ທຳນຽບເອກະລາດສະຖານທີ່ແຫ່ງປະຫວັດສາດໃນວັນປົກປ່ອຍ ໄຊງ່ອນ 30/04/1975
Tran Tuan -
ທຳນຽບເອກະລາດມີເນື້ອທີ່ກ້ວາງ 12 ເຮັກຕາ, ແມ່ນສະຖານທີ່ແຫ່ງປະຫວັດສາດໃນວັນປົກປ່ອຍ ໄຊງ່ອນ 30/04/1975. ປະຈຸບັນສະຖານທີ່ແຫ່ງນີ້ ໄດ້ດຶງດູດນັກທ່ອງທ່ຽວຈຳນວນຫລວງຫລາຍ ແລະ ແມ່ນປູຊະນີຍະຊະຖານປະຫວັດສາດທີ່ມີຊື່ສຽງຂອງນະຄອນ ໂຮ່ຈີມິນ ແລະ ຫວຽດນາມ.
ທຳນຽບແຫ່ງນີ້ ໂດຍອຳນາດການປົກຄອງ ຝະລັ່ງ ລົງມືກໍ່ສ້າງດ້ວຍຊື່ເອີ້ນວ່າ ທຳນຽບຜູ້ວ່າການ ນາມກີ່ (ພາກໃຕ້), ຜ່ານການເວລາສະຖານທີ່ແຫ່ງນີ້ໄດ້ຮັບການປ່ຽນຊື່ຕາມລຳດັບວ່າ: ທຳນຽບຜູ້ມີອຳນາດເຕັມ, ທຳນຽບ Dorodom, ທຳນຽບເອກະລາດ.
|
ພິເສດ ໃນທຳນຽບເອກະລາດ ມີຫລາຍຫ້ອງໄດ້ຮັບການປະດັບປະດາຕາມສະຖາປັດຕະຍະກຳທີ່ແຕກຕ່າງກັນ ອີງຕາມຈຸດປະສົງຂອງການນຳໃຊ້. ໃນພາບດັ່ງກ່າວແມ່ນຫ້ອງປະຊຸມຄະນະລັດຖະບານຂອງລະບອບເກົ່າ.
|
ອີງຕາມຈຸດປະສົງຂອງການນຳໃຊ້ ທຳນຽບມີຫລາຍຫ້ອງຄື: ຫ້ອງປະຊຸມສະພາລັດຖະບານ, ຫ້ອງເຮັດວຽກຂອງປະທານາທິບໍດີ, ຮອງປະທານາທິບໍດີ, ຫ້ອງຍື່ນສານຕາຕັ້ງ….
|
ຫ້ອງໂຖງສາມາດບັນຈຸແຂກໄດ້ 500 ຄົນ, ແມ່ນແຫ່ງຈັດຕັ້ງການກອງປະຊຸມ, ງາມລ້ຽງ, ການສະເໜີຕົວຄະນະລັດຖະບານ. ເດືອນ 11/1975 ຢູ່ທີ່ນີ້ ໄດ້ດຳເນີນກອງປະຊຸມເຈລະຈາດ້ານການເມືອງ ປຶກສາຫາລືບັນດາບັນຫາເອກະພາບ 2 ພາກໃຕ້-ເໜືອ.
|
ຫ້ອງຮັບແຂກຂອງຮອງປະທານາທິດໍດີຢູ່ຊັ້ນ 2
|
ທີ່ເດີນທຳນຽບເອກະລາດໄດ້ວາງສະແດງລົດຖັງ 2 ຄັນ, ທີ່ໜຶ່ງແມ່ນລົດຖັງມີໝາຍເລກ 843 ຂອງທະຫານປົກປ່ອຍຂຶ້ນກັບກອງຮ້ອຍ 4, ກອງພັນນ້ອຍທີ 1, ກອງພົນນ້ອຍລົດຖັງ 203, ກອງພົນໃຫຍ່ 2 ນຳໜ້າຮູບແຖວໄດ້ຕຳໃສ່ປະຕູສຳຮອງຂອງທຳນຽບເອກະລາດໃນເວລາ 10 ໂມງ 45 ນາທີວັນທີ 30/04/1975.
|
ລົດຖັງທີ່ຍັງເຫຼືອມີໝາຍເລກ 390 ແມ່ນລົດທີ່ຕຳໃສ່ປະຕູໂຂງທຳນຽບເອກະລາດໃນເວລາ 11 ໂມງ 30 ນາທີໃນວັນທີ 30/04/1975. ຮ້ອຍຕີ ບູຍກວາງເທີ້ນ - ຫົວໜ້າກອງຮ້ອຍຜູ້ບັນຊາລົດຖັງ 843 ໄດ້ຊັກທຸງແນວໂຮມປົດປ່ອຍຊາດພາກໃຕ້ ຫວຽດນາມ ສິ້ນສຸດບັ້ນຮົບ ໂຮ່ຈີມິນ.
|
ທຳນຽບເອກະລາດໄດ້ຮັບການກໍ່ສ້າງໃນເນື້ອທີ່ 4.5000 m2, ເນື້ອທີ່ນຳໃຊ້ 20.000 m2, ລວມມີ 3 ຊັ້ນ. ປະຈຸບັນຍັງມີເອລີກອບຄັນໜຶ່ງທີ່ມີໝາຍເລກ UH1 ນີ້ແມ່ນເຮືອບິນສູ້ຮົບ ໂດຍບໍລິສັດ Bell (ອາເມລິກາ) ຜະລິດ, ປະກອບໃຫ້ ອາເມລິກາ ປີ 1959 ເພື່ອນຳໃຊ້ໃນ ສົງ ຄາມ ຫວຽດນາມ ປີ 1962.
|
ຊັ້ນໃຕ້ດິນປະກອບດ້ວຍ ຫລາຍຫ້ອງຄື: ຫ້ອງຕິດຕໍ່ສື່ສານ, ໂທລະເລກ, ໂທລະສັບ …ຊັ້ນໃຕ້ດິນໄດ້ຮັບການອອກແບບ ແບບຖາວອນ ສາມາດທົນທານກັບລະເບີດເຖິງ 500 ໂຕນໄດ້. ແລະຊັ້ນໃຕ້ດິນຊັ້ນ 2 ສາທາດທົນທານລະເບີດເຖິງ 2.000 ໂຕນໄດ້.
|
Tran Tuan