(vovworld)- ຢູ່ຫວຽດນາມ, ຮູບປັ້ນດິນເຜົາໄດ້ຖືກຜະລິດກ່ອນນີ້ນັບພັນປີ. ຮູບປັ້ນດິນເຜົາບໍ່ພຽງແຕ່ຕອບສະຫນອງຄວາມຕ້ອງການດ້ານຄວາມງາມໃນການດຳເນີນຊີວິດຂອງຊາວຫວຽດເທົ່ານັ້ນ ຫາກຍັງເພື່ອຮັບໃຊ້ການດຳເນີນພິທີບູຊາ, ຮັບໃຊ້ການເຫຼື້ອໃສສາສະໜາອີກດ້ວຍ. ງານວາງສະແດງ “ຮູບປັ້ນດິນເຜົາບູຮານຫວຽດນາມ“ ພວມຈັດຂຶ້ນຢູ່ຫໍພິພິຕະພັນປະຫວັດສາດແຫ່ງຊາດ ໄດ້ຊ່ວຍໃຫ້ຜູ້ຊົມເຂົ້າໃຈບັນດາຄຸນຄ່າດ້ານປະຫວັດສາດ, ວັດທະນະທຳ, ສິລະປະຊ້ອນແຝງໃນເຄື່ອງປັ້ນດິນເຜົາ ແລະ ວິວັດການພັດທະນາຂອງສິລະປະປັ້ນດິນເຜົາບູຮານຂອງຊາດຫວຽດນາມ ໃນຂະບວນວິວັດແຫ່ງການພັດທະນາຂອງປະຫວັດສາດແຫ່ງຊາດ.
(ພາບ: laodong.com.vn/)
ວັດຖຸພັນກ່ວາ 70 ຢ່າງໄດ້ນຳມາວາງສະແດງທີ່ງານວາງສະແດງຫົວເລື່ອງສະເພາະ “ຮູບປັ້ນດິນເຜົາບູຮານຫວຽດນາມ“ ມີມາແຕ່ປະມານ 4000 ປີກ່ອນຊື່ງເຮັດວ້ວຍດິນເຜົາ, ເຄື່ອງເຄືອບດິນເຜົາ…ຊື່ງໄດ້ວາງສະແດງຕາມ 3 ຮູບແບບຄື: ຮູບປັ້ນຕົວຈິງ; ຮູບປັ້ນຮັບໃຊ້ສາສະໜາ, ການເຫຼື້ອມໃສ; ຮູບປັ້ນໃຊ້ໃນການປະດັບປະດາ, ສະຖາປັດຕະຍາກຳ. ໃນສິລະປະປັ້ນດິນເຜົາບູຮານຫວຽດນາມ, ຮູບປັ້ນດິນເຜົາຕົວຈິງນັບມື້ນັບໄດ້ຮັບການເຜີຍແຜ່ທົ່ວໄປຍ້ອນນີ້ແມ່ນບັນດາຜະລິດຕະພັນວິຈິດຕະກຳຮັບໃຊ້ໃຫ້ແກ່ການປະດັບປະດາ, ຊົມໃຊ້ຄວາມງາມໃນຊີວິດ ປະຈຳວັນ ຂອງປະຊາຄົມ. ນີ້ກໍ່ແມ່ນງານວາງສະແດງບັນດາວັດຖຸເພື່ອຜະລິດເຄື່ອງປັ້ນດິນເຜົາທີ່ອຸດົມສົບບູນທີ່ສຸດ, ປະເພດນຳໃຊ້ທີ່ມີຫຼາຍຮູບຫຼາຍສີ ແລະ ມີຫົວເລື່ອງສະແດງຫຼາຍຢ່າງຄື: ມະນຸດ, ນົກປະເພດຕ່າງໆ, ສັດລ້ຽງ…ທີ່ໃກ້ຊິດກັບຊີວິດຂອງມະນຸດ. ເມື່ອແນະນຳກ່ຽວກັບຮູບປັ້ນດິນເຜົາຕົວຈິງ, ເອື້ອຍດັ້ງທິຮ່ຽນ ຜູ້ແນະນຳຂອງຫໍພິພິຕະພັນປະຫວັດສາດແຫ່ງຊາດຫວຽດນາມ ໃຫ້ຮູ້ວ່າ:
“ນັບແຕ່ກ່ອນນີ້ 3500 ປີໄດ້ຄົ້ນພົບຮູບປັ້ນງົວ, ຮູບປັ້ນໄກ່. ຫລັງຈາກນັ້ນ, ຮອດສັດຕະວັດທີ 1, ທີ 2 ໄດ້ຄົ້ນພົບບັນດາຮູບປັ້ນໝູ. ໃນສັດຕະວັດທີ 11, 13 ສະໄໝລາຊະວົງຫຼີ, ເຈິ່ນ, ເຫັນມີບັນດາເຄື່ອງປັ້ນດິນເຜົາ ແລະ ຮອດສັດຕະວັດທີ 16, 17 ແມ່ນເຫັນມີເຄື່ອງປັ້ນດິນເຜົາບາດຈ່າງ“.
(ພາບ: laodong.com.vn/)
ຮູບປັ້ນດິນເຜົາບູຮານຫວຽດນາມຮັບໃຊ້ໃຫ້ແກ່ສາສະໜາ, ການເຫຼື້ອມໃສເປັນຕົ້ນແມ່ນຮູບປັ້ນສາສະໜາ ແລະ ຮູບປັ້ນບັນດາເທວະດາໃນການເຫຼື້ອມໃສພື້ນເມືອງ. ຮູບປັ້ນສາສະໜາກໍ່ມີຫຼາຍຮູບແບບແຕ່ປະກົດເຫັນຫຼາຍກ່ວາໝູ່ແມ່ນຮູບປັ້ນພະພູດທະເຈົ້າ, ເຈົ້າແມ່ກວານອິນ …..ເຮັດເພື່ອບູຊາ. ສິ່ງດັ່ງກ່າວສະແດງໃຫ້ເຫັນຜ່ານບັນດາຫົວຮູບປັ້ນສະໄໝລາຊະວົງຫຼີ ໃນສັດຕະວັດທີ 11-13. ເອື້ອຍດັ້ງທູຮ່ຽນ ໃຫ້ຮູ້ຕື່ມອີກວ່າ:
“ບັນດາຫົວຮູບປັ້ນມີມາແຕ່ສັດຕະວັດທີ 11-13. ບັນດາຮູບປັ້ນໃນສະໄໝນັນສະແດງໃຫ້ເຫັນວ່າສິລະປະເຮັດເຄື່ອງປັນດິນເຜົາ, ເຄືອບໄລຍະນີ້ພັດທະນາດີທີ່ສຸດ“.
ຮູບປັ້ນເທວະດາກໍ່ມີຫຼາຍຮູບແບບ, ແຕ່ລະຮູບແບບລ້ວນແຕ່ມີຄວາມໝາຍເອກະລັກສະເພາະ, ຕິດພັນກັບບັນດາຄວາມເຊື່ອຖືສາສະໜາ, ຈິດວິນຍານເພື່ອພາວະນາຂໍໃຫ້ສຸຂະພາບແຂງແຮງ, ຂໍຄວາມສະຫງົບສຸກ, ໂຊກດີ…ນອກຈາກນັ້ນ, ຍ້ອນບັນດາພິທີບູຊານັບມື້ນັບມີຫຼາຍຮູບຫຼາຍແບບ, ການຜະລິດຮູບປັ້ນວົງມົນນັບມື້ນັບໄດ້ຮັບການເຜີຍແຜ່. ຮູບປັ້ນຮັບໃຊ້ໃຫ້ແກ່ການເຫຼື້ອມໃສ, ສາສະໜາບໍ່ພຽງແຕ່ມີລັກສະນະຈິດວິນຍານເທົ່ານັ້ນ, ຫາກຍັງມີຄວາມໝາຍຕອບສະໜອງທຸກຄວາມຕ້ອງການຂອງຊີວິດມວນມະນຸດອີກດ້ວຍ.
ນອກຈາກບັນດາຮູບປັ້ນຮັບໃຊ້ການເຫຼື້ອມໃສ, ສາສະໜາແລ້ວ, ຍັງມີກຸ່ມຮູບປັ້ນປະດັບປະດາ, ສະຖາປັດຕະຍາກຳ, ຮູບປັ້ນດິນເຜົາໃຊ້ໃນການປະດັບປະດາ, ສະຖາປັດຕະຍາກຳໄດ້ຜະລິດຕາມຮູບສັດເພື່ອປະດັບປະດາຫຼັງຄາຂອງບັນດາກິດຈະກຳໃນລາຊະວັງ ແລະ ກິດຈະກຳສາສະໜາຄື: ວັດວາອາຮາມ, ສາລາບ້ານ, ວິຫານ….ນອກຈາກນັ້ນ, ສອງເບື້ອງບັນດາກິດຈະກຳສະຖາປັດຕະຍາກຳສາສະໜາເຄີຍຖືກຕິດສິງຄູ່ 1 ຫຼື ເງ ຫັນໜ້າໃສ່ກັນ. ເງແມ່ນ 1 ໃນບັນດາຫົວເລື່ອງປະດັບປະດາຖືກເຜີຍແຜ່ຫຼາຍໃນສິລະປະແກ້ຄວັດສະລັກ, ສະຖາປັດຕະຍາກຳຂອງຊາວຫວຽດນາມ. ເງໄດ້ສະແດງຜ່ານຄວາມນຶກຄິດ, ມີກຳລັງແຮງຂອງເທວະດາທີ່ສາມາດຂັບໄລ່ຜີສາງ, ນຳມາເຊິ່ງຄວາມໂຊກດີ ແລະ ການກຸສົນ. ເງພ້ອມກັບສັດປະເພດຕ່າງໆຄື: ມັງກອນ, ນົກຫົງ, ສິງໂຕ…ຖືກປະດັບປະດາໃນບັນດາກິດຈະກຳໄດ້ສ່ອງແສງໃຫ້ເຫັນຂອບຂະໜາດຂອງກິດຈະກຳສະຖາປັດຕະຍາກຳສະໄໝນັ້ນ.
ເພື່ອນຮ່ວາງເຟືອງລິງ, ນັກສຶກສາປີທີ 3, ມະຫາວິທະຍາໄລບໍ່ແຮ່, ທໍລະນີສາດຮ່າໂນ້ຍ, ຜູ້ມາຊົມງານວາງສະແດງ“ຮູບປັ້ນດິນເຜົາບູຮານຫວຽດນາມ“ ແບ່ງປັນວ່າ:
“ບັນດານັກສິລະປະການຫວຽດນາມ ໃນເມື່ອກ່ອນມີຄວາມຄ່ອງແຄ້ວທີ່ສຸດ, ໄດ້ຜະລິດບັນດາເຄື່ອງປັ້ນດິນເຜົາສະແດງໃຫ້ເຫັນຫົວຄິດປະດິດສ້າງ. ເຄື່ອງປັ້ນດິນເຜົາສະແດງໃນງານວາງສະແດງມີຫຼາຍຮູບຫຼາຍແບບທັງດ້ານຕົວຈິງ ແລະ ຈິດວິນຍານ. ນ້ອງເຫັນວ່າ, ເຄື່ອງປັ້ນດິນເຜົາງາມທັງນ້ຳເຄືອບ ກໍ່ຄືຮູບຮ່າງ“.
ງານວາງສະແດງຫົວເລື່ອງສະເພາະ
“ຮູບປັ້ນດິນເຜົາບູຮານຫວຽດນາມ“ ໄດ້ສະແດງບັນດາເຄື່ອງປັ້ນດິນເຜົາທັງມີຫຼາຍຮູບຫຼາຍແບບດ້ານປະເພດນຳໃຊ້ ແລະ ຮູບການສະແດງ. ນີ້ບໍ່ພຽງແຕ່ແມ່ນເຄື່ອງຂອງທີ່ຈຳເປັນໃນຊີວິດຂອງມວນມະນຸດເທົ່ານັ້ນ, ຫາກຍັງແມ່ນຜະລິດຕະພັນສິລະປະທີ່ເປັນເອກະລັກສະເພາະ ມີສັນຍາລັກຂອງແຕ່ລະສະໄໝພັດທະນາຂອງອາຊີບຜະລິດເຄື່ອງປັ້ນດິນເຜົາຫວຽດນາມ ອີກດ້ວຍ./.