ຈະມານະພະຍາຍາມສ້າງຊີວິດການເປັນຢູ່ເປັນປົກກະຕິ, ຜ່ານຜ່າຄວາມທຸກຍາກ, ບືນຕົວຂຶ້ນໃນຊີວິດເພື່ອຮັບມືກັບໄພທຳມະຊາດນ້ຳແກ່ງໂດຍໄວ.
*****
ເພື່ອນ ຮ່ວາງວັນເຈື່ອງ ເປັນຊາວ ຫວຽດນາມ ອາໄສ ຢູ່ນະຄອນຫລວງ ວຽງຈັນ, ລາວ ໂທລະສັບມາຍັງລາຍການໂດຍຖາມວ່າ: ຫວ່າງແລ້ວນີ້, ຄະນະພັກປະຈຳ ລາວ ໄດ້ຈັດຕັ້ງພິທີມອບກາໝາຍ 65 ປີທີ່ເປັນສະມາຊິກພັກ ໃຫ້ແກ່ທ່ານ ເຈີ່ນວັນໝີ. ຂ້າພະເຈົ້າໄດ້ຮູ້ວ່າ ທ່ານ ເຈີ່ນວັນໝີ ເປັນຊາວ ຫວຽດນາມ ອາໄສຢູ່ ລາວ ຄົນທຳອິດທີ່ມີຄວາມເປັນກຽດໄດ້ຮັບກາໝາຍອັນສູງສົ່ງນີ້ ຜ່ານທາງລາຍການ ຂ້າພະເຈົ້າຢາກຮູ້ແຈ້ງກ່ຽວກັບທ່ານ ເຈີ່ນວັນໝີ ?
ເພື່ອນ ຮ່ວາງວັນເຈື່ອງ ທີ່ຮັກແພງ ! ວັນທີ 05/11 ຜ່ານມາ, ຢູ່ນະຄອນຫລວງ ວຽງຈັນ, ລາວ, ຄະນະພັກປະຈຳ ລາວ ໄດ້ຈັດຕັ້ງພິທີມອບກາໝາຍ 65 ປີທີ່ເປັນສະມາຊິກພັກ ໃຫ້ແກ່ທ່ານ ເຈີ່ນວັນໝີ. ທ່ານ ເຈີ່ນວັນໝີ ເປັນຊາວ ຫວຽດນາມ ອາໄສຢູ່ ລາວ ຄົນທຳອິດທີ່ມີຄວາມເປັນກຽດໄດ້ຮັບກາໝາຍອັນສູງສົ່ງນີ້. ທ່ານ ເຈີ່ນວັນໝີ ໄດ້ປະກອບສ່ວນຫລາຍຢ່າງໃຫ້ປະຊາຄົມ ແລະ ສາຍພົວພັນຄວາມສາມັກຄີແບບພິເສດ ຫວຽດນາມ - ລາວ ກໍ່ຄືບັນດາການປະກອບສ່ວນໃຫ້ອົງຄະນະພັກຢູ່ ລາວ; ເລື່ອງມອບກາໝາຍດັ່ງກ່າວ ສະແດງໃຫ້ເຫັນຄວາມຈົດຈຳຂອງພັກກອມມູນິດ ຫວຽດນາມ ສຳລັບບັນດາການປະກອບສ່ວນຂອງທ່ານ ເຈີ່ນວັນໝີ. ທ່ານ ເຈີ່ນວັນໝີ ເກີດປີ 1930 ຢູ່ນະຄອນຫລວງ ວຽງຈັນ, ບ້ານເກີດເມືອງນອນຢູ່ຕາແສງ ກວາງລຽນ, ເມືອງ ກວາງແຈກ, ແຂວງ ກວາງບີງ. ປີ 1944 ທ່ານ ເຈີ່ນວັນໝີ ເຂົ້າຮ່ວມການເຄື່ອນໄຫວໃນສຳພັນທະມິດສູ້ຮົບ ຫວຽດນາມ - ລາວ, ຮອດປີ 1950 ທ່ານ ເຈີ່ນວັນໝີ ໄດ້ຮັບເຂົ້າເປັນສະມາຊິກພັກກອມມູນິດອິນດູຈີນ. ທ່ານ ເຈີ່ນວັນໝີ ແມ່ນໜຶ່ງໃນບັນດານັກຊ່ຽວຊານ ຫວຽດນາມ ເຄີຍປະຕິບັດງານຢູ່ ລາວ; ມີການປະກອບສ່ວນຫລາຍຢ່າງເຂົ້າໃນການ ເພີ່ມພູນຄູນສ້າງສາຍພົວພັນລະຫວ່າງ 2 ປະເທດ ແລະ ໄດ້ຮັບຫຼຽນໄຊ, ຫຼຽນກາຫລາຍດວງຈາກ 2 ພັກ, 2 ລັດ ຫວຽດນາມ - ລາວ. ປີ 2000 ທ່ານ ເຈີ່ນວັນໝີ ໄດ້ຮັບກາໝາຍ 50 ປີທີ່ເປັນສະມາຊິກພັກຈາກພັກປະຊາຊົນປະຕິວັດ ລາວ.
*****
ເພື່ອນ ວິໄລສະຫວັນ ແກ້ວພິລາຫວັນ ແຂວງ ຜົ້ງສາລີ ໂທລະສັບມາຍັງລາຍການໂດຍຖາມວ່າ: ຫວ່າງແລ້ວນີ້ ຢູ່ແຂວງ ຜົ້ງສາລີ ໄດ້ດຳເນີນພິທີມອບ-ຮັບໂຮງຮຽນອະນຸບານໂດຍສະຖານທູດ ຫວຽດນາມ ກໍ່ສ້າງ, ຂ້າພະເຈົ້າຢາກເຂົ້າໃຈຕື່ມກ່ຽວກັບຄວາມໝາຍຂອງໂຄງການດັ່ງກ່າວ ?
ພິທີມອບ-ຮັບໂຮງຮຽນອະນຸບານໂດຍສະຖານທູດ ຫວຽດນາມ ກໍ່ສ້າງ
ເພື່ອນ ວິໄລສະຫວັນ ແກ້ວພິລາຫວັນ ທີ່ຮັກແພງ ! ກິດຈະກຳໂຮງຮຽນອະນຸບານດັ່ງກ່າວແມ່ນຂອງຂວັນໂດຍສະຖານທູດ ຫວຽດນາມ ປະຈຳ ລາວ ແລະ ບໍລິສັດນ້ຳມັນເຊື້ອໄຟ PV OIL ລາວ ມອບໃຫ້ລູກຫຼານປະຊາຊົນບັນດາເຜົ່າບ້ານເຢາະ, ເມືອງ ບຸນເໜືອ, ແຂວງຜົ້ງສາລີ. ໂຄງການກໍ່ສ້າງໂຮງຮຽນອະນຸບານບ້ານເຢາະໃນເນື້ອທີ່ລວມເກືອບ 350m2. ໂຄງການລວມມີຫ້ອງຮຽນ 3 ຫ້ອງ, ຫ້ອງພັກຂອງຄູ 1 ຫ້ອງ, ບັນດາຫ້ອງນ້ຳ, ເຂດລະຫຼິ້ນກາງແຈ້ງພ້ອມດ້ວຍອຸປະກອນສຳຮອງສະຫງວນໃຫ້ຄູ ແລະ ເດັກຄື: ໂຕະຕັ່ງ, ກະດານ, ຊຸດເຄື່ອງຫຼິ້ນ…ດ້ວຍຍອດເງິນລົງທຶນ 100.000 USD. ໂຄງການປະກອບສ່ວນເພີ່ມທະວີນ້ຳໃຈມິດຕະພາບ ແລະ ການພົວພັນຮ່ວມມືຮອບດ້ານລະຫວ່າງ 2 ພັກ, 2 ລັດ ແລະ ປະຊາຊົນ 2 ປະເທດ ຫວຽດນາມ - ລາວ ເວົ້າລວມ ກໍ່ຄືລະຫວ່າງແຂວງ ຜົ້ງສາລີ ແລະ ສະຖານທູດ ຫວຽດນາມ ປະຈຳ ລາວ ເວົ້າສະເພາະ. ນີ້ແມ່ນການປະກອບສ່ວນສຳຄັນເຂົ້າໃນການພັດທະນາເສດຖະກິດ - ສັງຄົມ, ແຫຼ່ງຊັບພະຍາກອນມະນຸດຂອງແຂວງ ຜົ້ງສາລີ.
*****
ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນ ແລະ ຄຳຖາມຂອງຜູ້ຟັງບາງທ່ານທີ່ຝາກມາລາຍການ ໃນອາທິດຜ່ານມາ. ຖ້າຫາກ ຜູ້ຟັງ, ຜູ້ອ່ານທ່ານໃດ ມີຄວາມສົນໃຈຕໍ່ບັນຫາໃດໜຶ່ງ, ກໍ່ສາມາດຝາກຈົດໝາຍມາຍັງລາຍການຂອງພວກເຮົາໄດ້ເລີຍ ໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼື ໂທລະສັບມາໂດຍກົງກໍ່ໄດ້ ຕາມເບີໂທ 0084.438.256.631 ຫຼື ອີແມວ laovov5@gmail.com. ທ່ານຜູ້ຟັງກໍ່ສາມາດ Comment ໃນເວັບໄຊ vovworld.vn ຂອງພວກເຮົາ.