(vovworld) – ໄລຍະມໍ່ໆມານີ້, ຢູ່ກຳປູເຈຍ ໄດ້ດຳເນີນການແຫ່ຂະບວນປະທ້ວງຈຳນວນໜຶ່ງ. ດ້ວຍຖ້ອນທຳນອງເສັກສັນປັ້ນແຕ່ງ, ບັນດາຜູ້ແຫ່ຂະບວນປະທ້ວງໄດ້ຖະແຫຼງຢ່າງຈອງຫອງວ່າ, ຜືນແຜ່ນດິນຂອງຫວຽດນາມສ່ວນໜຶ່ງແມ່ນຂອງກຳປູເຈ. ຊຳ້ບໍ່ໜຳ, ມີບາງຄົນຍັງຮຽກຮ້ອງ “ຕັດການພົວພັນກັບຫວຽດນາມ“. ເຫດການດັ່ງກ່າວແມ່ນບໍ່ສາມາດສ່ອງແສງຄວາມຈິງແຫ່ງຊີວິດ ແລະ ທາດແທ້ປະຫວັດສາດໄດ້, ເພາະວ່ານັບແຕ່ດົນນານມາແລ້ວ, ສອງປະເທດຫວຽດນາມ - ກຳປູເຈຍ ຍາມໃດກໍ່ມີຄວາມສາມັກຄີ, ຮຽງບ່າຮຽງໄຫລ່ພ້ອນກັນປົກປັກຮັກສາອະທິປະໄຕຜືນແຜ່ນດິນ, ກໍ່ຄືຜົນປະໂຫຍດຂອງແຕ່ລະປະເທດ. ແຕ່ວ່າຮູບພາບກ່ຽວກັບຄວາມສາມັກຄີລະຫວ່າງປະຊາຊົນສອງປະເທດຫວຽດນາມ - ກຳປູເຈຍ ນັ້ນພັດຖືກກຸ່ມຄົນບໍ່ດີຈຳນວນໜຶ່ງຄັດຄ້ານ, ທຳລາຍ, ເພື່ອຮັບໃຊ້ຈຸດປະສົງດ້ານການເມືອງທີ່ມືດມົວຂອງຕົນ.
ທ່ານ Phay Siphan ໂຄສົກລັດຖະບານລາຊະອານາຈັກກຳປູເຈຍ
ເດືອນ 7/2014, ມີ 100 ກວ່າຄົນໄດ້ພາກັນໄປຍັງສະຖານທູດຫວຽດນາມຢູ່ນະຄອນຫຼວງພະນົມເປັນຂອງກຳປູເຈຍ, ເພື່ອທວງເອົາອັນທີ່ເອີ້ນວ່າ ”ເຂດດິນພາກໃຕ້ໃຫ້ແກ່ອົງການ “ປະຊາຄົມຂະແມກຳປູເຈຍກະຣົມ“ (KKKC). ກາງເດືອນ 8, ກຸ່ມຄົນນີ້ສືບຕໍ່ການແຫ່ຂະບວນປະທ້ວງ ແລະ ມີການກະທຳຈູດທຸງຊາດຂອງຫວຽດນາມ. ໃນຊຸມມື້ມໍ່ໆນີ້, ການນຳກຸ່ມຄົນນີ້ຍັງຖະແຫຼງຢ່າງຈອງຫອງວ່າ, ຈະ “ຕັດການພົວພັນກັບຫວຽດນາມ“. ບັນດາເປົ້າໝາຍຄັດຄ້ານໄດ້ມີການກະກຽມຢ່າງລອບຄອບຖີ່ຖ້ວນ, ດ້ວຍຈຸດປະສົງແບ່ງແຍກຄວາມສາມັກຄີລະຫວ່າງປະຊາຊົນສອງປະເທດຫວຽດນາມ - ກຳປູເຈຍ. ການແຫ່ຂະບວນປະທ້ວງເຫຼົ່ານັ້ນໄດ້ດຳເນີນໄປໂດຍບໍ່ຫົວຊາຕໍ່ຫາງສຽງ ແລະ ການກ່າວປະນາມຂອງປະຊາຄົມສາກົນ
ຜູ້ກະຕຸກຊຸກຍູ້, ເສກສັນປັ້ນແຕ່ງປະຫວັດສາດແມ່ນໃຜ?
ຜູ້ດຳເນີນການແຫ່ຂະບວນປະທ້ວງນີ້ແມ່ນໃຜ? ເຂົາເຈົ້າໄດ້ຮັບການຊີ້ນຳ, ໜູນຫຼັງຈາກກຳລັງການເມືອງໃດແດ່? ໃນຈຳນວນຜູ້ກໍ່ຄວາມວຸ້ນວາຍເຫຼົ່ານັ້ນມີບຸກຄົນຈຳນວນໜຶ່ງຂຶ້ນກັບພັກຝ່າຍຄ້ານກູ້ຊາດກຳປູເຈຍ (CNRP) ຂອງການນຳ Sam Rainsy ຊື່ງເຄີຍຈັດຂະບວນການຕ້ານປະຊາຄົມຊາວຫວຽດນາມ ອາໄສຢູກຳປູເຈຍ ແລະ ພັກນີ້ໄດ້ຖືກລັດຖະບານກຳປູເຈຍ ແລະ ສປຊ ກ່າວປະນາມຫຼາຍເທື່ອ ຍ້ອນໄດ້ກະຕຸກຊຸກຍູ້ຄວາມອາຄາດບາດໝາງດ້ານເຊື້ອຊາດຜີວພັນ.
Sam Rainsy ການນຳພັກ CNRP ຂອງກຳປູເຈຍ ເຄີຍຖືກນຳຕົວຂຶ້ນສານຍ້ອນ 2 ໂທດກຳໃຫ້ຂ່າວຜິດກັບຕົວຈິງ ແລະ ປະກາດບັນດາແຜນທີ່ປອມກ່ຽວກັບເລື່ອງກຳປູເຈຍຖືກເສຍທີ່ດິນໃນວິວັດການປັກຫຼັກໝາຍຊາຍແດນກັບຫວຽດນາມຢູ່ແຂວງ Svay Rieng. ບັນດາການກະທຳບັງອາດຂອງ Sam Rainsy ໄດ້ຖືກກົດໝາຍກຳປູເຈຍ ລົງໂທດ ແລະ ປະຊາຊົນສອງປະເທດກໍ່ໄດ້ກ່າວປະນາມ. ແຕ່ເຖິງຢ່າງໃດກໍ່ຕາມ, Thach Se Tha ສະມາຊິກລັດຖະສະພາ, ພັກ Sam Rainsy, ເປົ້າໝາຍນຳໜ້າອັນທີ່ເອີ້ນວ່າ “ປະຊາຄົມຂະແມກຳປູເຈຍ ກຣົມ“ (KKKC) ພັດແມ່ນຜູ້ນຳພາໂດຍກົງການແຫ່ຂະບວນປະທ້ວງຄັ້ງນີ້ເພື່ອເເນໃສ່ທຳລາຍການພົວພັນລະຫວ່າງຫວຽດນາມ-ກຳປູເຈຍ, ເສກສັນປັ້ນແຕ່ງປະຫວັດສາດຢູ່ເຂດດິນແດນທາງພາກໃຕ້ຫວຽດນາມ.
ພາຍຫລັງໄລຍະເວລາໜຶ່ງໄດ້ຮັບອະນຸຍາດໃຫ້ເຄື່ອນໄຫວໃນຖານະແມ່ນອົງການບໍ່ຂຶ້ນກັບລັດຖະບານ (NGO), Thach Se Tha ນັບມື້ນັບສະແດງໃຫ້ເຫັນການກະທຳຮຸນແຮງ ແລະ ຕ້ານທຳລາຍຫວຽດນາມ ຢ່າງຂ້ຽວຂາດ ຄື: ຍື່ນໃບສະເໜີຕໍ່ກະສັດ Sihanuk, ຝາກເຖິງປະທານາທິບໍດີ ແລະ ສະພາແຫ່ງຊາດຝະລັ່ງ ສະເໜີລົບລ້າງສົນທິສັນຍາ 49-733 ກ່ຽວກັບເຂດດິນແດນພາກໃຕ້; ຈັດຕັ້ງ “ວັນເສຍທີ່ດິນ“ (4/6/2003) ຢ່າງອຶກກະທຶກຄຶກໂຄມ, ເພີ່ມທະວີການພິມຈຳໜ່າຍໜັງສືພິມ…. ໃນຖານະແມ່ນສະມາຊິກພັກຝ່າຍຄ້ານໃຫ່ຍອັນດັບໜຶ່ງຂອງກຳປູເຈຍ, Thach Se Tha ໄດ້ເສກສັນປັ້ນແຕ່ງສະພາບການຂອງຊາວຂະແມຢູ່ຫວຽດນາມ ຫຼາຍຄັ້ງຢ່າງເປີດແປນ, ຮຽກຮ້ອງໃຫ້ ສປຊ ເປີດຫ້ອງການຜູ້ຕາງໜ້າປະຈຳຢູ່ເກີນເທີ ເພື່ອຕິດຕາມສະພາບສິດທິມະນຸດຂອງຊາວຂະແມພາກໃຕ້; ຮຽກຮ້ອງການສະໜັບສະໜູນຂອງບັນດາພັກຝ່າຍຄ້ານຢູ່ກຳປູເຈຍ, ບັນດາອົງການຈັດຕັ້ງສາກົນໜູນຫຼັງໃຫ້ແກ່ບັນດາອົງການປະຕິການ “ປະຊາຄົມຂະແມກຳປູເຈຍ ກຣົມ“ (KKKC) ຢູ່ທີ່ນີ້.
ທຸກໆການກະທຳຂອງ Thach Se Tha ບໍ່ນອກເໜືອຈຸດປະສົງເພື່ອສ້າງຊື່ສຽງໃຫ້ແກ່ຕົນເອງ, ຫວັງໄດ້ຮັບການໜູນຊ່ວຍດ້ານການເງິນຈາກບັນດາອົງການປະຕິການພາຍນອກ ແລະ ຫວັງຢາກໄດ້ແບ່ງສິດອຳນາດຂອງກົງຈັກອຳນາດການປົກຄອງ. ມາຮອດປະຈຸບັນນີ້ກໍ່ເຫັນໄດ້ວ່າທາດແທ້ການເຄື່ອນໄຫວດ້ານການເມືອງຂອງ Thach Se Tha ບໍ່ແມ່ນເພື່ອປະກອບສ່ວນໃຫ້ແກ່ຄວາມຜາສຸກ, ຄວາມອີ່ມໜຳສຳລານ ແລະ ການພັດທະນາຂອງກຳປູເຈຍ. ບັນດາຄຳຖະແຫຼງຂະຈິດຄື: “ຮຽກຮ້ອງຫວຽດນາມ ຕ້ອງມອບຄືນຕອນດິນພາກໃຕ້ໃຫ້ຊາວຂະແມ“, ຫຼື ”ສະເໜີລັດຖະບານກຳປູເຈຍ ຕັດການພົວພັນກັບຫວຽດນາມ ຊົ່ວຄາວຈົນເຖິງເວລາໃດທີ່ຫວຽດນາມ ຍອມຮັບປະຫວັດສາດຂອງກຳປູເຈຍ”, ນັ້ນແມ່ນວິທີເພື່ອໃຫ້ຜູ້ນີ້ສ້າງຊື່ສຽງ, ແມ່ນການກະທຳທີ່ຢຽບຢຳ່ປະເທດຂອງຕົນ, ໄປຝືນກັບສິນທຳຂອງຊາດ
ຍາມໃດກຳປູເຈຍກໍ່ຖືຫວຽດນາມ ແມ່ນຄູ່ຮ່ວມມືທີ່ໜ້າໄວ້ເນື້ອເຊື່ອໃຈ
ຕໍ່ໜ້າການກະທຳ ແລະ ຖ້ອຍທຳນອງຂອງຄົນກຳປູເຈຍຈຳນວນໜຶ່ງທີ່ທີ່ບໍ່ ຮູ້ກ່ຽວກັບປະຫວັດສາດນັ້ນ, ກະຊວງພາຍໃນກຳປູເຈຍ ໄດ້ອອກສຽງຖະແຫຼງວ່າ, ການກະທຳນັ້ນແມ່ນບໍ່ສາມາດຮັບຮູ້ໄດ້ ແລະ ໄປຝືນກັບສິນທຳ. ໃນຖະແຫຼງຢ່າງເປັນທາງການຂອງອົງການສື່ສານຫວ່າງແລ້ວນີ້, ໂຄສົກລັດຖະບານລາຊະອານາຈັກກຳປູເຈຍ Phay Siphan ຊີ້ແຈ້ງວ່າ, ປະເທດຫວຽດນາມ ອ້າຍນ້ອງ ບໍ່ແມ່ນປັດໃຈທີ່ຂົ່ມຂູ່ເຖິງຄວາມສະຫງົບປອດໄພຂອງກຳປູເຈຍ: ”ລັດຖະບານ ແລະ ປະຊາຊົນກຳປູເຈຍ ຍາມໃດກໍ່ມີແຜນນະໂຍບາຍປົກປັກຮັກສາ ແລະ ພັດທະນາການພົວພັນກັບຫວຽດນາມ, ເຊິ່ງແມ່ນຜົນງານອັນໃຫຍ່ຫຼວງແຫ່ງການຮຽງບ່າຮຽງໄຫຼ່ສູ້ຮົບນຳກັນມາເປັນເວລາອັນຍາວນານ, ຜ່ານຫຼາຍໄລຍະປະຫວັດສາດ ແລະ ເດັດດຽວບໍ່ປະໃຫ້ອິດທິກຳລັງໃດໆທຳລາຍສາຍພົວພັນສາມັກຄີພິເສດນີ້. ລັດຖະບານບໍ່ສະໜັບສະໜູນ ແລະ ປະຊາຊົນກຳປູເຈຍ ຈະບໍ່ປະໃຫ້ກຸ່ມຄົນບໍ່ເຂົ້າໃຈກ່ຽວກັບປະຫວັດສາດປຸກປັ່ນ ແລະ ແບ່ງແຍກການພົວພັນລະຫວ່າງສອງປະເທດຢ່າງເດັດຂາດ”.
ບັນດາການກະທຳຂອງພວກຫົວຮຸນແຮງກຳປູເຈຍ ບໍ່ພຽງແຕ່ສ້າງຄວາມຄຽດແຄ້ນໃຫ້ແກ່ຊາວຫວຽດນາມ ເທົ່ານັ້ນ, ຫາກຍັງລະເມີດກົດໝາຍຂອງກຳປູເຈຍ, ສົ່ງຜົນສະທ້ອນເຖິງການພົວພັນຮ່ວມມືມິດຕະພາບທີ່ເປັນມູນເຊື້ອ ລະຫວ່າງສອງປະເທດອີກດ້ວຍ. ໜ້າເສຍດາຍ, ໂດຍແມ່ນຜູ້ທີ່ມີລະດັບຄວາມຮູ້, ແມ່ນນັກການເມືອງ, ຄວາມຈິງແລ້ວເຂົາເຈົ້າຕ້ອງຕ້ອງຮູ້ ແລະ ເຄົາລົບຄວາມຈິງ, ຫາກບໍ່ແມ່ນເພື່ອຈຸດປະສົງດ້ານການເມືອງໃຫ້ແກ່ຕົນເອງ, ເຂົາເຈົ້າໄດ້ເສກສັນປັ້ນແຕ່ງຢຽບຢຳ່ສັດຈະທຳ. ເຂົາເຈົ້າບໍ່ແມ່ນຜູ້ຕາງໜ້າໃຫ້ແກ່ກຳປູເຈຍ, ຫາກແມ່ນຜູ້ສວຍໂອກາດ. ດ້ວຍສາຍພົວພັນອັນສະໜິດສະໜົມທີ່ມີມາແຕ່ດົນນານ, ການພົວພັນຫວຽດນາມ - ກຳປູເຈຍບໍ່ສາມາດຖືກທຳລາຍຍ້ອນບັນດາການກະທຳຫົວຮຸນແຮງຄືດັ່ງກ່າວໄດ້.