(vovworld) - ຕອນເຊົ້າວັນທີ 31/1 (ກົງກັບວັນທີ 4 ເດືອນຈຽງ), ຢູ່ຫໍພິພິທະພັນແຂວງ ກອນຕຸມ, ຄະນະກຳມະການປະຊາຊົນແຂວງ ກອນຕຸມ ໄດ້ໄຂງານບຸນລະດູບານໃໝ່ປີລະກາ 2017. ໃນຂອບເຂດງານບຸນນີ້, ມີການເຄື່ອນໄຫວວັດທະນະທຳທີ່ເປັນມູນເຊື້ອທີ່ເປັນເອກະລັກສະເພາະໄດ້ຮັບການຈັດຕັ້ງ, ດຶງດູດຊາວ ກອນຕຸມ ແລະ ແຂກທ່ອງທ່ຽວນັບພັນຄົນເຂົ້າຮ່ວມ. ທ່ານນາງ ຟ້າມທິຈູງ, ຜູ້ອຳນວຍການພະແນກວັດທະນະທຳ, ກິລາ ແລະ ທ່ອງທ່ຽວແຂວງ ກອນຕຸມ, ໃຫ້ຮູ້ວ່າ:
“ຫວັງວ່າ, ງານບຸນລະດູບານໃໝ່ປີລະກາ 2017 ຈະແນະນຳບັນດາມໍລະດົກວັດທະນະທຳທີ່ເປັນເອກະລັກສະເພາະຂອງຫຼາຍຊົນເຜົ່າເຖິງມະຫາຊົນ. ກ່ອນອື່ນໝົດແມ່ນບັນດາມໍລະດົກວັດທະນະທຳທີ່ລ້ຳຄ່າຂອງບັນດາເຜົ່າສ່ວນໜ້ອຍ ໄຕງວຽນ. ແລະ ພິເສດ, ດ້ວຍຄວາມຫວັງສ້າງບັນຍາກາດພົວພັນແລກປ່ຽນວັດທະນະທຳກ້ວາງຂວາງລະຫວ່າງບັນດາເຂດພາກ, ພະແນກວັດທະນະທຳ ກໍ່ໄດ້ແນະນຳບັນດາຈຸດທີ່ເປັນເອກະລັກສະເພາະຂອງວັດທະນະທຳພາກເໜືອໃນງານບຸນຄັ້ງນີ້, ເພື່ອແນໃສ່ເຊີດຊູບັນດາຄຸນຄ່າວັດທະນະທຳ ແລະ ສ້າງບັນຍາກາດເພື່ອໃຫ້ທຸກໆຄົນຊອກຮູ້ວັດທະນະທຳຂອງຊາດ ຫວຽດນາມ ຕື່ມອີກ.”