ພັກກອມມູນິດຫວຽດນາມໄດ້ຮັບການສ້າງຕັ້ງຂຶ້ື້ນເມື່ອວັນທີ 3 ກຸມພາປີ 1930. ການສ້າງຕັ້ງພັກແມ່ນບາດລ້ຽວທີ່ສຳຄັນທີ່ສຸດໃນປະຫວັດການປະຕິວັດຫວຽດນາມ. ໃນໄລຍະປະຈຸບັນ, ວຽກງານກໍ່ສ້າງພັກຕິດພັນກັບການຮ່ຳຮຽນຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນແມ່ນວຽກງານທີ່ຈຳເປັນສຳລັບພະນັກງານ, ສະມາຊິກພັກ. ການຮ່ຳຮຽນຖືກຈັດຕັ້ງແບບລວມສູນ, ເປັນເອກະພາບກັນຈາກຂັ້ນສູນກາງລົງຮອດທ້ອງຖິ່ນ, ທັງມີລັກສະນະແຜນການ ແຕ່ກໍສາມາດຮັບປະກັນລັກສະນະປະດິດຄິດສ້າງ.
ປະທານໂຮ່ຈິມິນ, ຜູ້ນຳທີ່ແສນເຄົາລົບຮັກຂອງປະຊາຊົນຫວຽດນາມ |
ບັນດາວິທີການແກ້ໄຂທີ່ຍົກອອກມາແມ່ນຕິດແທດກັບຈຸດພິເສດ, ພາລະບົດບາດ ແລະ ໜ້າທີ່ຂອງແຕ່ລະອົງການສຳນັກງານ, ຫົວໜ່ວຍຕ່າງໆ ແລະ ສອດຄ່ອງກັບຄວາມສາມາດຂອງ ພະນັກງານ, ສະມາຊິກພັກ. ວຽກງານກໍ່ສ້າງພັກຕິດພັນກັບການຮ່ຳຮຽນຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນໄດ້ຮັບການຜັນຂະຫຍາຍ ຈາກຂັ້ນສູນກາງລົງຮອດຂັ້ນຮາກຖານ.
ເສີມຂະຫຍາຍບົດບາດຂອງລະບົບການຈັດຕັ້ງ, ຄະນະພັກໃນລະດັບສູງສຸດ
ນີ້ແມ່ນວິທີການແກ້ໄຂທີ່ສຳຄັນແຖວໜ້າ, ສວມບົດບາດຕັດສິນໂດຍກົງເຖິງປະສິດທິຜົນການປະຕິບັດການຮ່ຳຮຽນ ແລະ ເຮັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນໃນບັນດາອົງການສຳນັກງານ, ຫົວໜ່ວຍ, ຫມູ່ພະນັກງານ, ສະມາຊິກພັກ, ມະຫາຊົນ. ການສຶກສາອົບຮົມ, ຝຶກຝົນຫຼໍ່ຫຼອມພະນັກງານ, ສະມາຊິກພັກ, ມະຫາຊົນຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນ ກໍແມ່ນໜຶ່ງໃນບັນດາການເຄື່ອນໄຫວຂອງວຽກງານກໍ່ສ້າງພັກໃນແຕ່ລະອົງການສຳນັກງານ, ຫົວໜ່ວຍຕ່າງໆ. ເພາະສະນັ້ນ, ຄະນະພັກ, ການນຳຂັ້ນຕ່າງໆ, ຖັນແຖວພະນັກງານ, ສະມາຊິກພັກມີບົດບາດສຳຄັນໃນການຍົກສູງຄຸນນະພາບ, ປະສິທິຜົນການເຄື່ອນໄຫວນັ້ນຢູ່ອົງການສຳນັກງານ, ຫົວໜ່ວຍຂອງຕົນ. ທ່ານເລຂາທິການໃຫຍ່ພັກກອມມູນິດຫວຽດນາມ ເນັ້ນໜັກວ່າ :
“ ພວກເຮົາຕ້ອງເດັດດຽວ, ຍຶດໝັ້ນການຍູ້ແຮງການປະຕິບັດມະຕິສູນກາງພັກຄັ້ງທີ 4 ຊຸດທີ 11 ກ່ຽວກັບວຽກງານກໍ່ສ້າງພັກຕິດພັນກັບການຮ່ຳຮຽນຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນ. ສ້າງການຫັນປ່ຽນຢ່າງຈະແຈ້ງໃນວຽກງານກໍ່ສ້າງພັກ, ສະກັດກັ້ນ, ຍູ້ຖອຍສະພາບການເສື່ອມເສຍທາງດ້ານແນວຄິດການເມືອງ, ຄຸນສົມບັດ, ວິຖີຊີວິດ ແລະ ບັນດາປະກົດການ “ ຜັນແປເອງ” “ ຫັນປ່ຽນເອງ” ຢູ່ພາຍໃນ. ເອົາໃຈໃສ່ຊີ້ນຳນຳພາການປ່ຽນແປງໃໝ່ ຍົກສູງຄຸນນະພາບ ແລະ ລັກສະນະແທ້ຈິງຂອງວຽກງານຈັດຕັ້ງພະນັກງານ, ຊຶ່ງຈຸດສຸມແມ່ນການຕີລາຄາພະນັກງານ. ຍົກສູງຄຸນນະພາບຂອງອົງການຈັດຕັ້ງພັກຂັ້ນຮາກຖານ ແລະ ສະມາຊິກພັກ, ຮັກສາການປະຕິບັດກົດລະບຽບວິໄນຢ່າງເຂັ້ມງວດ, ເຊີດຊູແບບຢ່າງ, ຄຳເວົ້າຕ້ອງໄປຄຽງຄູ່ກັບການກະທຳ ”
ອົງການຈັດຕັ້ງພັກ, ໃນນັ້ນແກ່ນສານແມ່ນຄະນະພັກ, ມີບົດບາດຕັດສິນຄຸນນະພາບ, ປະສິດທິຜົນການຮ່ຳຮຽນ ແລະ ເຮັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນໃຫ້ແກ່ພະນັກງານ, ສະມາຊິກພັກ, ມະຫາຊົນ. ການນຳຂັ້ນຕ່າງໆຕ້ອງກຳນົດຢ່າງຄົບຖ້ວນກ່ຽວກັບບົດບາດ, ຄວາມຮັບຜິດຊອບຂອງຕົນໃນການຍູ້ແຮງການຮ່ຳຮຽນ ແລະ ເຮັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນໃຫ້ແກ່ພະນັກງານ, ສະມາຊິກພັກ.
ເພີ່ມທະວີການຊີ້ນຳນຳພາຂອງພັກ.
ນີ້ແມ່ນວິທີການແກ້ໄຂທີ່ມີລັກສະນະກະໂດດຂັ້ນ, ແມ່ນກຳລັງຫນູນ, ຕ່ອງໂສ້ສຳຄັນໃນວິວັດການກໍ່ສ້າງພັກຕິດພັນກັບການຍູ້ແຮງການຮ່ຳຮຽນ ແລະ ເຮັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນ. ໃນການປະຕິບັດການຮັກສາບັນດາຫຼັກການກໍ່ສ້າງພັກ, ເສີມຂະຫຍາຍປະຊາທິປະໄຕພາຍໃນພັກ, ປະຕິບັດການຕຳໜິຕິຊົມຕົນເອງ ແລະ ຕຳໜິຕິຊົມກັນໃນການຮ່ຳຮຽນ, ປະຕິບັດ, ດຳເນີນຊີວິດພັກ, ເສີມຂະຫຍາຍຄວາມເປັນແບບຢ່າງຂອງຜູ້ເປັນຫົວໜ້າອົງການສຳນັກງານ, ຫົວໜ່ວຍ ແລະ ອຳນາດການປົກຄອງທ້ອງຖິ່ນຂັ້ນຕ່າງໆ. ທ່ານນາງຮອງສາດສະດາຈານ, ປອ ຫງວຽນທິເຟືອງຮວາ, ຫົວໜ້າກົມ, ຫົວໜ້າໜ່ວຍງານສະເພາະກິດຊ່ວຍວຽກປະຕິບັດຄຳສັ່ງຂອງກົມການເມືອງກ່ຽວກັບການ “ສືບຕໍ່ຍູ້ແຮງການຮ່ຳຮຽນ ແລະ ເຮັດຕາມແບບຢ່າງຄຸນສົມບັດປະທານໂຮ່ຈິມິນ”, ຄະນະໂຄສະນາສຶກສາສູນກາງພັກ ຖືວ່າ :
“ ຍົກສູງຄວາມຜິດຊອບ, ເປັນແບບຢ່າງ, ມີສະຕິຕື່ນຕົວນຳໜ້າຂອງການນຳຫຼັກແຫຼ່ງຂອງຜູ້ເປັນຫົວໜ້າ ແລະ ຂອງພະນັກງານ, ສະມາຊິກພັກ. ເຮັດໃຫ້ແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນກາຍເປັນພື້ນຖານທາງດ້ານຈິດໃຈຢ່າງໝັ້ນຄົງໜັກແໜ້ນຂອງຊີວິດສັງຄົມ, ວັດທະນະທຳມະນຸດຫວຽດນາມ. ເຮັດໃຫ້ທົ່ວພັກ, ທົ່ວປວງຊົນ, ທົ່ວກອງທັບຮັບຮູ້ໄດ້ຢ່າງເລິກເຊິ່ງກວ່າກ່ຽວກັບເນື້ອໃນຂອງຄຸນຄ່າອັນໃຫຍ່ຫຼວງຂອງແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນ ”
ຍູ້ແຮງລັກສະນະຕື່ນຕົວໃນການຮ່ຳຮຽນ ແລະ ຝຶກຝົນຫຼໍ່ຫຼອມຂອງພະນັກງານ, ສະມາຊິກພັກແຕ່ລະຄົນ
ນີ້ແມ່ນວິທີການແກ້ໄຂ ຮັກສາບົດບາດເປັນເສົາຄ້ຳໃນລະບົບບັນດາມາດຕະການແກ້ໄຂ. ເພາະວ່າ ຖ້າຫາກ ອົງການສຳນັກງານ, ຫົວໜ່ວຍ ແລະ ອຳນາດການປົກຄອງທ້ອງຖິ່ນຂັ້ນຕ່າງໆເພີ່ມທະວີການຊີ້ນຳນຳພາ, ຂຶ້ນແຜນການຢ່າງລະອຽດ, ແຕ່ກະໂຕພະນັກງານ, ສະມາຊິກພັກແຕ່ລະຄົນນີ້ເອງ ບໍ່ຍົກສູງສະຕິຕື່ນຕົວ, ເປັນເຈົ້າການ ຊາບຊຶມ, ຮ່ຳຮຽນ ແລະ ເຮັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນນັ້ນ, ໝາກຜົນທີ່ບັນລຸໄດ້ຈະບໍ່ສູງ. ທ່ານມາຍວັນນິງ ຮອງຫົວໜ້າ ຄະນະໂຄສະນາສຶກສາສູນກາງພັກໃຫ້ຮູ້ວ່າ :
“ ບັນດາບຸກຄົນທີ່ເປັນຕົວແບບ ຕ່າງກໍຮ່ຳຮຽນຕາມແບບຢ່າງປະທານໂຮ່ຈິມິນໂດຍສະໝັກໃຈ ແລະ ຕື່ນຕົວປະຕິບັດ. ການຮ່ຳຮຽນ ແລະ ເຮັດຕາມແບບຢ່າງຄຸນສົມບັດປະທານໂຮ່ຈິມິນແມ່ນວຽກງານປະຕິບັດເປັນປະຈຳຂອງຄະນະພັກ, ອົງການຈັດຕັ້ງພັກ, ຂະແໜງການຂັ້ນຕ່າງໆ ແລະ ທົ່ວທັງສັງຄົມ ”
ກ້າວເຂົ້າສູ່ໄລຍະໃໝ່, ພະນັກງານ, ສະມາຊິກພັກທຸກໆຄົນຈົ່ງມານະພະຍາຍາມສູ້ຊົນ, ເດັດດຽວຕໍ່ສູ້ ຍູ້ຖອຍສະພາບການເສື່ອມເສຍທາງດ້ານແນວຄິດການເມືອງ, ຄຸນສົມບັດ, ວິຖີຊີວິດ, ສືບຕໍ່ຍູ້ແຮງການປະຕິບັດມະຕິສູນກາງພັກຄັ້ງທີ 4 ຊຸດທີ 11 ກ່ຽວກັບວຽກງານກໍ່ສ້າງພັກຕິດພັນກັບຄຳສັ່ງຂອງກົມການເມືອງກ່ຽວກັບ “ການຮ່ຳຮຽນຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນ”. ກໍ່ສ້າງພັກໃຫ້ປອດໃສ, ໝັ້ນຄົງເຂົ້ມແຂງຢ່າງບໍ່ຢຸດຢັ້ງ, ຍົກສູງຄວາມສາມາດນຳພາ ແລະ ກຳລັງຕໍ່ສູ້ຂອງພັກ, ສົມກັບຄວາມເຊື່ອໝັ້ນຂອງປະຊາຊົນ.