ການຮ່ວມມືດ້ານການຄ້າລະຫວ່າງ ບັນດາປະເທດອາຊຽນ
(vovworld) – ສະຫະສະມາຄົມບັນດາປະເທດອາຊີຕາເວັນອອກສ່ຽງໃຕ້ (ອາຊຽນ) ພວມຢືນຢັນແມ່ນໜຶ່ງໃນບັນດາແບບຢ່າງແຫ່ງການຮ່ວມມືພາກພື້ນສຳເລັດຜົນໃນໂລກ, ພິເສດແມ່ນດ້ານເສດຖະກິດ.
ຜ່ານເກືອບ 48 ປີແຫ່ງການສ້າງຕັ້ງ ແລະ ພັດທະນາ, ການຮ່ວມມືດ້ານເສດຖະກິດແມ່ນຂົງເຂດເຊິ່ງອາຊຽນ ບັນລຸໄດ້ດ້ວຍລະດັບເລິກເຊິ່ງ, ກວ້າງຂວາງທີ່ສຸດ. ບັນດາສະມາຊິກອາຊຽນ ພວມໃນທ່າເຊື່ອມໂຍງຢ່າງແຮງ, ເພື່ອມຸ່ງໄປເຖິງການສ້າງຕັ້ງປະຊາຄົມອາຊຽນ ໃນທ້າຍປີ 2015, ໃນນັ້ນມີເລື່ອງສ້າງຕັ້ງປະຊາຄົມເສດຖະກິດອາຊຽນ (AEC). ຕາມນັ້ນແລ້ວ, ອາຊຽນ ປາດຖະໜາຢາກສ້າງໂຄງປະກອບຮ່ວມສຳພັນດ້ານເສດຖະກິດໃນລະດັບສູງກວ່າ ອີງຕາມນະໂຍບາຍ, ກົດໝາຍ ແລະ ຂໍ້ກຳນົດທີ່ກ່ຽວຂ້ອງເຖິງການຄ້າ ແລະ ການລົງທຶນ. ຈຸດພິເສດໃນເນື້ອໃນກໍ່ສ້າງ AEC ແມ່ນ, ອາຊຽນ ບໍ່ພຽງແຕ່ເອົາໃຈໃສ່ເປັນພິເສດເຖິງບັນດາມາດຕະການຮ່ວມສຳພັນພາຍໃນກຸ່ມເທົ່ານັ້ນ, ຫາກລວມທັງບັນດາມາດຕະການເຊື່ອມໂຍງອາຊຽນ ກັບບັນດາພື້ນຖານເສດຖະກິດໃນທົ່ວໂລກອີກດ້ວຍ. ໃນໄລຍະຈະມາເຖິງ, ດ້ວຍຈິດໃຈຕັ້ງໜ້າ, ເປັນເຈົ້າການເຊື່ອມໂຍງ, ຫວຽດນາມ ຈະພ້ອມກັບບັນດາປະເທດອາຊຽນ ຊຸກຍູ້ວິວັດການກໍ່ສ້າງປະຊາຄົມອາຊຽນ, ພິເສດແມ່ນປະຊາຄົມເສດຖະກິດ, ຖືນີ້ແມ່ນບຸລິມະສິດສຸງ ແນໃສ່ສ້າງພື້ນຖານຢ່າງໝັ້ນຂົງ, ປະກອບສ່ວນເສີມຂະຫຍາຍບົດບາດ, ທີ່ຕັ້ງຂອງອາຊຽນ.
ໃນລາຍການພາບສາລະຄະດີນື້ນີ້, ບັນນາທິການ VOV ຈະທົບທວນຄືນບາງເຫດການສຳຄັນໃນການພົວພັນຮ່ວມມືດ້ານການຄ້າລະຫວ່າງຫວຽດນາມ ກັບບັນດາປະເທດສະມາຊິກອື່ນຂອງອາຊຽນຄື: ລາວ, ໂທ, ອິນໂດເນຍເຊີຍ ແລະ ກຳປູເຈຍ.
|
ຫວຽດນາມ - ລາວ
 |
|
ການເຈລະຈາຮ່ວມມືເສດຖະກິດລະຫວ່າງບັນດາແຂວງໄຕງວຽນ, ທິດໃຕ້ພາກກາງຂອງຫວຽດນາມກັບບັນດາແຂວງທິດໃຕ້ພາກກາງຂອງລາວ.
ທີ່ການໂອ້ລົມສົນທະນາ ເມື່ອວັນທີ 03/11/2014,
2 ຝ່າຍໄດ້ສຸມໃສ່ແລກປ່ຽນ ເພື່ອແກ້ໄຂຄວາມຫຍຸ້ງຍາກຂອງນັກລົງທຶນ ຫວຽດນາມຢູ່ບັນດາແຂວງທາງທິດໃຕ້ພາກກາງຂອງລາວ. ໃນນັ້ນໄດ້ວາງອອກບັນດາມາດຕະການ ເພື່ອແນໃສ່ເພີ່ມທະວີການຮ່ວມມືດ້ານເສດຖະກິດລະຫວ່າງຫວຽດນາມ ແລະ ລາວ, ໂດຍສະເພາະແມ່ນໃນຂົງເຂດລົງທຶນການຄ້າ.
(ພາບ: centralinvest.gov.vn)
|
 |
| ສັນຍາການຄ້າ 2 ຝ່າຍສະບັບໃໝ່ລະຫວ່າງຫວຽດນາມ ແລະ ລາວ, ໄດ້ລົງນາມໃນວັນທີ 03/03/2015, ຢູ່ສຳນັກງານກະຊວງອຸດສາຫະກຳການຄ້າລາວ, ແທນໃຫ້ສັນຍາການຄ້າລະຫວ່າງຫວຽດນາມ - ລາວ ທີ່ໄດ້ລົງນາມເມື່ອປີ 1998. ຕາມນັ້ນແລ້ວ, ຫວຽດນາມ ແລະ ລາວ ໄດ້ລົບລ້າງພາສີອາກອນສຳລັບສິນຄ້າກວ່າ 95% ແລະ ສະຫງວນຂໍ້ກຳນົດການປະພຶດແຫ່ງຊາດພິເສດສຳລັບສິນຄ້າ ທີ່ມີຕົ້ນກຳເນີດຈາກ 2 ປະເທດ. |
 |
ງານວາງສະແດງ ແລະ ກອງປະຊຸມສຳມະນາ “ສົ່ງເສີມການລົງທຶນ, ການຄ້າ, ການທ່ອງທ່ຽວນະຄອນໂຮ່ຈິມິນ ເຂົ້າລາວ”. ງານວາງສະແດງ ແລະ ກອງປະຊຸມສຳມະນາດຳເນີນໃນວັນທີ 07/04/2015, ຢູ່ນະຄອນຫຼວງວຽງຈັນ, ແມ່ນໂອກາດເພື່ອໃຫ້ບັນດາວິສາຫະກິດລາວ ແລະ ນະຄອນໂຮ່ຈິມິນ ແລກປ່ຽນຂໍ້ມູນຂ່າວ, ຊອກຫາບັນດາໂຄງການ ແລະ ຄູ່ຮ່ວມມືທີ່ເໝາະສົມ, ສ້າງຕັ້ງການພົວພັນຄູ່ຮ່ວມມືດຳເນີນທຸລະກິດຢ່າງໝັ້ນຂົງ: ຍາວນານ.
(ພາບ: nhandan.com.vn)
|
|
ຫວຽດນາມ - ໄທ
 |
| ໄທ ປາດຖະໜາພ້ອມກັບຫວຽດນາມ ສ້າງເຄືອຂ່າຍບັນດາປະເທດຜະລິດຢາງພາລາ. ນັ້ນແມ່ນຄຳຢືນຢັນຂອງລັດຖະມົນຕີວ່າການກະຊວງກະສິກຳ ແລະ ສະຫະກອນໄທທີ່ການພົບປະກັບທ່ານລັດຖະມົນຕີວ່າການກະຊວງກະສິກຳ ແລະ ພັດທະນາຊົນນະບົດ ຫວຽດນາມ ກາວກຶກຟ໋າດ, ເນື່ອງໃນໂອກາດມາຢ້ຽມຢາມຫວຽດນາມ ໃນເດືອນ 03/2015 ຜ່ານມາ. |
 |
ກອງປະຊຸມຂ່າວກ່ຽວກັບງານວາງສະແດງຂະແໜງອຸດສາຫະກຳຕຳແຜ່ນຕັດຫຍິບ ຈະຖືກດຳເນີນໄປໃນລະຫວ່າງວັນທີ 09 – 12/07/2015, ທີ່ບາງກອກ, ປະເທດໄທ ດ້ວຍຫົວຂໍ້ວ່າ, ຍົກສູງກຳລັງແກ່ງແຍ້ງໃນສະພາບ ເຊື່ອມໂຍງເຂົ້າກັບຕະຫຼາດລວມອາຊຽນ.
(ພາບ: vietnam.vnanet.vn)
|
 |
ຂະແໜງລົດໂອໂຕຂອງຫວຽດນາມ ແລະ ໄທ ພ້ອມກັນຮ່ວມມືເພື່ອພັດທະນາ ແທນທີ່ແກ່ງແຍ້ງ. ນັ້ນແມ່ນຄຳຢືນຢັນຂອງຫົວໜ້າສະຖາບັນລົດໂອໂຕໄທ ທີ່ການເຈລະຈາ “ເພີ່ມທະວີມູນຄ່າຜະລິດລົດໂອໂຕ ແລະ ລົດຈັກຂອງຫວຽດນາມ ໃນພາກພື້ນອາຊຽນ” ເຊິ່ງຖືກດຳເນີນໄປຢູ່ນະຄອນໂຮ່ຈິມິນ ໃນຕອນບ່າຍວັນທີ 02/04/2015.
(ພາບ:nguyentandung.org)
|
|
ຫວຽດນາມ - ອິນໂດເນເຊຍ
 |
ທີ່ການພົບປະລະຫວ່າງທ່ານປະທານາທິບໍດີອິນໂດເນເຊຍ Joko Widoo ແລະ ທ່ານປະທານປະເທດຫວຽດນາມ ເຈືອງເຕີນຊາງ ຢູ່ນອກກອງປະຊຸມຂັ້ນສູງ APEC ຢູ່ປັກກິງ, ປະເທດຈີນ, ເມື່ອເດືອນ 11/2014. ການນຳ 2 ທ່ານໄດ້ເຫັນດີຍົກວົງເງິນການຄ້າ 2 ສົ້ນຂຶ້ນເຖິງ 10 ຕື້ USD ໃນປີ 2018.
(ພາບ: TTXVN)
|
 |
Kadin - Indonesia: ເວທີປາໄສດຳເນີນທຸລະກິດກັບຫວຽດນາມ ໂດຍທ່ານປະທານປະເທດຫວຽດນາມ ເຈືອງເຕີນຊາງ ເປັນປະທານ ຢູ່ຈາກາກຕາ, ເມື່ອເດືອນ 06/2013, ເພື່ອແນໃສ່ເພີ່ມທະວີການຮ່ວມມືລົງທຶນລະຫວ່າງ 2 ປະເທດ.
(ພາບ: swa..co.id)
|
 |
|
VCCI ໄດ້ສົມທົບກັບສະຖານທູດອິນໂດເນເຊຍ ປະຈຳຫວຽດນາມ ແລະ ອົງການສົ່ງເສີມການລົງທຶນອິນໂດເນເຊຍ ຈັດຕັ້ງເວທີປາໄສການລົງທຶນ ແລະ ການຄ້າລະຫວ່າງຫວຽດນາມ - ອິນໂດເນເຊຍ.
(ພາບ: VCCI)
|
|
ຫວຽດນາມ - ກຳປູເຈຍ
 |
|
ກອງປະຊຸມຍູ້ແຮງການພັດທະນາການຄ້າຊາຍແດນລະຫວ່າງຫວຽດນາມ ກຳປູເຈຍ, ເຊິ່ງຖືກດຳເນີນໄປເມື່ອວັນທີ 09/01/2012, ຢູ່ແຂວງ ບິ່ງເຟືອກ.
(ພາບ: binhphuoc.gov.vn)
|
 |
| ງານວາງສະແດງການຄ້າ, ການທ່ອງທ່ຽວ, ການບໍລິການລະຫວ່າງຫວຽດນາມ - ກຳປູເຈຍ 2015, ຖືກດຳເນີນໄປໃນລະຫວ່າງວັນທີ 01 – 05/04/2015. |
 |
ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ແລະ ທ່ານນາຍົກລັດຖະມົນຕີກຳປູເຈຍ Hun Sen ໄດ້ລົງລາຍເຊັນເປັນທີ່ລະນຶກໃນພິທີເປີດສະຫຼອງບໍລິສັດຫຼັກຊັບ CVS, ເຊິ່ງຖືກດຳເນີນໄປຢູ່ກຳປູເຈຍໃນລະຫວ່າງວັນທີ 23 – 24/04/2013
(ພາບ: sggp.org.vn)
|
ປະຈຸບັນ, ອາຊຽນມີຈຸດໝາຍລະອຽດນັ້ນແມ່ນ ສ້າງຕັ້ງຕະຫຼາດດ່ຽວໃນທ້າຍປີ 2015. ມີໂຄງການໃຫຍ່ພວມໄດ້ຮັບການຜັນຂະຫຍາຍ ເພື່ອແນໃສ່ຊ່ວຍອາຊຽນສ້າງບັນດາຂໍກຳນົດໃຫ້ເຂດການຄ້າເສລີດັ່ງກ່າວ, ຕົວຢ່າງຄືເຮັດໃຫ້ມາດຕະຖານອຸດສາຫະກຳ ແລະ ລະບຽບການດ້ານພາລີລະຫວ່າງບັນດາປະເທດສະມາຊິກອາຊຽນ ມີຄວາມກົມກຽວກັນ.