(vovworld) - ປີ 2017, ຫວຽດນາມ ແລະ ອິນເດຍ ສະເຫຼີມສະຫຼອງ 2 ເຫດການສຳຄັນ: 45 ປີແຫ່ງວັນສ້າງຕັ້ງການພົວພັນທາງການທູດ, 10 ປີແຫ່ງວັນຄູ່ຮ່ວມມືຍຸດທະສາດ. ທີ່ກອງປະຊຸມສຳມະນາວິທະຍາສາດສາກົນກ່ຽວກັບບັນຫານີ້ ໃນວັນທີ 21/03, ນັກການທູດ, ວົງການນັກຄົ້ນຄວ້າຫລາຍຄົນຢືນຢັນວ່າ: ໃນໄລຍະຜ່ານມາ ການພົວພັນ ຫວຽດນາມ - ອິນເດຍ ໄດ້ຕອບສະໜອງການພັດທະນາແບບຍືນຍົງຂອງແຕ່ລະປະເທດ ແລະ ປະກອບສ່ວນຮັກສາສັນຕິພາບໃນໂລກ. ບົນພື້ນຖານອັນດີງາມຂອງການພົວພັນ 2 ຝ່າຍ, ຫວຽດນາມ ແລະ ອິນເດຍ ຄວນສືບຕໍ່ຍູ້ແຮງການຮ່ວມມືໃນໄລຍະຈະມາເຖິງຢ່າງເລິກເຊິ່ງກ່ວາອີກ.
ການພົວພັນ ຫວຽດນາມ - ອິນເດຍ ພ້ອມກັນຮ່ວມມືພັດທະນາ
(ພາບປະກອບ / TTXVN)
ການພົວພັນ ຫວຽດນາມ - ອິນເດຍ ມີປະຫວັດຄວາມເປັນມາແຕ່ດົນນານ, ຊຶ່ງທ່ານປະທານ ໂຮ່ຈີມິນ ແລະ ທ່ານນາຍົກລັດຖະມົນຕີ Jawaharlal Nehru ສ້າງຂຶ້ນ, ພ້ອມກັບການນຳ ແລະ ປະຊາຊົນ 2 ປະເທດເພີ່ມພູນຄູນສ້າງໃຫ້ນັບມື້ນັບພັດທະນາແບບຍືນຍົງ. 2 ປະເທດໄດ້ສ້າງຕັ້ງການພົວພັນທາງການທູດຢ່າງເປັນທາງການໃນວັນທີ 07/01/1972. ປີ 2007, ຫວຽດນາມ - ອິນເດຍ ໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດ. ການນຳ 2 ປະເທດໄດ້ເຫັນດີເປັນເອກະພາບຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານນັບແຕ່ປີ 2016.
ຕອບສະໜອງການພັດທະນາແບບຍືນຍົງຂອງແຕ່ລະປະເທດ
45 ປີຜ່ານມາ, ການພົວພັນດ້ານການເມືອງ - ການທູດ ຫວຽດນາມ - ອິນເດຍ ໄດ້ຮັບການຍົກລະດັບພັດທະນາຢ່າງເລິກເຊິ່ງ. ທ່ານ ຫງວຽນຊວນທັ໋ງ ຜູ້ອຳນວຍການສະຖາບັນການເມືອງແຫ່ງຊາດ ໂຮ່ຈີມິນ ໃຫ້ຂໍ້ສັງເກດວ່າ: ນີ້ແມ່ນການພົວພັນດ້ານການເມືອງ ແລະ ການທູດດີງາມທີ່ສຸດ. ຍ້ອນມີຄວາມໄວ້ເນື້ອເຊື່ອໃຈດ້ານການເມືອງສູງສຸດລະຫວ່າງ 2 ປະເທດ ເປັນພື້ນຖານໃຫ້ແກ່ຜົນງານນີ້.
“2 ປະເທດມີ ຜົນປະໂຫຍດກ່ຽວກັບຍຸດທະສາດທັບຊ້ອນກັນ, ພ້ອມແລ້ວທີ່ຈະມີຄວາມເຊື່ອໝັ້ນ ແບ່ງປັນນຳກັນໃນບັນດາບັນຫາເກືອບທັງໝົດຂອງ 2 ຝ່າຍ ກໍ່ຄືຫລາຍຝ່າຍ, ນັບທັງບັນດາບັນຫາຄວາມເຄັ່ງຮ້ອນ. ພິເສດ ບໍ່ພຽງແຕ່ຢຸດຕິຢູ່ຖະແຫຼງການເທົ່ານັ້ນ ຫາກ ອິນເດຍ ຍັງມີບັນດາການກະທຳຕົວຈິງສົມທົບກັບ ຫວຽດນາມ ເພື່ອຮັບປະກັນສະພາບແວດລ້ອມແຫ່ງສັນຕິພາບ, ຄວາມໝັ້ນຄົງ, ການຮ່ວມມືເສລີໃນການເດີນເຮືອຢູ່ທະເລຕາເວັນອອກອີກດ້ວຍ. ຄວາມໄວ້ເນື້ອເຊື່ອໃຈນັ້ນ ໄດ້ຮັບການປັບປຸງໂດຍຜ່ານເລື່ອງ 2 ຝ່າຍໄດ້ແລກປ່ຽນຄະນະຜູ້ແທນຂັ້ນສູງຂອງພັກ, ລັດ, ສະພາແຫ່ງຊາດ, ລັດຖະບານເປັນປະຈຳ. ໃນຊຸມປີມໍ່ໆມານີ້, ບັນດາການນຳສູງສຸດຂອງ ຫວຽດນາມ ໄດ້ໄປຢ້ຽມຢາມ ອິນເດຍ. ແລະກົງກັນຂ້າມ ບັນດາການນຳ ອິນເດຍ ໄດ້ມາຢ້ຽມຢາມ ຫວຽດນາມ, ຈັດຕັ້ງເວທີປາໄສຫລາຍຄັ້ງ ບໍ່ພຽງແຕ່ຢູ່ໃນລະດັບມະຫາພາກເທົ່ານັ້ນ ຫາກຍັງນັບທັງຈຸລະພາກອີກດ້ວຍ”.
ໃນຂົງເຂດເສດຖະກິດ, ປະຈຸບັນ ອິນເດຍ ແມ່ນໜຶ່ງໃນ 10 ຄູ່ຮ່ວມມືການຄ້າແຖວໜ້າຂອງ ຫວຽດນາມ. ຫວຽດນາມ ແມ່ນຄູ່ຮ່ວມມືທີ 4 ຂອງ ອິນເດຍ ໃນກຸ່ມ ອາຊຽນ. ລະດັບການເຕີບໂຕກ່ຽວກັບການແລກປ່ຽນການຄ້າສະເລ່ຍແຕ່ລະປີແມ່ນ 16%, ປະຈຸບັນບັນລຸ 5 ຕື້ USD. ການນຳ 2 ປະເທດວາງຄາດໝາຍເພີ່ມວົງເງິນການຄ້າ 2 ຝ່າຍທົບ 3 ເທົ່າ, ບັນລຸ 15 ຕື້ USD ໃນປີ 2020. ກ່ຽວກັບການລົງທຶນ, ຫວຽດນາມ ແມ່ນປະເທດລົງທຶນທີ່ດຶງດູດຂອງວິສາຫະກິດ ອິນເດຍ ດ້ວຍໂຄງການໄດ້ຮັບການຜັນຂະຫຍາຍກ່ວາ 130 ແຫ່ງ. ສິ່ງທີ່ເປັນໜ້າສົນໃຈ ແມ່ນໃນຂົງເຂດນ້ຳມັນອາຍແກ໊ສ, ນອກຈາກ 3 ບໍ່ນ້ຳມັນອາຍແກ໊ສຊຶ່ງບັນດາວິສາຫະກິດ ອິນເດຍ ພວມຂຸດຄົ້ນ, ໃນໄລຍະມໍ່ໆມານີ້ ຫວຽດນາມ ໄດ້ເຊີນ ອິນເດຍ ສຳຫລວດເພີ່ມ 5 ບໍ່ນ້ຳມັນອາຍແກ໊ສຕື່ມອີກໃນເຂດເສດຖະກິດພິເສດຂອງ ຫວຽດນາມ ຢູ່ທະເລຕາເວັນອອກ. ນອກນັ້ນ ບັນດາຂົງເຂດອື່ນໆຄື: ໄຟຟ້າ, ພະລັງງານຜະລິດຄືນໃໝ່ກໍ່ໄດ້ຮັບຄວາມເອົາໃຈໃສ່ຈາກ 2 ຝ່າຍ.
ກ່ຽວກັບດ້ານປ້ອງກັນຊາດປ້ອງກັນຄວາມສະຫງົບ, ການຮ່ວມມືດ້ານປ້ອງກັນຊາດປ້ອງກັນຄວາມສະຫງົບໄດ້ຮັບການກຳນົດຈາກການນຳ 2 ປະເທດວ່າ ແມ່ນເສົາຄ້ຳຍຸດທະສາດໃນການພົວພັນ 2 ຝ່າຍ. ນອກຈາກບັນດາການຢ້ຽມຢາມຂອງລັດຖະມົນຕີກະຊວງປ້ອງກັນປະເທດແລ້ວ ແຜນການຮ່ວມມືປ້ອງກັນຊາດ 2 ຝ່າຍໄລຍະ 2015 – 2020 ແມ່ນລະອຽດທີ່ສຸດ, ສົມທົບກັນຢ່າງແໜ້ນແຟ້ນໃນການຕໍ່ສູ້ຕ້ານອາດຊະຍາກຳທຳລາຍຄວາມສະຫງົບທີ່ເຄີຍມີມາ, ຕ້ານກໍ່ການຮ້າຍ, ອາດຊະຍາກຳນຳໃຊ້ເຕັກໂນໂລຢີສູງ, ເພີ່ມທະວີຄວາມປອດໄພທາງເຄືອຂ່າຍອິນເຕີແນັດ ແລະ ແບ່ງປັນບົດຮຽນ ເຂົ້າຮ່ວມກຳລັງປົກປັກຮັກສາສັນຕິພາບຂອງສະຫະປະຊາຊາດ. ສາດສະດາຈານ - ປະລິນຍາເອກ ແມ້ງກວາງທັ໋ງ ອາຈານສອນຢູ່ສະຖາບັນການເມືອງແຫ່ງຊາດ ໂຮ່ຈີມິນ ໃຫ້ຂໍ້ສັງເກດວ່າ:
“ 2 ປະເທດໄດ້ຊອກເຫັນ ແລະ ໄດ້ຮັບຜົນປະໂຫຍດຈາກກຳລັງແຮງທາງດ້ານການທູດ ແລະ ການຮ່ວມມືຍຸດທະສາດ. ປະເທດອີນເດຍຕ້ອງການມີກຳລັງແຮງ, ຕ້ອງບືນຕົວຂຶ້ນໃນຖານະແມ່ນປະເທດໃຫຍ່, ສາມາດສົ່ງຜົນສະທ້ອນໃນພາກພື້ນ ແລະ ໃນໂລກດ້ວຍຄວາມສາມາດບົ່ມຊ້ອນບໍ່ໜ້ອຍກ່ຽວກັບເສດຖະກິດ, ການທະຫານ, ວັດທະນະທຳ. ຫວຽດນາມກໍຕ້ອງການຮ່ວມມືກັບທຸກໆປະເທດ, ໃນນັ້ນມີອິນເດຍແມ່ນປະເທດຈຸດສຸມ. ”
ຊຸກຍູ້ການຮ່ວມມືເຂົ້າສູ່ລ່ວງເລິກ
ການພົວພັນຫວຽດນາມ-ອີນເດຍໃນໄລຍະທີ່ຈະມາເຖິງ ບໍ່ພຽງແຕ່ແມ່ນການສືບຕໍ່ປະຫວັດສາດເທົ່ານັ້ນ, ຫາກຍັງຕ້ອງການໄດ້ພັດທະນາ ແລະ ເພີ່ມທະວີ. ທ່ານສາດສະດາຈານ, ປອ ແມ້ງກວາງທັ້ງ ຖືວ່າ ຕ້ອງຕັ້ງການພົວພັນຫວຽດນາມ-ອີນເດຍເຂົ້າໃນສະພາບການລວມຂອງສາຍພົວພັນສາກົນ.
ທ່ານ Neeklakantan ອະດີດເອກອັກຄະລັດຖະທູດອີນເດຍປະຈຳຫວຽດນາມ ມີຂໍ້ສະເໜີວ່າ : (ເທບ)
“ 2 ຝ່າຍຕ້ອງມີລັກສະນະເຊື່ອມຈອດ, ຄວນມີການໜູນຊ່ວຍບັນດາບໍລິສັດການບິນ. ບໍລິສັດ Jetstar ຂອງຫວຽດນາມໄດ້ຕິດປະກາດໃນຕະຫຼາດຫຼັກຊັບ ແລະ ໄດ້ມີການນູນຊ່ວຍແກ່ຂະແໜງການບິນຫວຽດນາມໃຫ້ມີຄວາມກ້າວໜ້າກ່ວາ. 2 ປະເທດອາດຈະໜູນຊ່ວຍຊຶ່ງກັນ ແລະ ກັນ ແລະ ສາມາດຮ່ວມມືໃນຂົງເຂດການບິນ, ເຮັດແນວໃດເພີີ່ມທະວີຈຳນວນຖ້ຽວບິນໂດຍກົງລະຫວ່າງຫວຽດນາມ-ອີນເດຍ ”
ສ່ວນທ່ານສາດສະດາຈານ, ປອ ເລວັນເກືອງ ອະດີດຫົວໜ້າສະຖາບັນຄົ້ນຄ້ວາຍຸດທະສາດ ກະຊວງຕຳຫຼວດຫວຽດນາມ ຖືວ່າ: (ເທບ)
“ ທາງດ້ານເຕັກໂນໂລຢີຂໍ້ມູນຂ່າວສານ, ອີນເດຍແມ່ນປະເທດມະຫາອຳນາດໃນຂົງເຂດນີ້. ຂ້າພະເຈົ້າຫວັງວ່າ 2 ປະເທດຄວນມີການຮ່ວມມືຫຼາຍກ່ວາອີກ, ອາດຈະສ້າງຕັ້ງມະຫາວິທະຍາໄລເຕັກໂນໂລຢີຂໍ້ມູນຂ່າວສານຂອງອີນເດຍຢູ ່ຫວຽດນາມ. ທີ 2 ຫວຽດນາມ ແລະ ອີນເດຍຄວນຮ່ວມມືໃນຂົງເຂດຮັບປະກັນຄວາມປອດໄພໃນເຄືອຂ່າຍອິນເຕີເນັດຫຼາຍກ່ວາອີກ. ທີ 3, ຊາວຫວຽດນາມມັກໄປທ່ອງທ່ຽວຢູ່ອິນເດຍ ແລະ ກົງກັນຂ້າມ. ທີ່ 4 ແມ່ນເພີ່ມທະວີການຮ່ວມມືໃນຂົງເຂດຮັບປະກັນຄວາມປອດໄພທາງການບິນ, ການເດີນເຮືອຢູ່ທະເລຕາເວັນອອກ ແລະ ມະຫາສະໝຸດອີນເດຍ, ທີ 5 ແມ່ນຄວນຮ່ວມມືໃນບັນດາເວທີປາໄສຫຼາຍຝ່າຍ ແລະ 2 ຝ່າຍ ”
45 ປີທີ່ຜ່ານມາ, ການພົວພັນຫວຽດນາມ-ອີນເດຍໄດ້ຜ່ານໄລຍະທາງອັນຍາວໄກ ແລະ ໄດ້ຮັບບັນດາຜົນງານດ້ານການຮ່ວມມືອັນດີງາມອີງໃສ່ພື້ນຖານຄວາມໄວ້ເນື້ອເຊື່ອໃຈທາງດ້ານການເມືອງ. ດ້ວຍໄລຍະທາງປະຫວັດສາດແຫ່ງການທົດສອບ ແລະ ພວມສ້າງທ່ວງທ່າເພື່ອພັດທະນາ, ສາຍພົວພັນນີ້ພວມຢືນຢູ່ຕໍ່ໜ້າແງ່ຫວັງພັດທະນາອັນດີງາມໃນໄລຍະທີ່ຈະມາເຖິງເພື່ອຜົນປະໂຫຍດຂອງ 2 ຊາດ./.