(VOV5) - ດອກງິ້ວໄດ້ເຂົ້າສູ່ພື້ນຖານວັນນະຄະດີ, ກາບກອນ ແລະ ຝັງເລິກໃນຄວາມຊົງຈຳແຕ່ຄາວເຍົາໄວຂອງບັນດາຜູ້ຄົນທີ່ດຳລົງຊີວິດຢູ່ແດນໄກ ຍ້ອນ ດອກງິ້ວປະກົດຕົວຢູ່ຕາມບ່ອນທີ່ເປັນຂີດໝາຍອະນຸສອນແຫ່ງບ້ານເກີດ ເມືອງນອນ…
ດອກງິ້ວຕິດພັນກັບລະດູບານໃໝ່ຢູ່ເຂດບ້ານນາພາກເໜືອ. ຮອດເດືອນ 2, ໃບຂອງຕົ້ນງິ້ວຖືກຫຼົ່ນໝົດກ້ຽງ ແລະ ກາຍເປັນຕົ້ນໄມ້ແກ່ນຫຼ້ອນຢູ່ຫົວບ້ານ, ແລ້ວກໍຮອດເດືອນ 3 ຊຶ່ງແມ່ນຍາມລະດູບານໃໝ່, ອາກາດຊຸ່ມປຽກ, ດອກງິ້ວແດງພາກັນບານສະພັ່ງ ເອ້ຄວາມງາມ.
ດອກງິ້ວຖືກເອີ້ນດ້ວຍຫຼາຍຊື່ແຕກຕ່າງກັນ ຊຶ່ງຕິດພັນກັບກັບແຕ່ລະເຂດບ້ານນາຢູ່ຫວຽດນາມ. ສະເພາະເຂດໄຕງວຽນຍັງເອີ້ນວ່າ “ ດອກເປິລາງ”
ເມື່ອເຫັນເງົາຂອງຕົ້ນງິ້ວ, ຜູ້ຄົນທັງຫຼາຍຮູ້ໂລດວ່າ ນັ້ນແມ່ນຫົວບ້ານ ເພາະເມື່ອກ່ອນນີ້, ເກືອບຄືວ່າ ຢູ່ໝູ່ບ້ານໃດກໍມີຕົ້ນງິ້ວໃຫຍ່ຢູ່ຫົວບ້ານ. ດອກງິ້ວໄດ້ເຂົ້າສູ່ພື້ນຖານວັນນະຄະດີ, ກາບກອນ ແລະ ຝັງເລິກໃນຄວາມຊົງຈຳຄາວເຍົາໄວທີ່ສະຫງົບສຸກຂອງຊາວບ້ານ ແລະ ນັບທັງບັນດາຜູ້ຄົນທີ່ດຳລົງຊີວິດຢູ່ແດນໄກ ຍ້ອນດອກງິ້ວປະກົດຕົວຢູ່ຕາມບ່ອນທີ່ເປັນຂີດໝາຍອະນຸສອນດ້ວຍສີແດງປົກຄຸມໄປລຽບຕາມລຳແມ່ນ້ຳ, ທ່ານ້ຳ, ຫ້າງຮ້ານຕ່າງໆ ແລະ ຢູ່ຕາມທົ່ງໄຮ່ທົ່ງນາ…
ສຳລັບຊາວກະສີກອນ, ດອກງິ້ວຍັງເປັນສັນຍານບົ່ງບອກຈຸດເວລາເພື່ອດຳເນີນບາງການເຄື່ອນໄຫວຜະລິດກະສິກຳ, ຄືດັ່ງຄຳສຸພາສິດທີ່ວ່າ :
“ ເມື່ອໃດເຫັນແມງຫິ່ງຫ້ອຍບິນມາ
ດອກງິ້ວເລີ່ມຫຼົ່ນ ກໍຫວ່ານເມັດງາ ”
ສຳລັບເດັກນ້ອຍ, ດອກງິ້ວກໍກາຍເປັນເຄື່ອງຫຼິ້ນທີ່ຈັບໃຈ. ໃນວັນນີ້, ລະດູດອກງິ້ວ ກໍໄດ້ກາຍເປັນຍາມລະຫຼິ້ນມ່ວນຊື່ນຂອງເດັກ ແລະ ກໍແມ່ນຍາມທີ່ບັນດານັກຖ່າຍຮູບເດີນທາງໄປຖ່າຍເອົາຮູບທີ່ສວຍງາມໃຫ້ແກ່ຕົນ.
1. ດອກງິ້ວຢູ່ຕາແສງລ້າງເຊີນ, ເມືອງອຽນຢຸງ, ແຂວງບັກຢາງ
2. ຕົ້ນງິ້ວທີ່ນະຄອນນາມດິ້ງ
3. ຕົ້ນງິ້ວຢູ່ຕາແສງກວາງບີງ, ເມືອງກ້ຽນເຊືອງ, ແຂວງທ້າຍບີງ
4. ກຸ່ມຕົ້ນງິ້ວໃນບ້ານດວານນື້, ຕາແສງອານມີ້, ເມືອງມີ້ດຶກ, ຮ່າໂນ້ຍ
ຕົ້ນງິ້ວຢູ່ທ່າເຮືອບ້ານດວາຍ, ຕາແສງຕາມຢາງ, ເມືອງອຽນຟອງ, ແຂວງບັກນິງ