(vovworld)- ເລື່ອງ ອັງກິດ ຖອນອອກຈາກ ສະຫະພາບເອີລົບ (EU) ຍັງເອີ້ນວ່າ Brexit ແມ່ນຫນຶ່ງໃນບັນດາເຫດການເຮັດໃຫ້ໂລກມີຄວາມສົນລະວົນໃຈໃນປີ 2016. ບໍ່ພຽງແຕ່ເຮັດໃຫ້ດ້ານຊີວິດການເມືອງຂອງ ອັງກິດ ມີການປ່ຽນແປງຢ່າງໃຫຍ່ຫລວງກໍຄື ສ້າງຜົນສະທ້ອນອັນຍາວນານໃຫ້ແກ່ດ້ານເສດຖະກິດ ສັງຄົມຂອງອັງກິດ ຫາກ Brexit ຍັງສົ່ງຜົນກະທົບຢ່າງແຮງເຖິງ ສະຫະພາບ ເອີລົບໃນປີ 2016 ອີກດ້ວຍ.
ໝາກຜົນແຫ່ງການລົງປະຊາມະຕິເມື່ອວັນທີ 23/6/2016 ກ່ຽວກັບເລື່ອງ ອັງກິດຖອນອອກຈາກສະຫະພາບເອີລົບ (Brexit) ໄດ້ສະແດງໃຫ້ເຫັນວ່າ ມີ 52% ຜູ້ສະຫນັບສະຫນູນເລື່ອງ ອັງກິດ ຖອນອອກຈາກ EU ເມື່ອທຽບໃສ່ 48% ຜູ້ສະຫນັບສະຫນູນເລື່ອງອັງກິດຢູ່ຄືນ EU. ກ່ອນຫນ້ານັ້ນ, ນັບທັງການນຳຝ່າຍສະຫນັບສະຫນູນ Brexit ກໍບໍ່ຄິດໄດ້ວ່າແຜນການຂອງຝ່າຍຕົນພັດຍາດໄຊຊະນະ.
ສົ່ງຜົນສະທ້ອນຢ່າງຫຍໍ້ທໍ້ໃນເບື້ອງຕົ້ນເຖິງອັງກິດບໍ່ຫນັກຫນ່ວງຄືການຄາດຄະເນ
ການເມືອງຂອງອັງກິດ ມີການປ່ຽນແປງຫລາຍຢ່າງນັບແຕ່ເມື່ອເຫດການ Brexit. ທຸກພັກຝ່າຍການເມືອງລ້ວນແຕ່ຖືກຜົນສະທ້ອນ ຍ້ອນ Brexit. ກຳລັງດັນພາຍໃນແມ່ນໃຫຍ່ຫລວງສຳລັບທຸກພັກຝ່າຍ ແລະ ວົງການການເມືອງ ກໍຄືຫາງສຽງພາຍໃນອັງກິດ. ສຳລັບພັກຮັກສາເດີມ, ພາຍຫລັງການລາອອກຈາກຕຳແຫນ່ງຂອງທ່ານ David Cameron ແລະ ທ່ານນາງ Theresa May, ຊື່ງແມ່ນຜູ້ໄດ້ຮັບຖືວ່າ ມີຄວາມສະຫງ່ຽມຄ່ຽມຄົມໄດ້ຂຶ້ນກຳອຳນາດນຳພາພັກ, ກາຍເປັນນາຍົກລັດຖະມົນຕີ ອັງກິດ ດ້ວຍຫນ້າທີ່ສຳຄັນ ແມ່ນ ກະຕຸກຊຸກຍູ້ວິວັດທະນາການທີ່ສັບສົນເພື່ອໃຫ້ ອັງກິດ ຖອນອອກຈາກ EU. ໃນຂະນະນັ້ນ ພັກກຳມະກອນ ຊື່ງແມ່ນພັກຝ່າຍຄ້ານໃຫຍ່ສຸດຢູ່ ອັງກິດ ກໍປະສົບກັບສະພາບສັບສົນວຸ້ນວາຍພາຍຫລັງເຫດ Brexit. ມີສະມາຊິກພັກກຳມະກອນ ປະມານ 20 ຄົນ ໄດ້ພ້ອມກັນລາອອກຈາກຕຳແຫນ່ງ ແຕ່ເຖິງຢ່າງໃດກໍຕາມ ປະທານພັກ Jeremy Corbyn, ຜູ້ສະຫນັບສະຫນູນ ອັງກິດ ຢູ່ ຄືນ EUໄດ້ຊອກຫາວິທີສືບຕໍ່ດຳລົງຕຳແຫນ່ງ. ຍ້ອນສິ່ງນັ້ນ ໄດ້ເຮັດໃຫ້ຄວາມສາມັກຄີພາຍໃນພັກນີ້ຖືກແຕກແຫງຫລາຍສົມຄວນ.
ຢູ່ Scotland, ເມືອງເອກ Scotland Nicola Stutgeon ໄດ້ນາບຂູ່ ຫລາຍເທື່ອ ວ່າຈະດຳເນີນການລົງປະຊາມະຕິທວງເອົາເອກະລາດແຍກອອກຈາກ ລາຊະອານາຈັກ ອັງກິດ. ໃນຂະນະນັ້ນ ພັກເອກະລາດ ລາຊະອານາຈັກ ອັງກິດ (UKIP) ຝ່າຍຂວາຈັດ ມີແນວຄິດປະຕິເສດເລື່ອງຊາວອົບພະຍົບ ແລະ ໄດ້ຂົນຂວາຍຢ່າງແຮງໃຫ້ແກ່ເລື່ອງຖອນອອກຈາກ EU ນັບມື້ນັບປັບປຸງທີ່ຕັ້ງບົດບາດໃນເວທີການເມືອງອັງກິດ.
“ຈຸດເດັ່ນ”ໃນສະພາບການຂອງອັງກິດໃນປີ 2016 ນັ້ນແມ່ນດ້ານເສດຖະກິດ. ເມື່ອເກີດເຫດການ Brexit, ມີຫລາຍຄົນຄາດຄະເນວ່າ ເສດຖະກິດຂອງອັງກິດ ຈະກ້າວເຂົ້າສູ່ໄລຍະຊຸດໂຊມ ແຕ່ຄວາມຈິງສະແດງໃຫ້ເຫັນວ່າ ເສດຖະກິດຂອງອັງກິດ ພັດມີສັນຍານເຕີບໂຕ ຍ້ອນກຳລັງການໃຊ້ສອຍເພີ່ມຂຶ້ນຢ່າງແຮງ, ການປັບປຸງໃຫຍ່ໃນການຜະລິດອຸດສາຫະກຳ ແລະ ລົງທຶນດຳເນີນທຸລະກິດ. ບັນດາຕົວເລກໃຫ້ເຫັນວ່າ 6 ເດືອນພາຍຫລັງເກີດເຫດການ Brexit, ການຜະລິດ ແລະ ການບໍລິການຂອງອັງກິດ ຍັງຄົງເປັນປົກກະຕິ, ລາຍຮັບຈາກການຂາຍຍ່ອຍສູງກວ່າການຄາດຄະເນ, ຕະຫລາດວຽກເຮັດງານທຳໄດ້ຮັບການຟື້ນຟູ, ອັດຕາຜູ້ຫວ່າງງານບັນລຸລະດັບຕ່ຳສຸດໃນ 11 ປີມານີ້ (4,8%).
ເອີລົບປະສົບກັບຄວາມຫຍຸ້ງຍາກຢ່າງລຽນຕິດ
ເລື່ອງຜູ້ມີສິດເລືອກຕັ້ງ ອັງກິດ ຕັດສິນຖອນອອກຈາກ EU ໄດ້ເຮັດໃຫ້ ເອີລົບຜ່ານຜ່າໄລຍະຫຍຸ້ງຍາກ ອາດຈະເວົ້າວ່າ ແມ່ນຫຍຸ້ງຍາກທີ່ສຸດນັບແຕ່ເມື່ອສົງຄາມເຢັນສິ້ນສຸດມາຮອດປະຈຸບັນ. Brexit ເກີດຂຶ້ນບໍ່ພຽງແຕ່ເຮັດໃຫ້ສະຫະພາບເອີລົບ ບໍ່ແຂງແຮງຄືເກົ່າເທົ່ານັ້ນ ຫາກຍັງເຮັດໃຫ້ບັນດາການນຳ EU ຕ້ອງມີຄວາມເອົາໃຈໃສ່ຫລາຍກວ່າ, ໃນຂະນະບັນຊີລາຍຊື່ບັນດາບັນຫາ EU ຕ້ອງປະເຊີນຫນ້າບໍ່ແມ່ນຫນ້ອຍ. ການຕໍ່ສູ້ຕ້ານການກໍ່ການຮ້າຍສາກົນ, ວິກິດການອົບພະຍົບ, ຄວາມຫຍຸ້ງຍາກດ້ານເສດຖະກິດ ພາຍຫລັງບັນດາສິ່ງທ້າທາຍຍ້ອນຊາວອົບພະຍົບກໍ່ຂຶ້ນສຳລັບສັງຄົມ ເອີລົບ ຍັງແມ່ນຄວາມວິຕົກກັງວົນປະຈຳຂອງບັນດາການນຳ ເອີລົບ.
ຄວາມຈິງໃຫ້ເຫັນວ່າ ເລື່ອງອັງກິດ ຖອນອອກຈາກ EU ກໍເຮັດໃຫ້ ເອີລົບຖືກແບ່ງແຍກ ເມື່ອບັນດາສະມາຊິກຂອງ EU ມີທ່າທີ່, ປະຕິກິລິຍາແຕກຕ່າງກັນ. ໃນຂະນະ ນັ້ນ ສະວິດ ຕັດສິນຖອນໃບຄຳຮ້ອງຂໍເຂົ້າເປັນສະມາຊິກ EU, ບາງປະເທດຄື ອີຕາລີ, ໂຮນລັງ ມີແນວຄວາມຄິດດຳເນີນການລົງປະຊາມະຕິຄືອັງກິດ.
ກ່ຽວກັບດ້ານເສດຖະກິດ, ບັນດານະໂຍບາຍເສດຖະກິດຂອງ EU ຍັງຄົງໄດ້ຮັບການຮັກສາໄວ້ຄືເກົ່າ. ເຖິງວ່າ ບົດບາດສຳຄັນຂອງ EU ດ້ວຍຖານະແມ່ນຄູ່ຮ່ວມມືເຈລະຈາກັບບັນດາປະເທດ ອາຊີ ຄື: ສເກົາຫລີ, ຍີ່ປຸ່ນ, ອິນເດຍ, ຈີນ ໄດ້ຫລຸດຜ່ອນລົງ. ໃນຍຸດທະສາດຕ້ານການກໍ່ການຮ້າຍ, ເລື່ອງ ອັງກິດ ຖອນອອກຈາກ EU ໄດ້ເຮັດໃຫ້ EU ບໍ່ສາມາດສຳພັດກັບເຄືອຂ່າຍສື່ສານສືບລາຊະການລັບຢ່າງກວ້າງຂວາງ ແລະ ມີປະສິດທິຜົນຂອງອັງກິດ.
ສິ່ງທົດສອບໃນພາຍພາກຫນ້າ
ປີ 2017, ອັງກິດ ຈະກ້າວເຂົ້າສູ່ໄລຍະດຳເນີນການເຈລະຈາກັບ EU ເພື່ອຖອນອອກຈາກສະຫະພາບນີ້. ຕາມນັກໄຈ້ແຍກແລ້ວ, ບັນດາເນື້ອໃນເຈລະຈາຂອງລັດຖະບານ ອັງກິດ ກັບ EU ຈະແມ່ນບັນຫາກໍ່ຄວາມຖົກຖຽງກັນຫລາຍສຸດໃນເວທີການເມືອງ ອັງກິດໃນປີ 2017 ແລະ ບັນດາຄວາມຖົກຖຽງດັ່ງກ່າວຈະຍູ້ອັງກິດກ້າວເຂົ້າສູ່ໄລຍະຂາດຄວາມສະຖຽນລະພາບ ເມື່ອບັນດານັກລົງທຶນ, ເຈົ້າຂອງກໍຄືຄົນງານລ້ວນແຕ່ມີຄວາມວິຕົກກັງວົນ. ຄວາມຫຍຸ້ງຍາກສຳລັບ ອັງກິດ ນັ້ນແມ່ນຈະຕັດສິນເລື່ອງຄວນຮັກສາ ຫລື ຍົກເລີກກົດໝາຍສະບັບໃດຂອງ EU. ຈຸດຕົ້ນຕໍນັ້ນແມ່ນ ພັກຮັກສາເດີມ ພຽງກຳທີ່ນັ່ງໃນລະດັບຕ່ຳສຸດ ໃນຂະນະສະພາບການພາຍໃນຍັງເກີດຄວາມຂັດແຍ້ງກັນ. ທຸກການປ່ຽນແປງລ້ວນແຕ່ໄດ້ຮັບການຮັບຮອງຈາກສະພາແຫ່ງຊາດ. ຍິ່ງດຳເນີນການເຈລະຈາລະອຽດເທົ່າໃດຍິ່ງປະສົບກັບຄວາມຫຍຸ້ງຍາກເທົ່ານັ້ນ ພິເສດແມ່ນບັນຫາຄວາມເສລີໃນການໄປມາ, ວຽກເຮັດງານທຳ, ສິດຜົນປະໂຫຍດຂອງພົນລະເມືອງອັງກິດ ຢູ່ ເອີລົບ ແລະ ກົງກັນຂ້າມ, ບັນດາບັນຫາເສດຖະກິດການຄ້າ.
ສຳລັບ ເອີລົບ, ໄພເສດຖະກິດຖືກຊັກຊ້າຢູ່ ອັງກິດ ຈະສົ່ງຜົນສະທ້ອນເຖິງແຫລ່ງລາຍຮັບຈາກການສົ່ງອອກຂອງບັນດາປະເທດມີການພົວພັນຄ້າຂາຍໃຫຍ່ກັບອັງກິດຄື: ໄອແລນ, ໂຮນລັງ, ແບນຊີກ ແລະ Cyprus. ບັນດາປະເທດລົງທຶນໂດຍກົງຂອງຕ່າງປະເທດຢູ່ອັງກິດ ຫລື ມີການພົວພັນຢ່າງສະຫນິດແຫນ້ນກັບຂະແຫນງທະນາຄານປະເທດນີ້ ຊື່ງລວມມີ: Cyprus, ຝລັ່ງ, ແບນຊີກ, ໂຮນລັງ, ເຢຍລະມັນ, ແຟງລັງ, ເກຼັກ ແລະ ແອດສະປາຍ ອາດຈະຖືກຜົນກະທົບຢ່າງຫຍໍ້ທໍ້. ເບິ່ງລວມແລ້ວ, ຜົນຮ້າຍຢ້ອນຫລັງດ້ານເສດຖະກິດຈາກ ເຫດການ Brexit ສຳລັບ EU ໃນໄລຍະສັ້ນ ເຖິງວ່າບໍ່ໃຫຍ່ຫລວງ ແຕ່ເລື່ອງອັງກິດຖອນອອກຈາກ EU ຈະສະກັດກັ້ນເຖິງວິວັດການຟື້ນຟຸດ້ານເສດຖະກິດຂອງພາກພື້ນໃນຊຸມປີມໍ່ໆມານີ້. ນອກນັ້ນ ການແຕກແຫງດ້ານການເມືອງໃນ EU ກ່ຽວກັບບັນຫາ Brexit ຈະເພີ່ມຂຶ້ນເມື່ອວິວັດການນີ້ດຳເນີນໄປກົງກັບຈຸດເວລາດຳເນີນບັນດາການເລືອກຕັ້ງສຳຄັນຢູ່ຫລາຍປະເທດ.
ຜົນກະທົບຂອງ Brexit ພາຍຫລັງ 6 ເດືອນດຳເນີນການລົງປະຊາມະຕິກັບອັງກິດ ແລະ EU ເຖິງວ່າມີຄວາມແຕກຕ່າງກັນ ແຕ່ເລື່ອງຖອນອອກຈາກ EU ຂອງອັງກິດກໍ່ເຮັດໃຫ້ສອງຝ່າຍຖືກເສຍຫາຍ. ຜົນສະທ້ອນຂອງເຫດການນີ້ຍັງຖືກແກ່ຍາວໃນຊຸມປີຈະມາເຖິງ.