vovworld - ໂດຍໄດ້ຮັບຄຳເຊີນຂອງທ່ານນາງປະທານສະພາແຫ່ງຊາດຫວຽດນາມ ຫງວຽນທິກີມເງິນ, ຄະນະຜູ້ແທນຂັ້ນສູງສະພາແຫ່ງຊາດ ສປປ ລາວ ໂດຍທ່ານນາງ ປານີ ຢາທໍ່ຕູ້, ປະທານສະພາແຫ່ງຊາດ ລາວ ນຳຫນ້າ ໄດ້ມາຢ້ຽມຢາມສັນຖະວະໄມຕີ ຫວຽດນາມ ຢ່າງເປັນທາງການ ແຕ່ວັນທີ 5-10/3.
ເວລາ 8 ໂມງ 30 ນາທີ, ພິທີຕ້ອນຮັບ ທ່ານນາງ ປານີ ຢາທໍ່ຕູ້, ປະທານສະພາ
ແຫ່ງຊາດ ລາວ ແລະ ຄະນະຜູ້ແທນຂັ້ນສູງສະພາແຫ່ງຊາດ ສປປ ລາວ
ໄດ້ດຳເນີນຢ່າງສົມກຽດຢູ່ ຫໍສະພາແຫ່ງຊາດ.
ພາຍຫລັງພິທີຕ້ອນຮັບ, ທ່ານນາງປະທານສະພາແຫ່ງຊາດຫວຽດນາມ
ຫງວຽນທິກີມເງິນ ໄດ້ເປັນເຈົ້າພາບການເຈລະຈາ.
ທ່ານນາງປະທານສະພາແຫ່ງຊາດຫວຽດນາມ
ຫງວຽນທິກີມເງິນທີ່ການເຈລະຈາ.
ທ່ານນາງ ປານີ ຢາທໍ່ຕູ້, ປະທານສະພາແຫ່ງຊາດ ລາວ.
ການຢ້ຽມຢາມສັດຖະວະໄມຕີຫວຽດນາມ ຢ່າງເປັນທາງການຂອງຄະນະຜູ້ແທນຂັ້ນສູງສະພາແຫ່ງຊາດ ສປປ ລາວ ໂດຍທ່ານນາງ ປານີ ຢາທໍ່ຕູ້,ກຳມະການກົມການເມືອງ, ປະທານສະພາແຫ່ງຊາດ ລາວ ນຳຫນ້າ ເພື່ອແນໃສ່ສືບຕໍ່ພັດທະນາການພົວພັນທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດລາວ-ຫວຽດນາມ.
ການຢ້ຽມຢາມເພື່ອແນໃສ່ປະຕິບັດບັນດາຄຳໝັ້ນສັນຍາກ່ຽວກັບການແລກປ່ຽນຄະນະການນຳຂັ້ນສູງຂອງສະພາແຫ່ງຊາດກໍຄືບັນດາການຮ່ວມມືອື່ນຕາມເນື້ອໃນຈິດໃຈຂໍ້ຕົກລົງຮ່ວມມືທີ່ໄດ້ຮັບການລົງນາມລະຫວ່າງສະພາແຫ່ງຊາດຫວຽດນາມ ແລະ ສະພາແຫ່ງຊາດລາວ.
ການຢ້ຽມຢາມດຳເນີນໃນສະພາບການສອງປະເທດພວມມຸ່ງໄປສູ່ການສະເຫລີມສະຫລອງ 55 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງສອງປະເທດ ແລະ 40 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງຫວຽດນາມ ແລະລາວ ປີ 2017.
ພາຍຫລັງການເຈລະຈາ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກີມເງິນ ແລະ ທ່ານນາງ ປານີ ຢາທໍ່ຕູ້, ປະທານສະພາແຫ່ງຊາດ ລາວ ພ້ອມກັນດຳເນີນພິທີລົງນາມໃນຂໍ້ຕົກລົງຮ່ວມມືລະຫວ່າງສະພາແຫ່ງຊາດຫວຽດນາມ ແລະລາວ.
ປະທານສະພາແຫ່ງຊາດທັງສອງທ່ານນາງພ້ອມກັນເປັນສັກຂີພິຍານພິທີລົງນາມ
ໃນຂໍ້ຕົກລົງຮ່ວມມືລະຫວ່າງຫ້ອງວ່າການສະພາແຫ່ງຊາດຫວຽດນາມ
ແລະ ຫ້ອງວ່າການສະພາແຫ່ງຊາດລາວ.
ກ່ອນຫນ້ານັ້ນ, ຄະນະຜູ້ແທນຂັ້ນສູງສະພາແຫ່ງຊາດ ສປປ ລາວ
ໄດ້ໄປວາງພວງມາລາ ແລະ ເຂົ້າຢ້ຽມສຸສານປະທານໂຮ່ຈິມີນ.