(vovworld)- ໃນປີຜ່ານມາ ລັດຖະບານຫວຽດນາມ ໄດ້ມີເອກະສານສຳຄັນຫລາຍສະບັບເພື່ອຫນູນຊ່ວຍວິສາຫະກິດປັບປຸງສະພາບແວດລ້ອມແຫ່ງການດຳເນີນທຸລະກິດ, ມຸ່ງໄປເຖິງຄາດໝາຍຮອດປີ 2020 ມີວິສາຫະກິດເລີ່ມທຸລະກິດ 1 ລ້ານແຫ່ງ. ໃນສະພາບການຫວຽດນາມ ພວມເຊື່ອມໂຍງຢ່າງເລິກເຊິ່ງ, ກວ້າງຂວາງນັ້ນ, ສິ່ງນີ້ໄດ້ວາງອອກບັນດາຄຳຮຽກຮ້ອງທີ່ເຄັ່ງຄັດກ່ຽວກັບກຳລັງຄວາມສາມາດໃນການປະດິດສ້າງ, ລະດັບເຕັກໂນໂລຊີສຳລັບບັນດານັກທຸລະກິດເລີ່ມທຸລະກິດ. ມີຜູ້ຊ່ຽວຊານຫລາຍທ່ານຖືວ່າ ເພື່ອເລີ່ມທຸລະກິດສຳເລັດຜົນ, ຫນ້າທີ່ຂອງບັນດາວິສາຫະກິດນັ້ນແມ່ນ ຕ້ອງປ່ຽນໃຫມ່ ແລະ ມີຫົວຄິດປະດິດສ້າງ, ເພື່ອປະຕິບັດຄາດໝາຍນຳຫວຽດນາມ ກາຍເປັນປະເທດເລີ່ມທຸລະກິດ.
ພາບປະກອບ:internet
|
ໃນ 2 ປີມານີ້, ຂະບວນການເລີ່ມທຸລະກິດໄດ້ພັດທະນາຢ່າງແຮງ, ບັນດາວິສາຫະກິດເລີ່ມທຸລະກິດສ່ວນຫລາຍເຄີຍເຄື່ອນໄຫວໃນບັນດາຂົງເຂດເຕັກໂນໂລຊີຂໍ້ມູນຂ່າວສານ, ຊອບແວ, ບໍລິການ. ຢູ່ ຮ່າໂນ້ຍ, ມີວິສາຫະກິດປະມານ 200.000 ແຫ່ງ, ໃນນັ້ນ 30% ແມ່ນວິສາຫະກິດເລີ່ມທຸລະກິດ, ນະຄອນຮ່າໂນ້ຍ ພວມວາງອອກຫລາຍມາດຕະການຊ່ວຍວິສາຫະກິດເລີ່ມທຸລະກິດພັດທະນາຄື: ຫນູນຊ່ວຍດ້ານທຶນຮອນ, ຊອກຫາສົ້ນອອກໃຫ້ແກ່ຜະລິດຕະພັນ. ໃນສະພາບການປະຈຸບັນ, ເພື່ອເຊື່ອມໂຍງ, ວິສາຫະກິດເລີ່ມທຸລະກິດຕ້ອງມີບັນດາຂອດບຸກທະລຸໃນການປະດິດສ້າງຜະລິດຕະພັນ, ການລົງທຶນພັດທະນາວິທະຍາສາດເຕັກໂນໂລຊີທັນສະໄຫມ, ຂະຫຍັນຂັນເຄື່ອນ, ມີຫົວຄິດປະດິດສ້າງໃນການເຄື່ອນໄຫວດຳເນີນທຸລະກິດ. ສຳລັບສະຫະສະມາຄົມວິສາຫະກິດຂະຫນາດກາງ ແລະ ນ້ອຍ ນະຄອນຮ່າໂນ້ຍແລ້ວ, ປະຈຸບັນ ໄດ້ສ້າງຕັ້ງກອງທຶນເລີ່ມທຸລະກິດ ເພື່ອແນໃສ່ຫນູນຊ່ວຍລາຍຈ່າຍໃຫ້ແກ່ບັນດາວິສາຫະກິດ. ນອກນັ້ນ ບັນດາວິສາຫະກິດໃຫຍ່ຢູ່ບໍລິເວນນະຄອນຍັງຊ່ວຍເຫລືອບັນດາວິສາຫະກິດເລີ່ມທຸລະກິດເຂົ້າຮ່ວມໂຄງການຂອງບັນດາວິສາຫະກິດເພື່ອຊ່ວຍວິສາຫະກິດເລີ່ມທຸລະກິດພັດທະນາ. ທ່ານ ມາກກວກແອງ, ຮອງປະທານ, ທັງເປັນເລຂາທິການໃຫຍ່ສະຫະສະມາຄົມວິສາຫະກິດຂະຫນາດກາງ ແລະ ນ້ອຍ ນະຄອນ ຮ່າໂນ້ຍ ໃຫ້ຮູ້ວ່າ:
“ຄວນມີວິສາຫະກິດເລີ່ມທຸລະກິດລຸ້ນຫນຶ່ງ ແຕ່ພວກເຮົາຕ້ອງຄັດເລືອກຂະແຫນງໃດ ບຸລິມະສິດ, ຄວນມີຂອດບຸກທະລຸ ແລະ ຜະລິດຕະພັນຕ້ອງຈຳຫນ່າຍຢູ່ ຕະຫລາດໄດ້. ພວກຂ້າພະເຈົ້າຫວັງວ່າ ບັນດາວິສາຫະກິດເລີ່ມທຸລະກິດຍາມໃດກໍ່ມີການປ່ຽນໃຫມ່ຢ່າງມີຫົວຄິດປະດິດສ້າງ, ມີຄວາມຂະຫຍັນຂັນເຄື່ອນໃນການເຊື່ອມໂຍງດ້ານເສດຖະກິດ, ການຄ້າ ການລົງທຶນເທົ່ານັ້ນ ຫາກຍັງຕ້ອງມີຄວາມເອົາໃຈໃສ່ເຖິງການປ່ຽນໃຫມ່ດ້ານວິທະຍາສາດເຕັກໂນໂລຊີ, ຍົກສູງກຳລັງແກ້ງແຍ້ງດ້ານມູນຄ່າຂອງຜະລິດຕະພັນ ຕ້ອງສຸມໃສ່ບັນດາປະເພດສິນຄ້າມີຄຸນນະພາບສູງເພື່ອຈຳຫນ່າຍຢູ່ຕະຫລາດໃຫຍ່ອີກດ້ວຍ.”
ພ້ອມກັນນັ້ນ, ລັດຖະບານ ຫວຽດນາມ ໄດ້ປະກາດໃຊ້ຫລາຍນະໂຍບາຍຫນູນຊ່ວຍດ້ານທຶນຮອນໃຫ້ແກ່ບັນດາວິສາຫະກິດເລີ່ມທຸລະກິດ. ລັດຖະບານ ໄດ້ຊີ້ນຳທະນາຄານແຫ່ງລັດ ແລະ ລະບົບທະນາຄານໃນທົ່ວປະເທດ ສືບຕໍ່ແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ, ຫນູນຊ່ວຍພັດທະນາການຜະລິດ. ເພື່ອຫນູນຊ່ວຍດ້ານທຶນຮອນໃຫ້ແກ່ວິສາຫະກິດເລີ່ມທຸລະກິດ, ມີກອງທຶນຫລາຍແຫ່ງໄດ້ຮັບການສ້າງຕັ້ງຂຶ້ນ. ດ້ວຍຄວາມປາດຖະຫນາຢາກເຮັດໃຫ້ຫວຽດນາມ ກາຍເປັນປະເທດເລີ່ມທຸລະກິດຄື: ອິດສະຣາແອນ, ກຸ່ມບໍລິສັດ FPT ພວມຮ່ວມມືຍຸດທະສາດກັບບັນດາກອງທຶນ ແລະ ສູນບຳລຸງສາກົນ ເພື່ອສາມາດສ້າງສະພາບແວດລ້ອມແຫ່ງການເລີ່ມທຸລະກິດໃຫ້ແກ່ຄາດໝາຍຮອດປີ 2020 ຈະມີບໍລິສັດເຕັກໂນໂລຊີ 5000. ທ່ານ ເຈີນຫືວດືກ ຜູ້ອຳນວຍການກອງທຶນພະຈົນໄພ FPTໃຫ້ຮູ້ວ່າ: FPT ໃຫ້ຄຳໝັ້ນສັນຍາຮ່ວມເດີນທາງຢ່າງຍາວນານກັບວິສາຫະກິດເລີ່ມທຸລະກິດ. ນອກຈາກໄດ້ຮັບການຫນູນຊ່ວຍແຫລ່ງທຶນແລ້ວ ບັນດາວິສາຫະກິດ ຍັງ ມີກາລະໂອກາດເຮັດວຽກກັບບັນດາຜູ້ຊ່ຽວຊານ, ຜູ້ໃຫ້ຄຳປຶກສາທີ່ມີປະສົບການ ຢູ່ພາຍໃນ ແລະ ນອກ FPT. ຈາກນັ້ນ ມູ່ງໄປເຖິງບັນດາຄາດໝາຍນັ້ນແມ່ນ ສ້າງຜະລິດຕະພັນຊື່ງຕະຫລາດມີຄວາມຕ້ອງການຢ່າງແທ້ຈິງ, ບໍ່ພຽງແຕ່ຢູ່ ຫວຽດນາມ ເທົ່ານັ້ນ ຫາກມຸ່ງໄປເຖິງຕະຫລາດພາກພື້ນ ແລະ ໃນໂລກອີກດ້ວຍ.
“ເພື່ອຫນູນຊ່ວຍປະຊາຄົມວິສາຫະກິດເລີ່ມທຸລະກິດຫວຍດນາມ ກວ່າອີກ, ພວກຂ້າພະເຈົ້າ ພ້ອມກັບກຸ່ມບໍລິສັດ Hanwa ຂອງ ສເກົາຫລີ ແລະ ກອງທຶນ ພະຈົນໄພ Dragon Capital, ບໍບິສັດຫຸ້ນສ່ວນBIDV ສົມທົບກັນສ້າງຕັ້ງກອງທຶນໃຫມ່ ນັ້ນແມ່ນ ກອງທຶນເພີ່ມລະດັບຄວາມໄວການເລີ່ມທຸລະກິດທີ່ມີຫົວຄິດປະດິດສ້າງຫວຽດນາມ ຊ່ວຍໃຫ້ບັນດາເພື່ອນຫນຸ່ມເລີ່ມທຸລະກິດ ຫວຽດນາມ ນອກຈາກ ມີທຶນຮອນແລ້ວ ຍັງມີເງື່ອນໄຂເພື່ອສຳຜັດກັບຕະຫລາດສາກົນ, ໄດ້ຮັບການຝືກອົບຮົມ ບຳລຸງສ້າງຈາກບັນດາຜູ້ຊ່ຽວຊານມີປະສົບການ ພ້ອມທັງຊ່ວຍໃຫ້ບັນດາເພື່ອນເລີ່ມທຸລະກິດ ຫລັງຈາກນັ້ນສາມາດໄດ້ຮັບແຫລ່ງເງິນລົງທຶນຫລາຍກວ່າ.”
ຮອດປີ 2020 ມີວິສາຫະກິດເລີ່ມທຸລະກິດ 1 ລ້ານແຫ່ງ
ພາບ:internet
|
ເລີ່ມທຸລະກິດບໍ່ພຽງແຕ່ແມ່ນສ້າງຕັ້ງວິສາຫະກິດໃຫມ່ເທົ່ານັ້ນ ຫາກຍັງແມ່ນການສ້າງໂຄງປະກອບວິສາຫະກິດຄືນໃຫມ່ ນັບທັງຜະລິດຕະພັນ, ການບໍລິການ, ການບໍລິຫານ ແລະ ເຕັກໂນໂລຊີ.. ເລີ່ມທຸລະກິດແມ່ນແນວຄິດໃຫມ່, ການເຮັດໃຫມ່. ໃນສະພາບການເຊື່ອມໂຍງ, ບັນດາວິສາຫະກິດຫວຽດນາມ ຕ້ອງພັດທະນາເສດຖະກິດອີງໃສ່ເຕັກໂນໂລຊີ, ການປ່ຽນໃຫມ່, ມີຫົວຄິດປະດິດສ້າງ, ເສດຖະກິດພູມປັນຍາ. ບັນດາວິສາຫະກິດເວົ້າລວມ ແລະ ວິສາຫະກິດເລີ່ມທຸລະກິດເວົ້າສະເພາະ ກໍເລືອກເຟັ້ນຂົງເຂດດຳເນີນທຸລະກິດຢ່າງເໝາະສົມເພື່ອຊຸກຍູ້ການປ່ຽນໃຫມ່ມີຫົວຄິດປະດິດສ້າງໃນການເຊື່ອມໂຍງ. ປະຕິບັດວິວັດການວິສາຫະກິດຕິດພັນກັບເປົ້າໝາຍນຳຫວຽດນາມ ກາຍເປັນປະເທດເລີ່ມທຸລະກິດ, ທ່ານ ຫວູຕຽນໂລກ, ປະທານຫ້ອງການການຄ້າ ແລະ ອຸດສາຫະກຳຫວຽດນາມ ໃຫ້ຮູ້ວ່າ:
“ຫວຽດນາມ ພວມໄດ້ຮັບຖືວ່າ ແມ່ນພື້ນຖານເສດຖະກິດຂອງປະເທດທີ່ມີບັນດາຂໍ້ລິເລີ່ມ ແລະ ຈິດໃຈເລີ່ມທຸລະກິດຢ່າງແຮງ. ການກະທຳຕັ້ງຫນ້າຂອງລັດຖະບານໃນໄລຍະຜ່ານມາ ພິເສດ ແມ່ນການວາງອອກມະຕິເລກທີ 35 ດ້ວຍຄາດໝາຍມີວິສາຫະກິດ 1 ລ້ານແຫ່ງໃນປີ 2020 ແມ່ນຄາດໝາຍສຳຄັນທີ່ສຸດ. ສະນັ້ນລັດຖະບານ ໄດ້ຍົກອອກຫລາຍນະໂຍບາຍ, ມາດຕະການ ເພື່ອຊຸກຍູ້ການເລີ່ມທຸລະກິດ, ຊຸກຍູ້ການປ່ຽນໃຫມ່ທີ່ມີຫົວຄິດປະດິດສ້າງ, ສ້າງລັດຖະບານສ້າງສາ, ລັດຖະບານຮັບໃຊ້ຄວາມຕັດສິນໃຈປະຕິຮູບພວມນຳມາເຊິ່ງຄວາມເຊື່ອໝັ້ນໃຫ້ແກ່ປະຊາຄົມວິສາຫະກິດ ນັກທຸລະກິດ.”
ເພື່ອຊຸກຍູ້ຈິດໃຈເລີ່ມທຸລະກິດ, ຄຽງຄູ່ກັບຄວາມມານະພະຍາຍາມຂອງບັນດາວິສາຫະກິດ ເລື່ອງສ້າງສະພາບແວດລ້ອມແຫ່ງການດຳເນີນທຸລະກິດຢ່າງສະດວກ ແມ່ນສິ່ງສຳຄັນ. ຂະນະນັ້ນ ບັນດາວິສາຫະກິດຈະສຸມໃສ່ເຂົ້າໃນການປ່ຽນໃຫມ່ ແລະ ມີຫົວຄິດປະດິດສ້າງກວ່າ ເພື່ອບັນລຸຜົນສຳເລັດ.