ພາບປະກອບ
|
(vovworld) – ຕອນບ່າຍວັນທີ 31/1 (ກົງກັບວັນທີ 4 ຂອງບຸນເຕັດ), ຕາມຄວາມສຳນຶກຂອງຊາວປະມົງແມ່ນວັນດີ, ກ່ຳປັ່ນຫາປານັບຮ້ອຍລຳຢູ່ບັນດາແຂວງຕອນໃຕ້ພາກກາງຄື: ຟູ໋ອຽນ, ແຄ໋ງຮ່ວາ ໄດ້ເດີນທະເລໄປຫາປາຢູ່ ເຈື່ອງຊາ.
ຢູ່ທ່າກ່ຳປັ່ນ ຮ່ອນເຣີ, ນະຄອນ ຍາຈາງ, ແຂວງ ແຄ໋ງຮ່ວາ, ກໍ່ໄດ້ເລີ່ມເຄື່ອນໄຫວຫາປາໃນຕອນຄຳວັນທີ 31/1, ນອກຈາກບັນດາກ່ຳປັ່ນຂອງຊາວປະມົງນະຄອນ ຍາຈາງ, ຍັງມີບັນດາກ່ຳປັ່ນຫາປາຂອງບັນດາແຂວງຄື: ບີ່ງດິ້ງ, ຟູ໋ອຽນ ກັບເມືອຕ້ອນຮັບບຸນປີໃໝ່ຢູ່ທີ່ນີ້. ທ່ານ ຫງວຽນຈູງຫ໋ຽວ, ຫົວໜ້າຄະນະຄຸ້ມຄອງ ທ່າກ່ຳປັ່ນ ຮ່ອນເຣີ, ນະຄອນຍາຈາງ, ແຂວງ ແຄ໋ງຮ່ວາ ໃຫ້ຮູ້ວ່າ:
“ພວກຂ້າພະເຈົ້າໄດ້ປະຈຳການເພື່ອຮັບໃຊ້ພໍ່ແມ່ປະຊາຊົນທຸກວັນ ແລະ ຄືນ, ສ້າງເງື່ອນໄຂໃຫ້ພໍ່ແມ່ປະຊາຊົນໄດ້ຂົນຖ່າຍສິນຄ້າຢ່າງວ່ອງໄວ. ພວກຂ້າພະເຈົ້າມີໂຮງງານຜະລິດນ້ຳກ້ອນ, ຮ້ານຂາຍນ້ຳກັບເຊື້ອໄຟ ຮັບໃຊ້ພໍ່ແມ່ປະຊາຊົນ, ຮັບໃຊ້ການອອກເດີນທະເລຫາປາໃນຕົ້ນປີໃໝ່ຂອງພໍ່ແມ່ປະຊາຊົນ.”