ກັບຄືນແຫ່ງກ່ອນນີ້ 70 ປີ ປະທານ ໂຮ່ຈີມິນ ອ່ານບົດກະວີອວຍພອນປີໃໝ່ທາງວິທະຍຸກະຈາຍສຽງ ຫວຽດນາມ

My Tra -

ວັນຈັນ ທີ 16 ມັງກອນ ຄ.ສ. 2017 | 0:00:00

(vovworld) - ຕອນຄຳ່ວັນທີ 17/1/2017, ຢູ່ສູນກາງກະຈາຍສຽງແຫ່ງຊາດ 58 ຖະໜົນ ກວ໋ານຊື໋, ຮ່າໂນ້ຍ, ວິທະຍຸກະຈາຍສຽງ ຫວຽດນາມ ຈັດຕັ້ງພິທີສະເຫຼີມສະຫຼອງ ວັນປະທານ ໂຮ່ຈີມິນ ອ່ານບົດກະວີອວຍພອນປີໃໝ່ ທາງວິທະຍຸກະຈາຍສຽງ ຫວຽດນາມ ແລະ ລາຍການສິລະປະ “ທຳນອງແຫ່ງພູຜາປ່າໄມ້ແລະແມ່ນ້ຳລຳເຊ“

ໃນການຕໍ່ຕ້ານສອງຄັ້ງ ຕ້ານລ່າເມືອງຂື້ນຝລັ່ງ ແລະ ຈັກກະພັດ ອາເມລິກາ, ວິທະຍຸກະຈາຍສຽງ ຫວຽດນາມ ຕ້ອງອົບພະຍົບເຖິງ 14 ເທື່ອ ເພື່ອຮັບປະກັນໃຫ້ຄື້ນກະຈາຍສຽງວິທະຍຸແຫ່ງຊາດ. ສະຖານທີ່ທຳອິດທີ່ ວິທະຍຸກະຈາຍສຽງ ຫວຽດນາມ ອົບພະຍົບມານັ້ນແມ່ນ ຮາງເຈິ່ມ (ຖ້ຳລອງຕຽນ) ທີ່ຂຶ້ນກັບຕາແສງ ຟຸ້ງເຈົາ, ເມືອງ ເຈືອງມີ້. ໃນຄຳ່ຄືນສົ່ງທ້າຍປີເກົ່າຕ້ອນຮັບປີໃໝ່ ປີກຸນ (1947), ຢູ່ແຫ່ງນີ້ທ່ານປະທານ ໂຮ່ຈີມິນ ໄດ້ອ່ານຈົດໝາຍອວຍພອນປີໃໝ່ປະຊາຊົນ, ນັກຮົບທົ່ວປະເທດ ແລະ ເພື່ອນມິດສາກົນຜ່ານຄື້ນກະຈາຍສຽງ ວິທະຍຸກະຈາຍສຽງ ຫວຽດນາມ ເປັນຄັ້ງທຳອິດ

ກັບຄືນແຫ່ງກ່ອນນີ້ 70 ປີ ປະທານ ໂຮ່ຈີມິນ ອ່ານບົດກະວີອວຍພອນປີໃໝ່ທາງວິທະຍຸກະຈາຍສຽງ ຫວຽດນາມ - ảnh 1

ວັດ ເຈິ່ງ, ແຫ່ງທຳອິດທີ່ວິທະຍຸກະຈາຍສຽງຫວຽດນາມອົບພະຍົບ

ເມື່ອໂອ້ລົມກັບພະນັກງານ, ກຳມະກອນ, ພາລະກອນ ວິທະຍຸກະຈາຍສຽງ ຫວຽດນາມ, ທ່ານປະທານ ໂຮ່ຈີມິນ ໄດ້ຍ້ອງຍໍຈິດໃຈກຽມພ້ອມຍອມຮັບຄວາມທຸກຍາກລຳບາກ, ຍ້າຍອອກຈາກນະຄອນຫຼວງເຂົ້າຮ່ວມການຕໍ່ຕ້ານຂອງໝູ່ຄະນະພະນັກງານ, ກຳມະກອນ, ພາລະກອນວິທະຍຸກະຈາຍສຽງ ຫວຽດນາມ ແລະ ປຸກລະດົມທຸກຄົນຍົກສູງຈິດໃຈກຸ້ມຕົນເອງ, ສາມັກຄີ, ມີຫົວຄິດປະດິດສ້າງ, ມີສະຕິລະວັງຕົວ, ຮັກສາຄື້ນກະຈາຍສຽງ, ຂົວເຊື່ອມຕໍ່ລະຫວ່າງລັດຖະບານ ແລະ ປະຊາຊົນ, ລະຫວ່າງ ຫວຽດນາມ ແລະ ໂລກ.

ກັບຄືນແຫ່ງກ່ອນນີ້ 70 ປີ ປະທານ ໂຮ່ຈີມິນ ອ່ານບົດກະວີອວຍພອນປີໃໝ່ທາງວິທະຍຸກະຈາຍສຽງ ຫວຽດນາມ - ảnh 2

ລຸງໂຮ່ຟັງຄືນບົດກ່າວປາໄສໄຂກອງປະຊຸມໃຫຍ່ຜູ້ແທນທົ່ວປະເທດຄັ້ງທີ3ຂອງພັກທີ່ລົດເຄື່ອນທີຂອງVOVເມື່ອວັນທີ5/9/1960

(ພາບເອກະສານ)

ວີດີໂອ ທ່ານ ເຈືອງມີງຕ໋ຽນ - ຮອງຜູ້ອຳນວຍການພະແນກວັດທະນະທຳ ກິລາ ຮ່າໂນ້ຍ ອວຍພອນໃຫ້ VOV ເນື່ອງໃນໂອກາດ 70 ປີແຫ່ງວັນປະທານ ໂຮ່ຈີມິນ ອ່ານບົດກະວີອວຍພອນປີໃໝ່ໃນຄື້ນຂອງ VOV